#Singareni

కనీస వేతనాల చెల్లింపులో తెలంగాణ దేశానికి ఆదర్శంగా నిలిచిందని కార్మిక శాఖ మంత్రి వివేక్ వెంకటస్వామి తెలిపారు. సింగరేణిలో పనిచేస్తున్న కాంట్రాక్ట్ కార్మికుల వేతనాల పెంపుపై ప్రభుత్వం పరిశీలన చేస్తోందన్నారు. ఔట్‌సోర్సింగ్ ఉద్యోగుల సమస్యల పరిష్కారానికి నదీమ్ కమిటీ నివేదిక వచ్చిన తర్వాత చర్యలు తీసుకుంటామని వెల్లడించారు.

ఒడిశాలోని నైనీ బొగ్గు బ్లాక్ నుంచి 4 వేల టన్నుల G-10 గ్రేడ్ బొగ్గుతో 59 వ్యాగన్ల తొలి రైలు 1,131 కి.మీ. ప్రయాణించి తెలంగాణలోని సింగరేణి థర్మల్ పవర్ ప్లాంట్‌కు చేరుకుంది. రాష్ట్ర ఇంధన భద్రతలో ఇది కీలక మైలురాయిగా ప్రభుత్వం పేర్కొంది.

భద్రాద్రి కొత్తగూడెం జిల్లా మణుగూరు సమీపంలోని పీకేఓసీ-2 (ప్రకాశం ఖని ఓపెన్‌కాస్ట్) డిప్‌సైడ్ కోల్ బ్లాక్ సింగరేణి సంస్థకు దక్కడం సంతోషకరమైన పరిణామమని కేంద్ర బొగ్గు, గనుల శాఖ మంత్రి జి. కిషన్‌రెడ్డి అన్నారు.

సింగరేణి అనుబంధ సంస్థ ఆప్మెల్ (APHMEL) స్వర్ణోత్సవ సంవత్సరంలో మరో కీలక ముందడుగు వేసింది. విజయవాడలోని ప్లాంట్‌లో ఏర్పాటు చేసిన 300 కిలోవాట్ల సౌర విద్యుత్ ప్లాంట్‌ను సింగరేణి సీఎండీ డాక్టర్ బుద్దప్రకాశ్ జ్యోతి వర్చువల్‌గా ప్రారంభించారు. ఈ ప్లాంట్ ద్వారా ఏటా సుమారు రూ.24 లక్షల విద్యుత్ ఖర్చు ఆదా కానుండగా, సంస్థ ఈ ఏడాది రూ.23.33 కోట్ల రికార్డు స్థాయి నికర లాభాన్ని నమోదు చేయడం విశేషంగా నిలిచింది.

సింగరేణి సంస్థకు కేటాయించిన తాడిచర్ల బ్లాక్-2తో పాటు ఆర్‌కేపీ మైన్స్‌కు పెండింగ్‌లో ఉన్న పర్యావరణ అనుమతులను త్వరితగతిన మంజూరు చేయాలని తెలంగాణ శక్తి (కార్మిక, ఉపాధి, శిక్షణ&ఫ్యాక్టరీస్) మరియు గనుల శాఖ మంత్రి డా. జి. వివేక్ వెంకటస్వామి, పెద్దపల్లి ఎంపీ గడ్డం వంశీకృష్ణ కేంద్ర పర్యావరణ, అటవీ మరియు వాతావరణ మార్పుల శాఖ మంత్రి భూపేంద్ర యాదవ్‌ను కోరారు.

తెలంగాణ గనులు మరియు కార్మిక శాఖ మంత్రి డా. జి. వివేక్ వెంకటస్వామి, పెద్దపల్లి పార్లమెంట్ సభ్యుడు గడ్డం వంశీకృష్ణ, న్యూఢిల్లీలో కేంద్ర బొగ్గు, గనుల శాఖ మంత్రి జి. కిషన్ రెడ్డిని కలిసి తాడిచెర్ల-2 బొగ్గు గని ప్రాజెక్టు పనులను వేగవంతం చేయాలని కోరారు. స్థానిక యువతకు కనీసం 1000 ఉద్యోగాలు కల్పించడంతో పాటు సింగరేణి పదవీ విరమణ పొందిన కార్మికులకు కనీస నెలవారీ పెన్షన్ ₹10,000 అందేలా చర్యలు తీసుకోవాలని విజ్ఞప్తి చేశారు.

భవిష్యత్తులో బొగ్గుపై ఆధారపడే పరిస్థితులు తగ్గే అవకాశం ఉన్నందున.. సంప్రదాయ బొగ్గు గనులకే సింగరేణి పరిమితం కాకుండా లిథియం, కోబాల్ట్, రేర్ ఎర్త్ మినరల్స్ వంటి కీలక ఖనిజాల తవ్వకాల వైపు అడుగులు వేయాలని తెలంగాణ ఉప ముఖ్యమంత్రి భట్టి విక్రమార్క సూచించారు. సింగరేణిని ప్రపంచస్థాయి పోటీ సంస్థగా తీర్చిదిద్దేందుకు రాష్ట్ర ప్రభుత్వం సంపూర్ణ సహకారం అందిస్తుందని హామీ ఇచ్చారు.

తెలంగాణ బొగ్గు బెల్ట్‌లోని కోల్‌బెడ్ మీథేన్ (సీబీఎం) నిల్వల అన్వేషణ, అభివృద్ధిని వేగవంతం చేయాలని వరంగల్ ఎంపీ డాక్టర్ కడియం కావ్య కేంద్ర ప్రభుత్వాన్ని కోరారు.

“సింగరేణిలో శాశ్వత, కాంట్రాక్ట్ కార్మికులు ఎదుర్కొంటున్న సమస్యలపై యాజమాన్యం ప్రత్యేక దృష్టి సారించి తక్షణ చర్యలు తీసుకోవాలని టీఆర్‌ఎస్ అధ్యక్షురాలు కవిత కోరారు. ప్రభుత్వ విధానాలు, పెండింగ్ బకాయిల వల్ల సింగరేణిపై భారీ ఆర్థిక భారం పడుతోందని ఆమె పేర్కొన్నారు.”