#Hyderabad Voters

హైదరాబాద్‌లో ఓట్ల తొలగింపుపై కాంగ్రెస్ ఎమ్మెల్యే దానం నాగేందర్ తీవ్ర ఆరోపణలు చేశారు. హిమాయత్‌నగర్ డివిజన్‌లో సుమారు 20 వేల ఓట్లు తొలగించారని, వాటిని వెంటనే పునరుద్ధరించాలని డిమాండ్ చేశారు. ఎన్నికల సంఘం వైఖరి మార్చుకోకపోతే ఆందోళనలు ఉధృతం చేస్తామని, హైదరాబాద్‌లో పరిస్థితులు సాధారణంగా ఉండవని ఆయన హెచ్చరించారు.

తెలంగాణలో ఓటర్ల జాబితా ప్రత్యేక సవరణ (SIR) ప్రక్రియపై సీఎం రేవంత్ రెడ్డి ఆందోళన వ్యక్తం చేశారు. రాష్ట్రంలో 73.39 లక్షల ఓటర్ల ఎంట్రీలను ASDD కేటగిరీలో చేర్చడంపై అభ్యంతరం వ్యక్తం చేస్తూ కేంద్ర ఎన్నికల సంఘం ప్రధాన కమిషనర్ జ్ఞానేష్ కుమార్‌కు లేఖ రాశారు. అర్హులైన ఓటర్లకు అన్యాయం జరగకుండా క్లెయిమ్స్, అభ్యంతరాల గడువును మరో నాలుగు వారాలు పొడిగించాలని కోరారు.

తెలంగాణలో ఓటర్ల జాబితా ప్రత్యేక సమగ్ర సవరణ (SIR) ప్రక్రియలో హైదరాబాద్‌ కీలకంగా మారింది. రాష్ట్రవ్యాప్తంగా 73.3 లక్షల మంది ఓటర్లు ASDD (Absent, Shifted, Dead, Duplicate) కేటగిరీలో ఉండగా.. వారిలో ఏకంగా 43 లక్షల మంది హైదరాబాద్‌, మేడ్చల్‌-మల్కాజిగిరి, రంగారెడ్డి జిల్లాల్లోనే ఉన్నారు. ముఖ్యంగా శాశ్వతంగా ఇతర ప్రాంతాలకు తరలిపోయిన ఓటర్లే అత్యధికంగా ఉన్నట్లు గణాంకాలు వెల్లడిస్తున్నాయి.