#Telangana Youth

ఉపాధి కోసం రష్యా వెళ్లిన ఉమ్మడి నిజామాబాద్ జిల్లాకు చెందిన నలుగురు తెలంగాణ యువకులు అనూహ్యంగా రష్యా సైన్యంలో చేరి యుద్ధభూమిలో చిక్కుకున్నారని వారి కుటుంబ సభ్యులు ఆరోపించారు. ఆయిల్ కంపెనీలో ఉద్యోగాలు ఇప్పిస్తామని ఏజెంట్లు నమ్మించి విదేశాలకు తీసుకెళ్లి, ఆ తర్వాత ఆర్మీలో చేర్చారని కుటుంబాలు పేర్కొన్నాయి. యువకులను సురక్షితంగా స్వదేశానికి రప్పించాలని హైదరాబాద్‌లోని సీఎం ప్రవాసీ ప్రజావాణిలో ప్రభుత్వాన్ని వేడుకున్నారు.

మహబూబాబాద్ జిల్లా తొర్రూరు మండల కేంద్రంలో కాంగ్రెస్ ప్రభుత్వం 1000 రోజుల పాలనపై బీఆర్ఎస్ శ్రేణులు నిరసన చేపట్టాయి. మాజీ మంత్రి ఎర్రబెల్లి దయాకర్ రావు ఆధ్వర్యంలో యువత, విద్యార్థులు బైక్ ర్యాలీ నిర్వహించారు. ఈ సందర్భంగా కాంగ్రెస్ ప్రభుత్వం ఎన్నికల హామీలను అమలు చేయడంలో విఫలమైందని ఎర్రబెల్లి దయాకర్ రావు తీవ్రంగా విమర్శించారు.

కరీంనగర్‌లో నిర్వహించిన బీఆర్ఎస్ యువభేరి సభలో పార్టీ వర్కింగ్ ప్రెసిడెంట్, మాజీ మంత్రి కేటీఆర్ సీఎం రేవంత్ రెడ్డిపై తీవ్ర విమర్శలు చేశారు. యువతకు ఉద్యోగాలు, నోటిఫికేషన్లు లేవని ఆరోపించిన ఆయన.. కాంగ్రెస్ ఇచ్చిన హామీలపై నిలదీశారు. ఉద్యోగాల కల్పనపై కాంగ్రెస్‌తో బహిరంగ చర్చకు సిద్ధమని సవాల్ విసిరారు.

తెలంగాణకు భారీ పెట్టుబడులు ఆకర్షించడం, విద్యా రంగంలో అంతర్జాతీయ భాగస్వామ్యాలను బలోపేతం చేయడమే లక్ష్యంగా సీఎం రేవంత్ రెడ్డి 10 రోజుల విదేశీ పర్యటనకు సిద్ధమయ్యారు. ఆగస్టు 20 నుంచి 30 వరకు బ్రిటన్, అమెరికాలో పర్యటించనున్న సీఎం.. ప్రముఖ విశ్వవిద్యాలయాలు, గ్లోబల్ సీఈవోలు, వెంచర్ క్యాపిటలిస్టులతో సమావేశం కానున్నారు.

ఒకరు స్క్రాప్‌కు కొత్త జీవం పోసి తక్కువ ఖర్చుతో ఎలక్ట్రిక్ వాహనం రూపొందిస్తే.. మరొకరు గిరిజన, గనుల ప్రాంతాల అవసరాలకు అనుగుణంగా ప్రయాణికులు, సరుకులను తరలించే వాహనాన్ని రూపొందించాడు. మణుగూరు ఏటీసీలో వెలుగులోకి వచ్చిన ఈ రెండు ఆవిష్కరణలు తెలంగాణ యువతలోని నైపుణ్యం, సృజనాత్మకతకు నిదర్శనంగా నిలుస్తున్నాయి

ఆర్మీ నియామకాల్లో తెలంగాణ యువతకు మరిన్ని అవకాశాలు కల్పించేందుకు జిల్లా కేంద్రాల్లో శిక్షణా కేంద్రాలు ఏర్పాటు చేయాలని సీఎం రేవంత్‌రెడ్డి కోరారు. దేశవ్యాప్త ఆర్మీ రిక్రూట్‌మెంట్లకు ముందే శిక్షణ ఇచ్చేందుకు సదరన్‌ కమాండ్‌ అధికారులు అంగీకరించారు.

డిగ్రీ ఒక్కటే ఉద్యోగానికి సరిపోదని మంత్రి శ్రీధర్‌బాబు అన్నారు. పరిశ్రమ అవసరాలకు అనుగుణంగా నైపుణ్యాలు, ప్రాక్టికల్‌ నాలెడ్జ్‌, సాంకేతిక పరిజ్ఞానం పెంచుకోవాలని యువతకు సూచించారు.