మంచిర్యాల జిల్లా కోటపల్లి మండలంలో దారుణ ఘటన చోటుచేసుకుంది. అదనపు కట్నం కోసం కొంతకాలంగా భార్యను వేధిస్తున్న ఓ వ్యక్తి.. కుటుంబ వివాదంలో ఆమె తండ్రిపై దాడికి యత్నించాడు. తండ్రిని కాపాడేందుకు అడ్డుగా వెళ్లిన భార్యపై తీవ్ర ఆగ్రహంతో దాడి చేసి, ఆమె ముక్కును దంతాలతో కొరికేశాడు. తీవ్రంగా గాయపడిన బాధితురాలిని కుటుంబ సభ్యులు వరంగల్‌ ఎంజీఎం ఆస్పత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.
కాంగ్రెస్‌లో ఎలాంటి వర్గపోరు లేదని తెలంగాణ మంత్రి వివేక్ వెంకటస్వామి స్పష్టం చేశారు. నేతలంతా పార్టీ బలోపేతం, రాష్ట్ర అభివృద్ధి కోసమే పనిచేస్తున్నారని తెలిపారు. మంచిర్యాలలో పర్యటించిన మంత్రి.. 22ఏ భూముల సమస్య, కాంగ్రెస్ ప్రభుత్వ అభివృద్ధి కార్యక్రమాలు, కాళేశ్వరం ప్రాజెక్టుపై కీలక వ్యాఖ్యలు చేశారు.
తెలంగాణలో చేపల పెంపకం, ఆక్వాకల్చర్ రంగ అభివృద్ధికి కేంద్ర ప్రభుత్వం భారీ ప్రోత్సాహం అందిస్తోంది. ప్రధాన మంత్రి మత్స్య సంపద యోజన (PMMSY) కింద రాష్ట్రానికి రూ.353.01 కోట్ల విలువైన ప్రాజెక్టులను ఆమోదించినట్లు కేంద్ర ప్రభుత్వం వెల్లడించింది. ఇందులో కేంద్ర ప్రభుత్వ వాటా రూ.112.68 కోట్లు ఉందని కేంద్ర మత్స్య, పశుసంవర్ధక, పాడి పరిశ్రమల శాఖ మంత్రి రాజీవ్ రంజన్ సింగ్ (లాలన్ సింగ్) రాజ్యసభలో లిఖితపూర్వక సమాధానంలో తెలిపారు. బీజేపీ రాజ్యసభ సభ్యుడు డాక్టర్ కె. లక్ష్మణ్ అడిగిన ప్రశ్నకు ఈ వివరాలు వెల్లడయ్యాయి.
భారీ వర్షాల కారణంగా మంచిర్యాల జిల్లా కోటపల్లి మండలం ఆలుగామ గ్రామంలో ఇల్లు కూలి గాయపడిన బాధితులను రాష్ట్ర మంత్రి వివేక్ వెంకటస్వామి గురువారం పరామర్శించారు.
