టాలీవుడ్ ప్రముఖ నటుడు జూనియర్ ఎన్టీఆర్‌కు షూటింగ్ సమయంలో స్వల్ప గాయమైంది. సోమవారం సాయంత్రం ఓ సినిమా చిత్రీకరణ జరుగుతున్న సమయంలో ఆయన భుజానికి గాయం అయినట్లు ఆయన కార్యాలయం అధికారిక ప్రకటన విడుదల చేసింది.
ప్రమాదం జరిగిన వెంటనే జూనియర్ ఎన్టీఆర్‌ను ఆస్పత్రికి తరలించి వైద్యుల పర్యవేక్షణలో చికిత్స అందిస్తున్నారు. ప్రస్తుతం ఆయన ఆరోగ్య పరిస్థితి నిలకడగా ఉన్నట్లు సమాచారం.
గాయం స్వల్పమైనదేనని, వైద్యులు అవసరమైన చికిత్స అందిస్తున్నారని ఎన్టీఆర్ కార్యాలయం తెలిపింది. దీంతో అభిమానులు ఆందోళన చెందాల్సిన అవసరం లేదని పేర్కొంది. జూనియర్ ఎన్టీఆర్ త్వరగా కోలుకోవాలని అభిమానులు, సినీ ప్రముఖులు సామాజిక మాధ్యమాల ద్వారా ఆకాంక్షలు వ్యక్తం చేస్తున్నారు.
