Auto విభాగానికి సంబంధించిన తాజా వార్తలు మరియు కథనాలు.
భారత్‌లో ఎలక్ట్రిక్ స్కూటర్ల మార్కెట్‌లో ఓలా ఎలక్ట్రిక్ కొత్త ఎస్1జెడ్‌ శ్రేణిని విడుదల చేసింది. దేశీయంగా అభివృద్ధి చేసిన భారత్‌ సెల్‌ ఎల్‌ఎఫ్‌పీ బ్యాటరీ సాంకేతికతతో రూపొందించిన ఈ స్కూటర్‌ రెండు బ్యాటరీ వేరియంట్లలో లభిస్తుంది. ప్రారంభ ధర రూ.79,999 కాగా.. గరిష్ఠంగా 301 కిలోమీటర్ల వరకు రేంజ్‌ అందిస్తుందని కంపెనీ పేర్కొంది.
తెలంగాణ ప్రయాణికులకు ఆర్టీసీ గుడ్‌న్యూస్ చెప్పింది. ప్రజా రవాణా సేవలను ఒకే డిజిటల్ వేదికపైకి తీసుకురావాలనే లక్ష్యంతో మీసేవ ఆధ్వర్యంలో ‘మీటికెట్ (MeeTicket)’ యాప్‌ను అభివృద్ధి చేస్తోంది. ఇందులో ఆర్టీసీ, మెట్రోతో పాటు ఆటోలు, క్యాబ్‌లను కూడా అనుసంధానించనున్నారు. దీంతో ప్రయాణికులు ఒకే యాప్ ద్వారా టికెట్లు బుక్ చేసుకోవడంతో పాటు, గమ్యస్థానానికి వెళ్లేందుకు ఆటో లేదా క్యాబ్‌ను ముందుగానే బుక్ చేసుకోవచ్చు.
కొత్తగా కారు కొనాలని చూస్తున్న వారికోసం హోండా కంపెనీ బంపరాఫర్‌ ప్రకటించింది. హోండా కంపెనీకి చెందిన ఎలివేట్, సిటీ, అమేజ్ మోడళ్లపై ప్రత్యేక ఆఫర్లను ఇచ్చింది. జూలై 31వ తేదీలోగా ఈ మూడు కార్లను కొనుగోలు చేసిన వారికి రూ.2.15 లక్షల వరకు రాయితీ పొందవచ్చని తెలిపింది.
దేశీయ కార్ల దిగ్గజం మారుతి సుజుకి తన కొత్త బ్రెజా ఫేస్‌లిఫ్ట్‌ను భారత మార్కెట్‌లోకి విడుదల చేసింది. ఇటీవల జరిగిన లాంచింగ్ ఈవెంట్‌లో కేవలం టర్బో బూస్టర్‌జెట్ బేస్ వేరియంట్ ప్రారంభ ధరను మాత్రమే వెల్లడించిన సంస్థ.. తాజాగా అన్ని వేరియంట్ల ధరలను ప్రకటించింది.