#Andhra Pradesh Police

ముంబై నటి కాదంబరి జత్వానీ కేసులో కీలక పరిణామం చోటుచేసుకుంది. ఈ వ్యవహారంలో గతంలో సస్పెండ్ అయిన సీనియర్ ఐపీఎస్ అధికారులు కాంతి రాణా టాటా, విశాల్ గున్నీలపై సస్పెన్షన్‌ను ఏపీ ప్రభుత్వం ఎత్తివేసింది. వారిని తక్షణమే తిరిగి సర్వీసులోకి తీసుకుంటూ సాధారణ పరిపాలన శాఖ ఉత్తర్వులు జారీ చేసింది. అయితే సస్పెన్షన్ ఎత్తివేతతో వారిపై కొనసాగుతున్న శాఖాపరమైన చర్యలు, క్రిమినల్ కేసులు ముగిసినట్లు కాదని ప్రభుత్వం స్పష్టం చేసింది.

శ్రీకాళహస్తిలో కానిస్టేబుల్‌పై కత్తితో దాడికి యత్నించిన కేసులో ఇద్దరిని పోలీసులు అదుపులోకి తీసుకున్నారు. నిందితుడిని కోర్టులో హాజరు పరిచారు.

గుంటూరు జిల్లా మంగళగిరిలో సోషల్ మీడియా యాప్ ద్వారా పరిచయం పెంచుకుని ఒడిశా కార్మికులను బెదిరించి రూ.90 వేలు వసూలు చేసిన ముగ్గురు నిందితులను పోలీసులు అరెస్ట్ చేశారు. నగదు, మొబైల్ ఫోన్లు స్వాధీనం చేసుకుని యువతకు కీలక సూచనలు చేశారు.

ఆంధ్రప్రదేశ్‌లోని శ్రీకాకుళం జిల్లాలో యజమానులు గుర్తించని ఏడు మోటార్‌సైకిళ్లను ఈ నెల 28న బహిరంగ వేలం ద్వారా విక్రయించనున్నారు.

ప్రకాశం జిల్లా కందుకూరు రూరల్ పోలీసుల దాడిలో పేకాట ఆడుతున్న 14 మందిని అరెస్ట్ చేశారు. వారి వద్ద నుంచి రూ.1.02 లక్షల నగదు, 14 మొబైల్ ఫోన్లు, 10 మోటార్‌సైకిళ్లను స్వాధీనం చేసుకున్నారు.