హైదరాబాద్, ఆగస్టు 27 (జనవాణి): రాఖీ పౌర్ణమి పండుగ సందర్భంగా తెలంగాణ ముఖ్యమంత్రి రేవంత్ రెడ్డి రాష్ట్రంలోని అక్కాచెల్లెళ్లకు హృదయపూర్వక శుభాకాంక్షలు తెలిపారు. అన్నాచెల్లెళ్లు, అక్కాతమ్ముళ్ల మధ్య ఉన్న ఆత్మీయ అనుబంధానికి రాఖీ పండుగ ప్రతీక అని పేర్కొన్నారు. ఈ పండుగను ప్రతి ఒక్కరూ ఆనందంగా జరుపుకోవాలని ఆకాంక్షించారు. ప్రతి ఇంట్లో సుఖసంతోషాలు, ఆరోగ్యం వెల్లివిరియాలని సీఎం రేవంత్ రెడ్డి కోరుకున్నారు. మహిళలు ఆర్థికంగా బలోపేతం కావడమే ప్రజా ప్రభుత్వ లక్ష్యమని తెలిపారు.
ఆడబిడ్డలను కోటీశ్వరులను చేయాలనే సంకల్పంతో ప్రభుత్వం ముందుకు సాగుతోందని సీఎం పేర్కొన్నారు. కోటి మంది మహిళలను కోటీశ్వరులను చేయాలనే బృహత్ లక్ష్యంలో భాగంగా అనేక సంక్షేమ, అభివృద్ధి కార్యక్రమాలను అమలు చేస్తున్నట్లు తెలిపారు. మహిళల ఆర్థిక స్వావలంబనకు ప్రభుత్వం ప్రాధాన్యత ఇస్తోందని స్పష్టం చేశారు.
