#Telangana Transport

తెలంగాణలో డ్రైవింగ్ లైసెన్స్ జారీ ప్రక్రియలో కీలక మార్పులు రానున్నాయి. డ్రైవింగ్ టెస్టుల్లో రికమండేషన్లు, పైరవీలకు చెక్ పెట్టడంతో పాటు పరీక్షలను మరింత పారదర్శకంగా నిర్వహించేందుకు ఆర్టిఫిషియల్ ఇంటెలిజెన్స్ ఆధారిత వీడియో అనలిటిక్స్ టెక్నాలజీని తీసుకురావాలని రవాణా శాఖ నిర్ణయించింది. తొలి దశలో హైదరాబాద్ కోర్ అర్బన్ రీజియన్‌లోని ఐదు డ్రైవింగ్ టెస్ట్ ట్రాక్‌లతో పాటు కరీంనగర్ ఆర్టీఓ ట్రాక్‌లో ఈ విధానాన్ని అమలు చేయనున్నారు.

హైదరాబాద్‌లో పెరుగుతున్న ట్రాఫిక్ రద్దీ, వాహన కాలుష్యానికి చెక్ పెట్టేందుకు రాష్ట్ర ప్రభుత్వం కీలక ప్రణాళికను సిద్ధం చేస్తోంది. నగరానికి నలువైపులా గాజులరామారం, శంషాబాద్, ఎల్బీనగర్, ఘట్కేసర్ ప్రాంతాల్లో బస్ టెర్మినల్స్ ఏర్పాటు చేయాలని ప్రతిపాదిస్తోంది.

ఔటర్ రింగ్ రోడ్ (ఓఆర్ఆర్) పరిధిలో నడిచే పాత ఎల్‌పీజీ/సీఎన్‌జీ ఆటో రిక్షాల యజమానులకు తెలంగాణ రాష్ట్ర రవాణా శాఖ ఊరటనిచ్చింది. పాత ఆటోను స్క్రాప్ చేసి అదే సిటీ పర్మిట్‌పై కొత్త ఎల్‌పీజీ/సీఎన్‌జీ/ఎలక్ట్రిక్ ఆటోను కొనుగోలు చేసేవారికి ఫిట్‌నెస్ సర్టిఫికెట్ రెన్యువల్ లేకుండానే పర్మిట్, యాజమాన్య బదిలీకి అనుమతిని ఇస్తూ రవాణా శాఖ కమిషనర్ ఉత్తర్వులు జారీ చేశారు.