#Noida

నోయిడా సెక్టార్‌ 94లోని సూపర్‌నోవా భవనంలో విషాద ఘటన చోటుచేసుకుంది. హర్యానాలోని మానేసర్‌కు చెందిన 25 ఏళ్ల సంభవ్‌ జైన్‌ 43వ అంతస్తు నుంచి దూకి మృతి చెందాడు. ఘటనకు ముందు తండ్రికి పలుమార్లు ఫోన్‌ చేసినట్లు పోలీసులు తెలిపారు. తీవ్ర ఆర్థిక ఒత్తిడిలో ఉన్నట్లు ప్రాథమికంగా సమాచారం అందినప్పటికీ.. మృతికి పూర్తి కారణాలపై దర్యాప్తు కొనసాగుతోంది.

దేశ రాజధాని ఢిల్లీలో మరో నిర్భయ తరహా ఘటన కలకలం రేపింది. కదులుతున్న బస్సులో 16 ఏళ్ల బాలికపై డ్రైవర్, కండక్టర్ సామూహిక అత్యాచారానికి పాల్పడిన ఘటన ఆలస్యంగా వెలుగులోకి వచ్చింది. బాధితురాలి ఫిర్యాదుతో కేసు నమోదు చేసిన పోలీసులు సీసీటీవీ ఆధారంగా నిందితులను గుర్తించి అరెస్ట్ చేశారు.

ఉత్తరప్రదేశ్‌లోని గ్రేటర్ నోయిడాలో ఓ యువకుడి జేబులో కొత్త స్మార్ట్‌ఫోన్ ఒక్కసారిగా పేలిపోయింది. యువకుడి దుస్తులకు మంటలు అంటుకుని, రెండు చేతులకు తీవ్ర గాయాలయ్యాయి. ఘటనకు సంబంధించిన వీడియో సోషల్ మీడియాలో వైరల్‌గా మారింది.

ఉత్తరప్రదేశ్‌లో ప్రతిష్టాత్మకంగా నిర్మించిన నోయిడా అంతర్జాతీయ విమానాశ్రయం భారీ వర్షాలతో జలమయమైంది. టెర్మినల్ బిల్డింగ్, పార్కింగ్ ప్రాంతాల్లోకి వర్షపు నీరు చేరడంతో విమానాశ్రయ నిర్మాణ నాణ్యతపై సోషల్ మీడియాలో విమర్శలు వెల్లువెత్తాయి.

ఢిల్లీ జంతర్‌మంతర్‌లో నిర్వహించిన పేపర్ లీక్ నిరసన కార్యక్రమంలో ప్రధాని నరేంద్ర మోదీపై అభ్యంతరకర వ్యాఖ్యలు చేశారనే ఆరోపణలపై నోయిడాకు చెందిన 25 ఏళ్ల రుచికా సింగ్‌పై కేసు నమోదైంది. నోయిడా పోలీసులు జీరో ఎఫ్‌ఐఆర్ నమోదు చేసి, తదుపరి విచారణ కోసం ఢిల్లీ పోలీసులకు బదిలీ చేసే ప్రక్రియ ప్రారంభించారు.