గంజాయి అక్రమ రవాణాపై పోలీసులు భారీ ఆపరేషన్ చేపట్టారు. కుత్బుల్లాపూర్ జోన్ పరిధిలోని దుండిగల్ పోలీస్ స్టేషన్ పరిధిలో ఔటర్ రింగ్‌రోడ్డుపై తనిఖీలు నిర్వహించి డీసీఎంలో తరలిస్తున్న 425 కేజీల గంజాయిని స్వాధీనం చేసుకున్నారు. ఈ కేసులో ఆరుగురు సభ్యుల ముఠాను పోలీసులు అరెస్ట్ చేశారు.
హైదరాబాద్‌ నగరంలో మరోసారి భారీగా గంజాయి పట్టుబడింది. కొండాపూర్‌లోని ఓ హోటల్‌లో గంజాయి విక్రయిస్తున్న ఇద్దరిని ఎక్సైజ్‌ ఎస్‌టీఎఫ్‌ అధికారులు అరెస్ట్ చేశారు. వారి వద్ద నుంచి సుమారు రూ.9 లక్షల విలువైన 17.1 కిలోల గంజాయిని స్వాధీనం చేసుకున్నారు.
