#Cjp

జూలై 20న కాక్రోచ్ జనతా పార్టీ (CJP) చేపట్టిన నిరసనలకు సంబంధించి విద్యార్థులపై నమోదైన ఎఫ్‌ఐఆర్‌లను సుప్రీంకోర్టు రద్దు చేసింది. క్రిమినల్ నేపథ్యం ఉన్నవారికి సంబంధించిన కేసును మాత్రం కొనసాగించేందుకు అనుమతించింది. కోర్టు ఆదేశాలతో సంతృప్తి చెందిన సీజేపీ.. సెప్టెంబర్ 5న ఢిల్లీలో తలపెట్టిన భారీ మార్చ్‌ను రద్దు చేస్తున్నట్లు ప్రకటించింది.

Jantar Mantar protest | జంతర్‌మంతర్‌లో జరిగిన కాక్‌రోచ్ జనతా పార్టీ (సీజేపీ) నిరసనల వ్యవహారంపై దర్యాప్తు సంస్థలు దర్యాప్తును ముమ్మరం చేశాయి. ముఖ్యంగా ఈ నిరసనలకు విదేశీ నిధులు అందాయా? నిధులు ఏ మార్గాల ద్వారా సమీకరించారు? అనే అంశాలపై ప్రత్యేకంగా ఆరా తీస్తున్నాయి.

ఢిల్లీ జంతర్‌మంతర్‌లో నిర్వహించిన పేపర్ లీక్ నిరసన కార్యక్రమంలో ప్రధాని నరేంద్ర మోదీపై అభ్యంతరకర వ్యాఖ్యలు చేశారనే ఆరోపణలపై నోయిడాకు చెందిన 25 ఏళ్ల రుచికా సింగ్‌పై కేసు నమోదైంది. నోయిడా పోలీసులు జీరో ఎఫ్‌ఐఆర్ నమోదు చేసి, తదుపరి విచారణ కోసం ఢిల్లీ పోలీసులకు బదిలీ చేసే ప్రక్రియ ప్రారంభించారు.

బాలీవుడ్ నటి, బీజేపీ ఎంపీ కంగనా రనౌత్‌పై CJP అధికార ప్రతినిధి సౌరవ్ దాస్ చేసిన వ్యాఖ్యలకు ఆమె ఇన్‌స్టాగ్రామ్ వేదికగా ఘాటుగా స్పందించారు. తన సినీ, ప్రజా జీవితాన్ని ప్రస్తావిస్తూ సౌరవ్ దాస్‌పై విమర్శలు గుప్పించారు. ఈ మాటల యుద్ధం ప్రస్తుతం సోషల్ మీడియాలో చర్చనీయాంశమైంది.

ఢిల్లీలో జరిగిన సీజేపీ విద్యార్థి నిరసనల మధ్య ఓ ఆర్ఏఎఫ్ అధికారిణి పేరు సోషల్ మీడియాలో ట్రెండింగ్‌గా మారింది. డ్యూటీలో గాయపడిన ఘటన కంటే, ఇన్‌స్టాగ్రామ్‌లో చేసిన ఒక పోస్టు, ఆ తర్వాత జరిగిన పరిణామాలే సోనియా సెహ్రావత్‌ను వార్తల్లో నిలిపాయి.

కేంద్ర మంత్రి పదవికి ధర్మేంద్ర ప్రధాన్ రాజీనామా చేసిన నేపథ్యంలో సీజేపీ (కాక్రోచ్ జనతా పార్టీ) వ్యవస్థాపకుడు అభిజీత్ దీప్కే స్పందించారు. జంతర్ మంతర్ వద్ద జరిగిన కార్యక్రమంలో మాట్లాడిన ఆయన, "బొద్దింకల శక్తి ఏంటో ఇప్పుడు దేశానికి అర్థమైంది" అంటూ వ్యంగ్యంగా వ్యాఖ్యానించారు. నీట్ పేపర్ లీక్ వ్యవహారంలో విద్యార్థుల పోరాటానికి ఇది తొలి విజయమని పేర్కొంటూ, ప్రజల ఒత్తిడిని ఏ ప్రభుత్వం కూడా నిర్లక్ష్యం చేయలేదని అన్నారు.

కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి శనివారం రాజీనామా చేశారు. నీట్ పోటీ పరీక్షలో పేపర్ లీక్‌, పరీక్షల నిర్వహణపై తలెత్తిన వివాదాలు, విద్యార్థుల ఆందోళనల నేపథ్యంలో ఈ పరిణామం చోటుచేసుకుంది. ప్రధానంగా మూడు డిమాండ్లను కేంద్రం ముందు ఉంచింది. అందులో ప్రదానమైంది విద్యా శాఖ మంత్రి రాజీనామా.