Gold Silver Rates: బంగారం ధరలు మళ్లీ పైపైకి కదులుతున్నాయి. కొన్ని రోజులుగా తగ్గుతూ వచ్చిన పసిడి ధరలు వరుసగా రెండో రోజూ పెరిగాయి. శనివారం ఉదయం 10 గంటల సమయానికి గుడ్ రిటర్న్స్ వెబ్‌సైట్ ప్రకారం ఢిల్లీలో 24 క్యారెట్ల 10 గ్రాముల బంగారం ధర నిన్నటితో పోలిస్తే రూ.1,420 పెరిగి రూ.1,55,990కి చేరింది. అదే సమయంలో 22 క్యారెట్ల 10 గ్రాముల పసిడి ధర రూ.1,300 పెరిగి రూ.1,43,000గా నమోదైంది.
ముంబైలోనూ భారీగా పెరిగిన రేట్లు
ముంబై మార్కెట్‌లోనూ బంగారం ధరలు పెరిగాయి. 24 క్యారెట్ల 10 గ్రాముల గోల్డ్ రేటు రూ.1,420 పెరిగి రూ.1,55,840కి చేరుకుంది. 22 క్యారెట్ల 10 గ్రాముల బంగారం ధర రూ.1,300 పెరిగి రూ.1,42,850 వద్ద కొనసాగుతోంది.
కిలో వెండి ధర రూ.5,000 జంప్
బంగారంతో పాటు వెండి ధర కూడా భారీగా పెరిగింది. ఢిల్లీ, ముంబై మార్కెట్లలో కిలో వెండి ధర రూ.5,000 పెరిగి రూ.2,55,000కి చేరింది. దీంతో వరుసగా రెండో రోజూ బంగారం, వెండి ధరలు పెరగడం గమనార్హం. మార్కెట్‌లో అంతర్జాతీయ పరిణామాలు, పెట్టుబడిదారుల కొనుగోళ్లు, డాలర్ విలువ వంటి అంశాలు విలువైన లోహాల ధరలపై ప్రభావం చూపుతుంటాయి.
గమనిక: ఆభరణాల తయారీ ఛార్జీలు, జీఎస్టీ తదితర కారణాలతో కొనుగోలు సమయంలో తుది ధర మారవచ్చు.
