All latest stories, breaking news, analysis, and multimedia updates tagged with #Ganesha.
స్వదేశానికి వేల కిలోమీటర్ల దూరంలో ఉన్న అంటార్కిటికాలో భారత శాస్త్రవేత్తలు వినాయక చవితిని వినూత్నంగా జరుపుకున్నారు. మైత్రి పరిశోధన కేంద్రంలో మంచుతో గణపతి విగ్రహాన్ని స్వయంగా రూపొందించి పూజలు నిర్వహించారు. అనంతరం పర్యావరణానికి ఎలాంటి హాని కలగకుండా కేంద్రం లోపలే నీటితో నిమజ్జనం చేశారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.
భారత్‌లో వినాయకుడికి లడ్డూలు, మోదకాలు, ఉండ్రాళ్లు, కుడుములు నైవేద్యంగా సమర్పించడం సాధారణం. అయితే థాయ్‌లాండ్‌లో మాత్రం గణేశుడికి బబుల్ టీని నైవేద్యంగా సమర్పించే ప్రత్యేక ఆచారం కనిపిస్తోంది. బ్యాంకాక్‌లోని యూనియన్ మాల్ సమీపంలోని గణేశుడి ఆలయంలో భక్తులు పెద్ద సంఖ్యలో బబుల్ టీ కప్పులను సమర్పిస్తున్న దృశ్యాలు సోషల్ మీడియాలో వైరల్‌గా మారాయి.
పర్యావరణ పరిరక్షణకు ప్రతి ఒక్కరూ తమ వంతు బాధ్యత తీసుకోవాలని మెగాస్టార్ చిరంజీవి పిలుపునిచ్చారు. ఈ వినాయక చవితికి ప్లాస్టర్ ఆఫ్ పారిస్ విగ్రహాలకు బదులుగా సీడ్ గణేశుడిని పూజించాలని సూచించారు. గ్రీన్ ఇండియా ఛాలెంజ్ రూపొందించిన సీడ్ గణేశా ప్రతిమలను తన నివాసంలో ఆవిష్కరించిన చిరంజీవి.. పూజ అనంతరం ఇంట్లోనే నిమజ్జనం చేస్తే వినాయకుడు మొక్కగా మారి మనల్ని ఆశీర్వదిస్తాడని చెప్పారు.