బంగారం ధరలు స్వల్పంగా తగ్గాయి. అంతర్జాతీయ మార్కెట్ పరిణామాలు, భౌగోళిక-రాజకీయ పరిస్థితుల ప్రభావంతో పసిడి ధరల్లో హెచ్చుతగ్గులు కొనసాగుతున్నాయి. సోమవారం ఉదయం కూడా బంగారం ధరల్లో స్వల్ప తగ్గుదల నమోదైంది.
సోమవారం ఉదయం 10 గంటల సమయంలో హైదరాబాద్, విజయవాడలో 24 క్యారెట్ల 10 గ్రాముల బంగారం ధర రూ.1,55,680గా ఉంది. ఆదివారంతో పోలిస్తే రూ.160 తగ్గింది. అదే సమయంలో 22 క్యారెట్ల 10 గ్రాముల ఆర్నమెంటల్ బంగారం ధర రూ.1,42,700గా నమోదైంది. నిన్నటి ధరతో పోలిస్తే ఇది రూ.150 తగ్గింది.
మరోవైపు వెండి ధరల్లో భారీ తగ్గుదల కనిపించింది. కిలో వెండి ధర ఏకంగా రూ.5,000 తగ్గింది. హైదరాబాద్, విజయవాడలో సోమవారం ఉదయం కిలో వెండి ధర రూ.2.50 లక్షలుగా ఉంది. బంగారం, వెండి ధరలు మార్కెట్ పరిస్థితులకు అనుగుణంగా రోజులో పలుమార్లు మారే అవకాశం ఉంటుంది. కాబట్టి కొనుగోలు చేసే ముందు స్థానిక జువెల్లరీ దుకాణాల్లో తాజా ధరలను నిర్ధారించుకోవడం మంచిది.
