#Seethakka

తెలంగాణలో కొత్త పెన్షన్ల పంపిణీకి ప్రభుత్వం చర్యలు వేగవంతం చేస్తోంది. అక్టోబర్‌లో కొత్త పెన్షన్లను ప్రారంభించి, దసరా పండుగకు ముందే అర్హులైన లబ్ధిదారులకు పెన్షన్లు అందేలా ఏర్పాట్లు చేయాలని మంత్రి సీతక్క అధికారులను ఆదేశించారు.

అసెంబ్లీ బయట తమపై పోలీసులు వ్యవహరించిన తీరుపై మాజీ మంత్రి, ఎమ్మెల్యే సబితా ఇంద్రారెడ్డి తీవ్ర ఆగ్రహం వ్యక్తం చేశారు. పోలీసుల ముసుగులో గూండాల్లా వ్యవహరించారేమోనని అనుమానం వ్యక్తం చేసిన ఆమె.. కేటీఆర్ లేకపోతే తమను కిందపడేసి తొక్కేవారని ఆరోపించారు.

బీఆర్‌ఎస్‌లో ఇతర పార్టీల నుంచి వచ్చిన నాయకులు పెద్ద సంఖ్యలో ఉన్నారని, అలాంటి పార్టీ కాంగ్రెస్‌ను ‘పచ్చ కాంగ్రెస్‌’ అంటూ విమర్శించడం హాస్యాస్పదమని పంచాయతీరాజ్‌ మంత్రి సీతక్క అన్నారు. బీఆర్‌ఎస్‌, బీజేపీ నేతలు రాజకీయ విమర్శలకు ముందు తమ గతాన్ని పరిశీలించుకోవాలని సూచించారు.

తెలంగాణలో కొత్త చేయూత పింఛన్ల కోసం దరఖాస్తు చేసుకోలేకపోయిన అర్హులకు రాష్ట్ర ప్రభుత్వం గుడ్‌న్యూస్‌ చెప్పింది. దరఖాస్తు గడువును మరో 15 రోజులు పొడిగిస్తూ నిర్ణయం తీసుకుంది. దీంతో అర్హులైన వారు సెప్టెంబర్‌ 15 వరకు దరఖాస్తు చేసుకోవచ్చు.

తెలంగాణ రాజకీయాల్లో కొండా సురేఖ ఎపిసోడ్‌కు సంబంధించి ఆసక్తికర పరిణామం చోటుచేసుకుంది. పరకాల నియోజకవర్గం వ్యవహారంపై విభేదాలు, మంత్రి పదవిపై వేటు ప్రచారం కొనసాగుతున్న వేళ మంత్రి కొండా సురేఖ సీఎం రేవంత్ రెడ్డి నివాసానికి వెళ్లారు. రక్షాబంధన్ సందర్భంగా మంత్రి సీతక్కతో కలిసి సీఎం రేవంత్‌కు రాఖీ కట్టి శుభాకాంక్షలు తెలిపారు. దీంతో ఇరువురి మధ్య రాజకీయ విభేదాలకు తెరపడిందా? అనే చర్చ మొదలైంది.

తెలంగాణ గ్రామీణ రహదారుల అభివృద్ధికి ములుగు నుంచి భారీ ప్రణాళికకు శ్రీకారం చుట్టనున్నారు. రూ.16,007 కోట్లతో 2,145 రహదారులను 7,448 కిలోమీటర్ల మేర అభివృద్ధి చేయనున్న ఈ కార్యక్రమాన్ని సీఎం రేవంత్‌రెడ్డి 16న ప్రారంభించనున్నారు.

తెలంగాణ రాష్ట్రంలో అత్యంత వైభవంగా జరిగే లష్కర్ బోనాల మహోత్సవం ఘనంగా కొనసాగుతోంది. ఈ సందర్భంగా రాష్ట్ర ముఖ్యమంత్రి రేవంత్ రెడ్డి సికింద్రాబాద్ ఉజ్జయిని మహంకాళి అమ్మవారిని దర్శించుకుని ప్రత్యేక పూజలు నిర్వహించారు. ప్రభుత్వం తరఫున పట్టువస్త్రాలు సమర్పించి అమ్మవారి ఆశీస్సులు తీసుకున్నారు.

తెలంగాణలో గ్రామీణ రవాణా వ్యవస్థను ఆధునికీకరించే దిశగా ప్రభుత్వం కీలక అడుగులు వేస్తోంది. హైబ్రిడ్ యాన్యుటీ మోడల్ (HAM) ద్వారా వేల కిలోమీటర్ల గ్రామీణ రహదారుల నిర్మాణాన్ని వేగవంతం చేయాలని పంచాయతీరాజ్, గ్రామీణాభివృద్ధి శాఖ మంత్రి దనసరి అనసూయ (సీతక్క) అధికారులను ఆదేశించారు.