#Bc Welfare

తెలంగాణలోని బీసీ మహిళలకు ప్రభుత్వం కీలక శుభవార్త అందించింది. స్వయం ఉపాధిని ప్రోత్సహించే లక్ష్యంతో 100 శాతం సబ్సిడీపై ఆటోమేటిక్ కుట్టుమిషన్లను పంపిణీ చేయనుంది. రాష్ట్రంలోని 119 అసెంబ్లీ నియోజకవర్గాల్లో ఒక్కో నియోజకవర్గానికి 1,000 చొప్పున మొత్తం 1,19,000 మంది బీసీ మహిళలకు ఈ ప్రయోజనం అందనుంది.

బీసీల సమస్యల పరిష్కారం, కులగణన తదుపరి ప్రక్రియ, సంక్షేమ పథకాల అమలు, ఆత్మగౌరవ భవనాల నిర్మాణంపై హైదరాబాద్‌లో బీసీ ముఖ్య నేతల సమావేశం జరిగింది. పూలే దంపతులు, సర్దార్ సర్వాయి పాపన్న గౌడ్ విగ్రహావిష్కరణలను ఘనంగా నిర్వహించాలని నిర్ణయించారు.

జేఎన్‌టీయూ రిజిస్ట్రార్‌గా నియమితులైన ప్రొఫెసర్ జయలక్ష్మిని పదవి నుంచి తొలగించే ప్రయత్నాలు జరుగుతున్నాయని ఆరోపిస్తూ బీసీ సంక్షేమ సంఘం తీవ్ర ఆందోళన వ్యక్తం చేసింది. ఆమెను తొలగించే నిర్ణయాన్ని ప్రభుత్వం వెనక్కి తీసుకోకపోతే ఉస్మానియా విశ్వవిద్యాలయంలో రౌండ్‌టేబుల్ సమావేశం నిర్వహించి, అవసరమైతే జేఎన్‌టీయూను ముట్టడిస్తామని సంఘం జాతీయ అధ్యక్షుడు జాజుల శ్రీనివాస్ గౌడ్ హెచ్చరించారు.

ఫీజు రీయింబర్స్‌మెంట్ బకాయిలను విడుదల చేసి పథకాన్ని పూర్తిస్థాయిలో అమలు చేయాలని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్ గౌడ్ రాష్ట్ర ప్రభుత్వాన్ని డిమాండ్ చేశారు. ఆగస్టు 15లోగా బకాయిలు చెల్లించకపోతే వేలాది మంది విద్యార్థులతో చలో హైదరాబాద్ నిర్వహించి మిలియన్ మార్చ్ చేపడతామని హెచ్చరించారు.