#Youth Politics

మాజీ రాజ్యసభ సభ్యుడు విజయసాయిరెడ్డి కొత్తగా ఏర్పాటు చేయబోయే ప్రాంతీయ పార్టీ విధివిధానాలను వెల్లడించారు. యువతకు 66 శాతం రాజకీయ ప్రాతినిధ్యం, రైతులు-గృహ వినియోగదారులకు ఉచిత విద్యుత్, పెట్రో ఉత్పత్తులపై పన్నుల తగ్గింపు, నీటి నిల్వ సామర్థ్యాన్ని 3,000 టీఎంసీలకు పెంపు, విద్య-ఉద్యోగాలపై దృష్టి వంటి ఐదు ప్రధాన అంశాలను తమ పార్టీ మేనిఫెస్టోగా పేర్కొన్నారు.

దేశ భవిష్యత్తు నిర్మాణంలో యువత పాత్రను మరింత విస్తరించాల్సిన అవసరం ఉందని తెలంగాణ ముఖ్యమంత్రి ఎ. రేవంత్ రెడ్డి అన్నారు. అసెంబ్లీ, లోక్‌సభ ఎన్నికల్లో పోటీ చేసే కనిష్ఠ వయోపరిమితిని 25 నుంచి 21 ఏళ్లకు తగ్గించేలా రాజ్యాంగ సవరణ చేయాలని కేంద్ర ప్రభుత్వాన్ని కోరారు. ఇందుకు సంబంధించిన తీర్మానాన్ని తెలంగాణ శాసనసభలో ఆమోదించి కేంద్రానికి పంపనున్నట్లు వెల్లడించారు.

ఫీజు రీయింబర్స్‌మెంట్ బకాయిల అంశంపై ముఖ్యమంత్రి రేవంత్ రెడ్డి రాజీనామా చేయాలంటూ బీజేపీ రాష్ట్ర అధ్యక్షుడు ఎన్. రామచంద్రరావు చేసిన వ్యాఖ్యలకు మంత్రి పొన్నం ప్రభాకర్ కౌంటర్ ఇచ్చారు. విమర్శలు చేసే ముందు కొన్ని కీలక ప్రశ్నలకు బీజేపీ సమాధానం చెప్పాలని ఆయన డిమాండ్ చేశారు.

శాసనసభ, లోక్‌సభ ఎన్నికల్లో పోటీ చేసే కనీస వయసును 25 నుంచి 21 ఏళ్లకు తగ్గించాలని తెలంగాణ ప్రభుత్వం కేంద్రానికి ప్రతిపాదించనుంది. ఈ మేరకు అసెంబ్లీ, శాసనమండలిలో ప్రత్యేక తీర్మానం ఆమోదించి కేంద్ర ప్రభుత్వానికి పంపనున్నట్లు ముఖ్యమంత్రి రేవంత్ రెడ్డి ప్రకటించారు.