#Telangana Academic Calendar 2026 27

సిద్దిపేట జిల్లా ఎర్రవల్లి, వెంకటాపురం గ్రామాల పరిధిలోని భూముల వివాదంపై సీఎం రేవంత్ రెడ్డి సీరియస్ అయ్యారు. ఎర్రవల్లి సర్వే నంబర్ 325లో రికార్డుల ప్రకారం 388 ఎకరాలు ఉండాల్సి ఉండగా.. క్షేత్రస్థాయి సర్వేలో 343 ఎకరాలు మాత్రమే ఉన్నట్లు తేలింది. లెక్క తేలని 45 ఎకరాల భూమిపై సమగ్ర విచారణకు సీఎం ఆదేశించారు. సరిహద్దుల్లో ఉన్న కేసీఆర్ కుటుంబ సభ్యులకు నోటీసులు జారీ చేయాలని నిర్ణయించారు.

విజయవాడ ఇంద్రకీలాద్రిపై దసరా ఉత్సవాలు ఘనంగా నిర్వహించేందుకు ఏపీ ప్రభుత్వం భారీ ఏర్పాట్లు చేస్తోంది. ఈ నేపథ్యంలో రాష్ట్రపతి ద్రౌపది ముర్ము ఈ నెల 14న సాయంత్రం కనకదుర్గమ్మ అమ్మవారిని దర్శించుకోనున్నారు. 14, 15 తేదీల్లో ఆమె విజయవాడలో ఉండనున్నట్లు దేవదాయ శాఖ మంత్రి ఆనం రామనారాయణరెడ్డి వెల్లడించారు.

ప్రపంచవ్యాప్తంగా గుర్తింపు పొందిన రియాలిటీ షో ‘ది ట్రైటర్స్’ ఇప్పుడు తెలుగులోకి వచ్చేస్తోంది. సస్పెన్స్, మైండ్ గేమ్స్, వ్యూహాలతో సాగనున్న ఈ షోకు యంగ్ హీరో తేజ సజ్జా హోస్ట్‌గా వ్యవహరిస్తున్నారు. తాజాగా షోలో పాల్గొనే 20 మంది కంటెస్టెంట్స్ జాబితాను మేకర్స్ ప్రకటించడంతో అంచనాలు మరింత పెరిగాయి.

దక్షిణాది రాష్ట్రాల్లో సైబర్ నేరాల కట్టడికి సైబర్ సెక్యూరిటీ బ్యూరో భారీ ఆపరేషన్ చేపట్టింది. ఆంధ్రప్రదేశ్, తెలంగాణ, కర్ణాటక, తమిళనాడు, కేరళలో దాదాపు రెండు వారాల పాటు నిర్వహించిన ప్రత్యేక సోదాల్లో మ్యూల్ ఖాతాలు, కేవైసీ పత్రాలు సమకూర్చుతున్న 100 మందికి పైగా ఏజెంట్లను పోలీసులు అదుపులోకి తీసుకున్నారు.

సిద్దిపేట జిల్లాలో లంచం తీసుకుంటున్నారన్న ఆరోపణలపై గ్రామ కార్యదర్శి, కారొబార్‌ ఏసీబీ అధికారుల ట్రాప్‌లో చిక్కుకున్నట్లు సమాచారం. నారాయణరావుపేట మండలం జక్కాపూర్‌లో ఇంటి మ్యుటేషన్‌ కోసం రూ.15 వేల లంచం డిమాండ్ చేసినట్లు ఫిర్యాదు రావడంతో అధికారులు పక్కా ప్రణాళికతో దాడి నిర్వహించినట్లు తెలుస్తోంది.

విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో శ్రీవిష్ణు నటిస్తున్న తాజా చిత్రం ‘కామ్రేడ్ కల్యాణ్’. జానకిరామ్ మారెళ్ల దర్శకత్వంలో తెరకెక్కుతున్న ఈ సినిమా థియేట్రికల్ ట్రైలర్‌ను టాలీవుడ్‌కు చెందిన తొమ్మిది మంది ప్రముఖ దర్శకులు కలిసి విడుదల చేశారు. కామెడీ, ఎంటర్‌టైన్‌మెంట్‌తో రూపొందిన ట్రైలర్ సినిమాపై ఆసక్తిని మరింత పెంచుతోంది.

తెలంగాణ రక్షణ సేన అధ్యక్షురాలు కల్వకుంట్ల కవిత వేములవాడలో పర్యటించారు. జనజీవన స్రవంతిలోకి వచ్చిన మాజీ మావోయిస్టులు ప్రజాసేవలోకి రావాలని, తమ పార్టీలో చేరి ప్రజల కోసం పనిచేయాలని ఆమె ఆహ్వానించారు. మరోవైపు వేములవాడ రాజన్న ఆలయ అభివృద్ధి పనులను పరిశీలించిన కవిత ఆలయ పునర్నిర్మాణంలో కాంక్రీట్‌ వినియోగాన్ని వ్యతిరేకించారు.

తిరుమల శ్రీవారి నవరాత్రి బ్రహ్మోత్సవాల నేపథ్యంలో టీటీడీ కీలక నిర్ణయం తీసుకుంది. అక్టోబర్‌ 11 నుంచి 20వ తేదీ వరకు వీఐపీ బ్రేక్‌ దర్శనాలతో పాటు పలు ప్రివిలేజ్డ్‌ దర్శనాలను రద్దు చేసింది. భక్తుల రద్దీని దృష్టిలో ఉంచుకుని ఈ నిర్ణయం తీసుకున్నట్లు టీటీడీ వెల్లడించింది. ఇదే సమయంలో కొన్ని తేదీలకు సంబంధించిన రూ.300 ప్రత్యేక ప్రవేశ దర్శనం టికెట్లను అక్టోబర్‌ 7న ఆన్‌లైన్‌లో విడుదల చేయనుంది.