#Dgp Cv Anand

హైదరాబాద్‌ హఫీజ్‌పేట రైల్వే స్టేషన్‌ వద్ద మహిళను జుట్టు పట్టుకుని ఈడ్చుకెళ్లిన ఘటనపై దక్షిణ మధ్య రైల్వే కీలక వివరణ ఇచ్చింది. మహిళపై దాడి చేసింది రైల్వే పోలీసు కాదని, తెలంగాణ పోలీస్‌ శాఖకు చెందిన హోంగార్డు అని స్పష్టం చేసింది. ఘటనపై సీరియస్‌ అయిన డీజీపీ సీవీ ఆనంద్‌ ఆదేశాలతో హోంగార్డును సర్వీసు నుంచి తొలగించగా, మియాపూర్ పోలీసులు కేసు నమోదు చేసి అదుపులోకి తీసుకున్నారు.

దేశవ్యాప్తంగా సంచలనం సృష్టించిన సికింద్రాబాద్ బొల్లారంలోని మద్రాస్ రెజిమెంటల్ సెంటర్ ఆయుధాల చోరీ కేసును తెలంగాణ పోలీసులు ఛేదించారు. ఈ కేసులో ప్రధాన నిందితుడిగా ఇటీవలే పదవీ విరమణ పొందిన హవల్దార్ ఉప్పుతోళ్ల మల్లేశ్‌ను గుర్తించినట్లు రాష్ట్ర డీజీపీ సీవీ ఆనంద్ వెల్లడించారు. రిటైర్మెంట్‌పై అసంతృప్తితో ముందస్తు ప్రణాళిక ప్రకారం ఆయుధాలు, మందుగుండు సామగ్రిని చోరీ చేసి.. వాటిని నాగర్‌కర్నూల్‌లోని తన స్వగ్రామం, యాప్రాల్‌లోని మరో ప్రాంతంలో పాతిపెట్టినట్లు పోలీసులు తెలిపారు.

తెలంగాణలో అత్యవసర సేవలను మరింత వేగవంతం చేసే లక్ష్యంతో డయల్ 112 సేవలను రాష్ట్ర డీజీపీ సీవీ ఆనంద్ బుధవారం ప్రారంభించారు.

తెలంగాణ ఫోరెన్సిక్ సైన్స్ లేబరేటరీ (TGFSL)లో కొత్తగా 57 మంది శాస్త్రవేత్తలు నియమితులయ్యారు. హైదరాబాద్‌లోని TGFSLలో నిర్వహించిన కార్యక్రమంలో వారికి డీజీపీ సీవీ ఆనంద్ నియామక పత్రాలు అందజేశారు.