School-education విభాగానికి సంబంధించిన తాజా వార్తలు మరియు కథనాలు.
తమిళనాడు ప్రభుత్వ పాఠశాలల్లో మధ్యాహ్న భోజన పథకం మెనూలో వారానికి ఒకసారి చికెన్ బిర్యానీని చేర్చే ప్రతిపాదన తెరపైకి వచ్చింది. పాఠశాల విద్యాశాఖ మంత్రి రాజ్‌మోహన్ ఈ ప్రతిపాదనను సీఎం సి. జోసెఫ్ విజయ్ ముందుంచగా, ప్రస్తుతం దీనిపై ప్రభుత్వం పరిశీలన జరుపుతోంది. తొలుత ఎంపిక చేసిన పాఠశాలల్లో పైలట్ ప్రాజెక్ట్‌గా అమలు చేసి, పరిశుభ్రత, ఆహార భద్రత, తయారీ, సరఫరా వంటి అంశాలను పరిశీలించనున్నారు.
హనుమకొండలో గణేష్ నవరాత్రుల సందర్భంగా వినాయక మాల ధరించి పాఠశాలకు వెళ్లిన ఒకే కుటుంబానికి చెందిన అక్క, తమ్ముడిని టీచర్లు అడ్డుకున్న ఘటన వివాదాస్పదంగా మారింది. మాల విరమణ చేసిన తర్వాతే స్కూల్‌కు రావాలని చెప్పడంతో విద్యార్థుల తండ్రి ఆందోళన వ్యక్తం చేశారు. విషయం తెలుసుకున్న ఏబీవీపీ, వీహెచ్‌పీ, బజరంగ్‌దళ్ నాయకులు పాఠశాలకు చేరుకోవడంతో కొద్దిసేపు ఉద్రిక్తత నెలకొంది.
తెలంగాణలో పాలిటెక్నిక్ కాలేజీలను ప్రైవేటీకరిస్తారనే ప్రచారాన్ని సీఎం రేవంత్ రెడ్డి తీవ్రంగా ఖండించారు. పాలిటెక్నిక్ కాలేజీలు 100 శాతం ప్రభుత్వ ఆధీనంలోనే కొనసాగుతాయని స్పష్టం చేశారు. సాంకేతిక విద్యను ఆధునిక నైపుణ్యాలతో అనుసంధానించేందుకే సంస్కరణలు చేపడుతున్నామని తెలిపారు. రాష్ట్రంలోని 59 పాలిటెక్నిక్‌లను టాటా టెక్నాలజీస్ సహకారంతో రూ.4 వేల కోట్లతో ఆధునీకరిస్తున్నట్లు వెల్లడించారు.
తెలంగాణ ఉపాధ్యాయుల సమస్యల పరిష్కారంపై సీఎం రేవంత్ రెడ్డి కీలక హామీ ఇచ్చారు. పీఆర్సీ, ఇంక్రిమెంట్లతో పాటు ఉద్యోగుల సమస్యలను పరిష్కరించేందుకు రెండేళ్లు సహకరించాలని ఉపాధ్యాయులను కోరారు. విద్యా రంగంలో చేపడుతున్న సంస్కరణలకు టీచర్లు భాగస్వాములు కావాలని, తెలంగాణ విద్యా వ్యవస్థను దేశానికి రోల్ మోడల్‌గా తీర్చిదిద్దుదామని పిలుపునిచ్చారు.
విజయవాడలో నిర్వహించిన ఉపాధ్యాయ దినోత్సవ వేడుకల్లో ఏపీ సీఎం చంద్రబాబు నాయుడు కీలక వ్యాఖ్యలు చేశారు. తన చిన్ననాటి రోజుల్లో ఉపాధ్యాయుడి చేతిలో దెబ్బలు తిన్న విషయాన్ని గుర్తుచేసుకున్న ఆయన.. మారుతున్న కాలానికి అనుగుణంగా టీచర్లు కూడా తమ బోధనా విధానాలను మార్చుకోవాలని సూచించారు.
పాలిటెక్నిక్ విద్యార్థుల్లో నెలకొన్న భయాందోళనలను ప్రభుత్వం నివృత్తి చేయాలని, వెంటనే జీవో 97ను రద్దు చేయాలని ఎమ్మెల్యే కడియం శ్రీహరి కోరారు. పాలిటెక్నిక్ విద్యను టెక్నికల్, ఇంజినీరింగ్ ఎడ్యుకేషన్ పరిధిలోనే కొనసాగించాలని ముఖ్యమంత్రి రేవంత్‌రెడ్డికి విజ్ఞప్తి చేశారు.
అన్నమయ్య జిల్లా దొనబైలు గ్రామ విద్యార్థులు రోడ్డు సౌకర్యం లేక రోజూ 8 కి.మీ నడుస్తున్నారు. కనీసం 4 కి.మీ రోడ్డు నిర్మించాలని స్థానికుల విజ్ఞప్తి.