#Old City

హైదరాబాద్‌లో గణేశ్‌ నిమజ్జన శోభాయాత్రలు కొనసాగుతున్న నేపథ్యంలో శుక్రవారం ప్రార్థనలను దృష్టిలో పెట్టుకుని చార్మినార్‌, పాతబస్తీ పరిసరాల్లో పోలీసులు భద్రతను మరింత కట్టుదిట్టం చేశారు. కీలక ప్రాంతాల్లో బాంబ్‌ డిటెక్షన్‌ బృందాలు, ప్రత్యేక పోలీసు బలగాలతో తనిఖీలు చేపడుతూ సీసీ కెమెరాలు, డ్రోన్ల ద్వారా నిరంతరం నిఘా కొనసాగిస్తున్నారు.

హైదరాబాద్ ఓల్డ్‌సిటీ మదీనాలోని ప్రముఖ షాదాబ్ కేఫ్‌పై తెలంగాణ స్టాండర్డ్స్ అథారిటీ ఫర్ ఫుడ్ అండ్ ఎసెన్షియల్ డ్రగ్స్ (TG SAFE) అధికారులు చర్యలు తీసుకున్నారు. పారిశుద్ధ్య లోపాలు, అపరిశుభ్ర వాతావరణంలో మాంసం నిల్వ చేయడం, కిచెన్‌లో బొద్దింకలు, ఇతర కీటకాలు సంచరిస్తుండటాన్ని గుర్తించిన అధికారులు FSSAI లైసెన్స్‌ను రద్దు చేసి కేఫ్‌ను సీజ్ చేశారు.

హైదరాబాద్ మెట్రోలో పెరుగుతున్న ప్రయాణికుల రద్దీకి అనుగుణంగా అదనపు కోచ్‌లు కొనుగోలు చేయాలని సీఎం రేవంత్ రెడ్డి అధికారులను ఆదేశించారు. మెట్రో ఫేజ్-2లోని ఎంజీబీఎస్–చాంద్రాయణగుట్ట 7.5 కి.మీ కారిడార్ పనులను వేగవంతం చేసి, టెండర్లు, భూసేకరణ ప్రక్రియలను త్వరగా పూర్తి చేయాలని సూచించారు.

హైదరాబాద్‌ ఓల్డ్‌సిటీలోని బేలా శ్రీ ముత్యాలమ్మ ఆలయంలో నిర్వహించిన కల్యాణ మహోత్సవంలో మంత్రి వివేక్‌ వెంకటస్వామి సతీసమేతంగా పాల్గొని అమ్మవారికి పట్టు వస్త్రాలు సమర్పించారు.

హైదరాబాద్‌లో బోనాల పండుగ సందర్భంగా ట్రాఫిక్ పోలీసులు కీలక ప్రకటన చేశారు. లాల్ దర్వాజా, అంబర్‌పేట్ మహంకాళి ఆలయం, దర్బార్ మైసమ్మ, కార్వాన్ బోనాల సందర్భంగా ఆది, సోమవారాల్లో పలు ప్రాంతాల్లో ట్రాఫిక్ ఆంక్షలు, వాహనాల మళ్లింపులు అమల్లో ఉంటాయని తెలిపారు.

పాతబస్తీలో అత్యంత వైభవంగా జరిగే లాల్‌దర్వాజా శ్రీ సింహవాహిని మహంకాళి బోనాల ఉత్సవాలకు హైదరాబాద్ పోలీసులు విస్తృత ఏర్పాట్లు పూర్తి చేశారు. శుక్రవారం ఆలయంలో జరిగిన శిఖర పూజ, ధ్వజారోహణ కార్యక్రమంలో పాల్గొన్న నగర పోలీస్ కమిషనర్ వీసీ సజ్జనర్.. భక్తులకు ఎలాంటి ఇబ్బందులు తలెత్తకుండా 2 వేల మంది పోలీసులతో భారీ బందోబస్తు ఏర్పాటు చేసినట్లు తెలిపారు.