#Telangana Rising

హైదరాబాద్‌ గోషామహల్‌ నియోజకవర్గంలోని అగాపురాలో ఏర్పాటు చేసిన వినూత్న గణపతి మండపం ప్రత్యేక ఆకర్షణగా నిలిచింది. ‘తెలంగాణ రైజింగ్‌–1000 డేస్‌ యాజ్‌ సీఎం’ థీమ్‌తో రూపొందించిన ఈ మండపంలో సీఎం రేవంత్‌రెడ్డి భుజంపై గణనాథుడిని ఎత్తుకున్నట్లుగా విగ్రహాన్ని తీర్చిదిద్దారు. ఈ ప్రతిమ ‘బాహుబలి’ సినిమాలోని శివలింగాన్ని భుజాన మోసే సన్నివేశాన్ని తలపిస్తోంది.

హైదరాబాద్‌లో దేశంలోనే అతిపెద్ద ఏఐ డేటా సెంటర్‌ క్యాంపస్‌ ఏర్పాటుకానుంది. టీసీఎస్‌ అనుబంధ సంస్థ హైపర్‌వాల్ట్‌, భాగస్వామ్య సంస్థలతో కలిసి రూ.70 వేల కోట్ల వరకు పెట్టుబడి పెట్టనుంది. 250 ఎకరాలకు పైగా విస్తీర్ణంలో 1,000 మెగావాట్ల సామర్థ్యంతో అభివృద్ధి చేయనున్న ఈ ప్రాజెక్టుతో ప్రత్యక్షంగా, పరోక్షంగా సుమారు 7 వేల ఉద్యోగాలు లభించనున్నాయి.

దేశంలో పెట్టుబడులకు అత్యంత అనుకూల రాష్ట్రంగా తెలంగాణను తీర్చిదిద్దుతున్నామని ముఖ్యమంత్రి రేవంత్ రెడ్డి ప్రకటించారు. ఫార్చ్యూన్-500 కంపెనీలను 'భారత్ ఫ్యూచర్ సిటీ'కి తీసుకురావడమే లక్ష్యంగా పనిచేస్తున్నామని పేర్కొన్న ఆయన.. రాష్ట్రంలో పాలసీ పెరాలసిస్‌కు తావులేదని, ప్రభుత్వం మారినా పెట్టుబడిదారులకు ఇచ్చే హామీలు మారవని స్పష్టం చేశారు.