Indian Oil Corporation Limited: ప్రభుత్వ రంగ సంస్థ ఇండియన్ ఆయిల్ కార్పొరేషన్ లిమిటెడ్ (IOCL) నిరుద్యోగులకు గుడ్‌న్యూస్ చెప్పింది. వివిధ విభాగాల్లో ఖాళీగా ఉన్న 470 పోస్టుల భర్తీకి నోటిఫికేషన్ (Job Notification) విడుదల చేసింది. విద్యార్హతను బట్టి బీటెక్, డిప్లొమా, ఎంబీఏ, ఎల్‌ఎల్‌బీ, పీజీ పూర్తి చేసిన అభ్యర్థులు ఈ ఉద్యోగాలకు దరఖాస్తు చేసుకోవచ్చు. అభ్యర్థుల ఎంపిక ప్రక్రియలో కంప్యూటర్ ఆధారిత పరీక్ష (CBT), గ్రూప్ డిస్కషన్, గ్రూప్ టాస్క్, పర్సనల్ ఇంటర్వ్యూ తదితర దశలు ఉంటాయి.
పోస్టుల వివరాలు ఇలా ఉన్నాయి:
Grade-A పోస్టులు: 411
Grade-AO పోస్టులు: 9
Grade-EO పోస్టులు: 50
మొత్తం: 470 పోస్టులు
Post: గ్రాడ్యుయేట్ ఇంజినీర్ (గ్రేడ్-ఏ)
కెమికల్, సివిల్, కంప్యూటర్ సైన్స్ అండ్ ఇన్ఫర్మేషన్ టెక్నాలజీ, ఎలక్ట్రికల్, ఎలక్ట్రానిక్స్ అండ్ కమ్యూనికేషన్, ఇన్‌స్ట్రుమెంటేషన్, మెకానికల్ విభాగాల్లో బీటెక్/బీఈ లేదా తత్సమాన కోర్సు పూర్తి చేసి ఉండాలి. వయసు 26 ఏళ్లకు మించకూడదు. వేతన శ్రేణి నెలకు రూ.50,000 నుంచి రూ.1,60,000.
Post: డిప్లొమా ఇంజినీర్ (ఈవో)
ఎలక్ట్రికల్, మెకానికల్ లేదా సేఫ్టీ విభాగంలో మూడేళ్ల ఇంజినీరింగ్ డిప్లొమా ఉండాలి. గరిష్ఠ వయసు 26 సంవత్సరాలు. వేతన శ్రేణి రూ.30,000 నుంచి రూ.1,20,000.
Post: ఆఫీసర్ (మార్కెటింగ్) (గ్రేడ్-ఏ)
ఎంబీఏ (మార్కెటింగ్) లేదా బిజినెస్ అడ్మినిస్ట్రేషన్‌లో పీజీ డిప్లొమా అర్హతగా పేర్కొన్నారు. గరిష్ఠ వయసు 28 సంవత్సరాలు. వేతనం రూ.50,000 నుంచి రూ.1,60,000 వరకు ఉంటుంది.
Post: లా ఆఫీసర్ (గ్రేడ్-ఏ)
ఏదైనా డిగ్రీతో పాటు ఎల్‌ఎల్‌బీ లేదా ఐదేళ్ల ఇంటిగ్రేటెడ్ ఎల్‌ఎల్‌బీ పూర్తి చేసి ఉండాలి. గరిష్ఠ వయసు 30 సంవత్సరాలు. వేతన శ్రేణి రూ.50,000 నుంచి రూ.1,60,000.
Post: అసిస్టెంట్ క్వాలిటీ కంట్రోల్ ఆఫీసర్ (ఏవో)
కెమిస్ట్రీ, ఇన్‌ఆర్గానిక్ కెమిస్ట్రీ, ఆర్గానిక్ కెమిస్ట్రీ, అనలిటికల్ కెమిస్ట్రీ, ఫిజికల్ కెమిస్ట్రీ, అప్లైడ్ కెమిస్ట్రీ లేదా ఇండస్ట్రియల్ కెమిస్ట్రీలో మాస్టర్స్ డిగ్రీ ఉండాలి. గరిష్ఠ వయసు 30 సంవత్సరాలు. వేతనం రూ.40,000 నుంచి రూ.1,40,000 వరకు ఉంటుంది.
ముఖ్యమైన తేదీలు:
ఆన్‌లైన్ దరఖాస్తుకు చివరి తేదీ: 03 సెప్టెంబర్ 2026
పరీక్ష తేదీ: 24 సెప్టెంబర్ 2026
తెలుగు రాష్ట్రాల్లో పరీక్ష కేంద్రాలు:
హైదరాబాద్, కరీంనగర్, వరంగల్, రాజమహేంద్రవరం, కాకినాడ, గుంటూరు, విశాఖపట్నం, విజయనగరం.
అర్హత, వయోపరిమితి, రిజర్వేషన్లు, ఎంపిక విధానం తదితర పూర్తి వివరాల కోసం అభ్యర్థులు IOCL (Indian Oil Corporation Limited) అధికారిక వెబ్‌సైట్‌లో నోటిఫికేషన్‌ను పరిశీలించి దరఖాస్తు చేసుకోవాలి.
అధికారిక వెబ్‌సైట్: www.iocl.com
