#Kakinada

జనసేన పార్టీ యువజన విభాగానికి ‘జై కొట్టు’ అనే పేరును ఖరారు చేశారు. కాకినాడ జిల్లా పిఠాపురంలో బుధవారం నిర్వహించిన కార్యక్రమంలో రాష్ట్ర మంత్రి, జనసేన పార్టీ పీఏసీ ఛైర్మన్ నాదెండ్ల మనోహర్ ‘జై కొట్టు’ లోగోను ఆవిష్కరించారు.

కాకినాడ పోలీస్ పరేడ్ గ్రౌండ్‌లో 80వ స్వాతంత్ర్య దినోత్సవ వేడుకలు ఘనంగా నిర్వహించారు. ముఖ్య అతిథిగా హాజరైన ఏపీ డిప్యూటీ సీఎం పవన్ కల్యాణ్ జాతీయ జెండాను ఆవిష్కరించి పోలీసు దళాల గౌరవ వందనం స్వీకరించారు. సంక్షేమంతో ప్రజలకు భరోసా కల్పిస్తూ, అభివృద్ధితో రాష్ట్ర భవిష్యత్‌కు బాటలు వేస్తున్నామని ఆయన తెలిపారు.

సముద్ర కోతతో తీవ్రంగా దెబ్బతింటున్న కాకినాడ జిల్లా ఉప్పాడ తీరానికి రక్షణ కల్పించేందుకు రూ.323 కోట్లతో తీర రక్షణ గోడ నిర్మించనున్నారు. డిజైన్‌, డీపీఆర్‌, సాంకేతిక పర్యవేక్షణ బాధ్యతలను ఐఐటీ-మద్రాస్‌ చేపట్టనుంది.

ఏలేరు ఆయకట్టు పరిధిలోని రైతులకు ఖరీఫ్ సీజన్‌లో సాగునీటి కొరత లేకుండా చర్యలు చేపట్టాలని ఏపీ ఉప ముఖ్యమంత్రి పవన్ కళ్యాణ్ ఆదేశించారు. ఆయన సూచనల మేరకు పిఠాపురం, పెద్దాపురం, జగ్గంపేట నియోజకవర్గాల్లోని సుమారు 53 వేల ఎకరాల ఆయకట్టుకు 1000 క్యూసెక్కుల నీటిని విడుదల చేసేందుకు ప్రత్యేక ప్రణాళిక సిద్ధం చేశారు.