#Indiramma Housing

హైదరాబాద్‌ మహానగర పరిధిలో ఇందిరమ్మ టవర్స్‌ ఇళ్ల కేటాయింపు పొందిన లబ్ధిదారులకు తెలంగాణ హౌసింగ్‌ బోర్డు కీలక సూచన చేసింది. తొలి ఇన్‌స్టాల్‌మెంట్‌గా చెల్లించాల్సిన రూ.1 లక్ష మొత్తాన్ని చెల్లించేందుకు గడువును అక్టోబర్ 9 వరకు పొడిగించింది. ఈలోగా చెల్లింపు చేయని వారి తాత్కాలిక కేటాయింపులు రద్దయ్యే అవకాశం ఉందని అధికారులు స్పష్టం చేశారు.

ఇందిరమ్మ ఇళ్ల కేటాయింపులో పారదర్శకత లోపించిందని ఖైరతాబాద్ ఎమ్మెల్యే దానం నాగేందర్ ఆరోపించారు. తన నియోజకవర్గానికి కేటాయించిన ఇళ్లను ఇతర నియోజకవర్గాల వారికి ఇచ్చారని శాసనసభలో జీరో అవర్‌లో ప్రస్తావించారు. ఈ విషయాన్ని మంత్రికి చెబితే ‘కూల్ కూల్’ అంటున్నారని, ప్రభుత్వ పెద్దలు కూల్‌గా ఉండటం వల్లే పరిస్థితి ఇక్కడిదాకా వచ్చిందని విమర్శించారు.

హైదరాబాద్‌ ఇందిరమ్మ టవర్స్‌ ఫ్లాట్ల కేటాయింపు లక్కీడ్రాలో ఆసక్తికర ఘటన చోటుచేసుకుంది. రాజేంద్రనగర్‌ నియోజకవర్గం మైలార్‌దేవుపల్లి పరిధిలో ఓ బాలుడు లక్కీడ్రా టోకెన్‌ తీయగా.. అదే టోకెన్‌ అతడి కుటుంబానికి రావడంతో అక్కడ ఆనందం వెల్లివిరిసింది. జరపుల లక్ష్మీ కుటుంబానికి సొంతింటి అదృష్టం దక్కింది. ఈ ఘటనకు సంబంధించిన వీడియోను మంత్రి పొంగులేటి శ్రీనివాసరెడ్డి సోషల్‌ మీడియాలో పంచుకున్నారు.

తెలంగాణలో ఇందిరమ్మ ఇళ్ల లబ్ధిదారులకు రాష్ట్ర ప్రభుత్వం కీలక నిర్ణయం తీసుకుంది. PMAY-G కింద కేంద్రం నుంచి ప్రతి ఇంటికి రావాల్సిన రూ.72 వేల నిధుల్లో జాప్యం జరుగుతోందని మంత్రి పొంగులేటి శ్రీనివాసరెడ్డి తెలిపారు.

అవుటర్ రింగ్ రోడ్ పరిధిలో ప్రభుత్వం నిర్మిస్తున్న ఇందిరమ్మ ఇళ్ల టవర్స్‌లో ఇళ్ల కేటాయింపునకు లాటరీ ప్రక్రియను ఆగస్టు 27 నుంచి 30 వరకు నిర్వహించనున్నట్లు హౌసింగ్ బోర్డు వైస్ ఛైర్మన్ వి.పీ. గౌతం తెలిపారు. అర్హుల తుది జాబితాను ఆగస్టు 25న ప్రకటించనున్నారు. 23వ తేదీ వరకు అభ్యంతరాలు స్వీకరించనున్నట్లు వెల్లడించారు.

హైదరాబాద్‌లో ఇందిరమ్మ ఇళ్ల కోసం దరఖాస్తు చేసుకునే వారికి రాష్ట్ర ప్రభుత్వం గుడ్‌న్యూస్ చెప్పింది. ఆగస్టు 10తో ముగియాల్సిన దరఖాస్తుల గడువును పొడిగించినట్లు మంత్రి పొంగులేటి శ్రీనివాస్ రెడ్డి ప్రకటన చేశారు.

హైదరాబాద్‌లో ప్రభుత్వం చేపట్టిన ఇందిరమ్మ టవర్స్‌ గృహాల కేటాయింపు ప్రక్రియ నేపథ్యంలో సైబర్‌ నేరగాళ్లు మోసాలకు పాల్పడే అవకాశం ఉందని సిటీ పోలీస్ కమిషనర్ వీసీ సజ్జనార్ ప్రజలను హెచ్చరించారు.

హైదరాబాద్ క్యూర్ (CURE) పరిధిలో నిర్మించనున్న ఇందిరమ్మ టవర్స్ పథకంపై ప్రజల్లో ఉన్న సందేహాలను నివృత్తి చేసేందుకు తెలంగాణ ప్రభుత్వం ప్రత్యేక కాల్ సెంటర్ హెల్ప్‌లైన్‌ను ప్రారంభించింది. దరఖాస్తు విధానం, అర్హతలు, ఈఎండీ చెల్లింపు, ఫ్లాట్ల కేటాయింపు తదితర అంశాలపై నేరుగా అధికారుల నుంచి సమాచారం పొందాలని రాష్ట్ర మంత్రి పొంగులేటి శ్రీనివాసరెడ్డి సూచించారు.