తెలుగు సినిమాను రెండు భాగాలుగా విభజించాలంటే.. బాహుబలికి ముందు.. బాహుబలి తర్వాత అని చెప్పినా అతిశయోక్తి కాదు. రాజమౌళి తెరకెక్కించిన ఈ విజువల్ వండర్ ప్రపంచవ్యాప్తంగా టాలీవుడ్ సత్తాను చాటింది. సినిమాలో ప్రభాస్, రానా, రమ్యకృష్ణ, అనుష్క పాత్రలు ఎంతగా గుర్తుండిపోయాయో.. శివగామి చేతుల్లో కనిపించిన చిన్న మహేంద్ర బాహుబలి కూడా అంతే ఆసక్తిని కలిగించాడు. అయితే తెరపై బాహుబలిగా కనిపించిన ఆ చిన్నారి నిజానికి ఓ అమ్మాయి అని చాలా మందికి తెలియదు. ఇంతకీ ఆ చిన్నారి ఎవరు? ఇప్పుడు ఎలా ఉందో తెలుసుకుందాం.
దర్శకధీరుడు ఎస్.ఎస్. రాజమౌళి తెరకెక్కించిన 'బాహుబలి' భారతీయ సినిమా చరిత్రలో ఓ మైలురాయిగా నిలిచింది. అద్భుతమైన కథ, విజువల్స్, భావోద్వేగాలు, భారీ నిర్మాణ విలువలతో ఈ సినిమా ప్రపంచవ్యాప్తంగా సంచలనం సృష్టించింది. ప్రభాస్, రానా దగ్గుబాటి, రమ్యకృష్ణ, అనుష్క శెట్టి, తమన్నా, సత్యరాజ్ నటనకు ప్రేక్షకులు ఫిదా అయ్యారు. విడుదలై పదేళ్లు దాటినా ఈ సినిమా టీవీలో వస్తే ఇప్పటికీ ఆసక్తిగా చూసే ప్రేక్షకులు ఎంతో మంది ఉన్నారు. పాన్ ఇండియా సినిమాలకు నిజమైన బాట వేసిన చిత్రంగా 'బాహుబలి' చిరస్థాయిగా నిలిచిపోయింది.
ఈ సినిమాలో ప్రతి పాత్రకు ప్రత్యేక గుర్తింపు లభించింది. ముఖ్యంగా ప్రారంభంలో శివగామి (రమ్యకృష్ణ) తన తలపై ఎత్తుకుని నదిలో నుంచి కాపాడే చిన్న మహేంద్ర బాహుబలి ప్రేక్షకులను ఎంతగానో ఆకట్టుకున్నాడు. అయితే ఆ పాత్రలో నటించింది అబ్బాయి కాదు ఒక అమ్మాయి. ఆమె పేరు అక్షిత వాల్సలాన్. కేరళలోని నీలేశ్వరం ప్రాంతానికి చెందిన వల్సలాన్, స్మిత దంపతుల కుమార్తె అక్షిత. ఆమె తండ్రి వల్సలాన్ ఈ సినిమాకు కేరళలో ప్రొడక్షన్ ఎగ్జిక్యూటివ్‌గా పనిచేయడంతో, అక్షితకు ఈ అరుదైన అవకాశం దక్కింది. ఆమెతో ఆ సన్నివేశాలను చిత్రీకరించడానికి దాదాపు ఐదు రోజులు పట్టినట్లు సమాచారం.
ఇక ఓ భాషలో హిట్టయిన సినిమాను అన్ని భాషల ప్రేక్షకులకు నచ్చేలా చేయడం అంత సులభం కాదు. కానీ రాజమౌళి ఆ అసాధ్యాన్ని సుసాధ్యం చేశాడు. ఇక ప్రభాస్ అమరేంద్ర బాహుబలి, మహేంద్ర బాహుబలి పాత్రల్లో ద్విపాత్రాభినయం చేసి ప్రేక్షకులను మెప్పించాడు. ఈ సినిమా బాక్సాఫీస్ దగ్గర ఎన్నో రికార్డులు సృష్టించింది. తెలుగు సినిమా స్థాయిని ప్రపంచానికి పరిచయం చేసిన సినిమాగా 'బాహుబలి' చరిత్రలో చిరస్థాయిగా నిలిచింది. అలాగే కొన్ని నిమిషాలే కనిపించిన చిన్న మహేంద్ర బాహుబలి పాత్రలో నటించిన అక్షిత వాల్సలాన్ కూడా ఈ సినిమా ద్వారా ప్రేక్షకుల మదిలో ప్రత్యేక స్థానం సంపాదించుకుంది.
