#Telangana It

తెలంగాణ సీఎం రేవంత్ రెడ్డి, ఆయన సోదరులపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్ర ఆరోపణలు చేశారు. రేవంత్ కుటుంబం నడుపుతున్నది ప్రజా పాలన కాదని విమర్శించారు. సీఎం కుటుంబ సభ్యులకు సంబంధించిన పలు సంస్థలు, కాంట్రాక్టులపైనా ఆరోపణలు చేశారు.

తెలంగాణలో డిజిటల్ గవర్నెన్స్‌ను మరింత బలోపేతం చేసే దిశగా ప్రభుత్వం కీలక చర్యలు చేపడుతోంది. ప్రపంచ బ్యాంక్ డిజిటల్–ఆసియా పసిఫిక్ ప్రాంతీయ డైరెక్టర్ మహేష్ ఉత్తమ్‌చందానీ నేతృత్వంలోని బృందంతో సీఎస్ సంజయ్ జాజు సమావేశమయ్యారు. మీ సేవ కేంద్రాల ఆధునీకరణ, భారత్ ఫ్యూచర్ సిటీలో డేటా సెంటర్లు, AI, సైబర్ భద్రత, డిజిటల్ పబ్లిక్ ఇన్‌ఫ్రాస్ట్రక్చర్, యువతకు ఐటీ ఉద్యోగాలపై చర్చించారు. డిజిటల్ రంగంలో సుమారు రూ.2,000 కోట్ల పెట్టుబడులకు DPRలు సిద్ధం చేయాలని ప్రపంచ బ్యాంక్ ప్రతినిధులు సూచించారు. మరోవైపు T-Fiber పనులను గడువులోగా పూర్తి చేయాలని సీఎస్ అధికారులను ఆదేశించారు.

ఐటీఐ/ఏటీసీలో ప్రవేశాల కోసం దరఖాస్తు చేసుకున్న విద్యార్థులకు ముఖ్యమైన సమాచారం.

భారత్‌ను ప్రపంచ సెమీకండక్టర్ తయారీ కేంద్రంగా తీర్చిదిద్దే లక్ష్యంతో అమలు చేస్తున్న ఇండియా సెమీకండక్టర్ మిషన్-2.0లో తెలంగాణకు ప్రాధాన్యం ఇవ్వాలని రాష్ట్ర ఐటీ, పరిశ్రమలు, శాసన వ్యవహారాల మంత్రి దుద్దిళ్ల శ్రీధర్‌బాబు కేంద్ర ప్రభుత్వాన్ని కోరారు. చిప్ డిజైన్‌, గ్లోబల్ కేపబిలిటీ సెంటర్ల (GCCs) రంగంలో హైదరాబాద్ ఇప్పటికే దేశంలో అగ్రస్థానంలో ఉందని, ఇప్పుడు సెమీకండక్టర్ తయారీ పెట్టుబడుల్లో కూడా తెలంగాణకు ప్రాధాన్యత ఇవ్వాలని ఆయన అన్నారు.