#Rbi

అంతరిక్షంలో ఆయుధాలను మోహరించినట్లు అమెరికా తొలిసారి బహిరంగంగా అంగీకరించింది. కక్ష్యలోని ‘స్పేస్ కంట్రోల్’ ఆయుధాలు అమెరికా సంయుక్త బలగాలు, మిత్ర దేశాలను శత్రు దేశాల నుంచి ఎదురయ్యే ముప్పుల నుంచి రక్షించేందుకు ఉపయోగపడతాయని అమెరికా ఎయిర్ ఫోర్స్‌ సెక్రటరీ ట్రాయ్ మెయింక్ వెల్లడించారు. అయితే ఆయుధాల రకం, పూర్తి సామర్థ్యంపై మాత్రం వివరాలు వెల్లడించలేదు.

కరువు సీమగా పేరొందిన అనంతపురం జిల్లాకు భారీ పెట్టుబడులు తరలివస్తున్నాయి. పవన విద్యుత్ రంగంలో ప్రముఖ సంస్థ సుజ్లాన్ ఆంధ్రప్రదేశ్‌లో తన కార్యకలాపాలను మరింత విస్తరించేందుకు రూ.10 వేల కోట్ల పెట్టుబడులు పెట్టనుంది. రాయదుర్గం నియోజకవర్గంలో చేపట్టనున్న 1,325 మెగావాట్ల విండ్ ప్రాజెక్టులతో ప్రత్యక్షంగా, పరోక్షంగా సుమారు 4 వేల మందికి ఉపాధి.

యూపీఐ లావాదేవీలపై ఛార్జీలు వసూలు చేస్తారన్న ప్రచారంపై ఫోన్‌పే సీఈఓ సమీర్‌ నిగమ్‌ స్పష్టత ఇచ్చారు. సాధారణ వినియోగదారులకు యూపీఐ చెల్లింపులు ఉచితంగానే కొనసాగుతాయని తెలిపారు.

గుజరాత్‌లోని మోర్బీ జిల్లాలో ఓ బావిలో నీరు అలల్లా ఊగుతూ కనిపించడం స్థానికులను ఆశ్చర్యపరిచింది. భూకంపం కాకుండా భూగర్భ వాయు ఒత్తిడి కారణమై ఉండొచ్చని నిపుణులు భావిస్తున్నారు.

తెలంగాణలో విద్యారంగం రాష్ట్ర ప్రభుత్వ ప్రాధాన్యత కాదని తేలిపోయిందని బీఆర్ఎస్ నేత ఏనుగుల రాకేష్ రెడ్డి ఆరోపించారు. రాష్ట్ర ప్రభుత్వం విద్యారంగానికి కేవలం 5.98 శాతం నిధులు మాత్రమే కేటాయిస్తోందని ఆర్‌బీఐ నివేదికలో తేలిందని.. ఇది ఆందోళనకరమన్నారు.

తిరుపతి జిల్లా పరిధిలోని తూర్పు కనుమల్లో కొత్తగా గుర్తించిన అరుదైన వృక్ష జాతికి చెందిన మొక్కకు ఏపీ డిప్యూటీ సీఎం, అటవీ, పర్యావరణ శాఖ మంత్రి పవన్ కల్యాణ్ నామకరణం చేశారు. యూఫోర్బియేసీ (Euphorbiaceae) కుటుంబానికి చెందిన ఈ కొత్త జాతికి “క్రోటన్ ఉబ్బలమడుగెన్సిస్” (Croton Ubbalamadugensis) అని పేరు పెట్టారు.

భారత్‌లో ప్లాస్టిక్ (పాలిమర్) కరెన్సీ నోట్ల ప్రవేశానికి కేంద్ర ప్రభుత్వం తొలి అడుగు వేసింది. రూ.10, రూ.20 విలువైన పాలిమర్ నోట్లను ప్రయోగాత్మకంగా విడుదల చేయాలన్న భారతీయ రిజర్వు బ్యాంకు (ఆర్‌బీఐ) ప్రతిపాదనకు కేంద్ర ఆర్థిక మంత్రిత్వ శాఖ ఆమోదం తెలిపింది. అయితే ప్రస్తుతం ఉన్న కాగితపు నోట్లను తొలగించే ఆలోచన లేదని ప్రభుత్వం స్పష్టం చేసింది.

ప్రభుత్వ ఉద్యోగం కోసం సిద్ధమవుతున్న అభ్యర్థులకు శుభవార్త. తక్కువ పోటీతో పాటు నెలకు లక్ష రూపాయలకు పైగా వేతనం అందించే RBI, NABARD, SEBI, IRDAI, PFRDA వంటి కేంద్ర ప్రభుత్వ ఉద్యోగాల వివరాలు తెలుసుకోండి.