#Telangana Farmers

ఉత్తర తెలంగాణ, ఆదిలాబాద్ ప్రాంతాల్లో సాగునీటి కొరతను తీర్చేందుకు దివంగత కాకా వెంకటస్వామి కన్న కలను సాకారం చేయడమే లక్ష్యంగా ప్రాణహిత-చేవెళ్ల ప్రాజెక్టును ముందుకు తీసుకెళ్లేందుకు కట్టుబడి ఉన్నామని పెద్దపల్లి ఎంపీ గడ్డం వంశీకృష్ణ తెలిపారు. మహారాష్ట్రకు సంబంధించిన అంశాలు, అవసరమైన అనుమతులు, సాంకేతిక సమస్యల పరిష్కారంపై ప్రత్యేక దృష్టి సారిస్తున్నట్లు వెల్లడించారు.

చాకలి ఐలమ్మ 131వ జయంతి సందర్భంగా మాజీ సీఎం, బీఆర్ఎస్ అధినేత కల్వకుంట్ల చంద్రశేఖర్ రావు ఆమెకు నివాళులు అర్పించారు. తెలంగాణ ఆత్మగౌరవ ధిక్కార స్వరంగా, రాష్ట్ర తెగువకు ప్రతీకగా ఐలమ్మ నిలిచారని కొనియాడారు. రైతాంగం, సబ్బండ కులాల అభ్యున్నతికి కృషి చేయడమే ఆమెకు నిజమైన నివాళి అని పేర్కొన్నారు.

తెలంగాణలో ప్రజా సమస్యలు పరిష్కారం కాకుండా రాజకీయాలు వ్యక్తిగత విమర్శలు, దూషణలకే పరిమితమవుతున్నాయంటూ తెలంగాణ రక్షణ సేన చీఫ్‌ కల్వకుంట్ల కవిత విమర్శించారు.

తెలంగాణలో గత ప్రభుత్వం తీసుకొచ్చిన ధరణి పోర్టల్‌ పేదలు, రైతులు, భూయజమానులకు తీవ్ర ఇబ్బందులు తెచ్చిపెట్టిందని రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి ఆరోపించారు. ధరణి సమస్యలను అప్పటి మంత్రులు, ఎమ్మెల్యేలు పలుమార్లు మాజీ సీఎం కేసీఆర్‌ దృష్టికి తీసుకెళ్లినా పరిష్కారం లభించలేదని విమర్శించారు. ధరణిలోని సాంకేతిక లోపాలు, ‘సీక్రెట్‌ లాక్‌’ల వ్యవస్థ, భూ రికార్డుల సమస్యలపై శాసనసభలో ఆయన తీవ్ర వ్యాఖ్యలు చేశారు.

దేవరుప్పుల, కొడకండ్ల మండలాలకు సాగునీరు విడుదల చేయాలని డిమాండ్ చేస్తూ మాజీ మంత్రి ఎర్రబెల్లి దయాకర్‌రావు చేపట్టిన కాలువ బాట ఉద్రిక్తంగా మారింది. సింగరాజుపల్లి గ్రామంలో ధర్నాకు దిగిన ఎర్రబెల్లిని పోలీసులు అరెస్ట్ చేసి దేవరుప్పుల పోలీస్ స్టేషన్‌కు తరలించారు.

వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.

తెలంగాణలో రికార్డు స్థాయిలో వరి దిగుబడికి కాళేశ్వరం ప్రాజెక్టు కారణం కాదని సీఎం రేవంత్‌రెడ్డి పేర్కొన్నారు. మంచి వర్షాలు, కొత్త బోర్లు, రైతు సంక్షేమ పథకాలే సాగు విస్తీర్ణం పెరగడానికి కారణమని తెలిపారు.

తేనెటీగలు, పుట్టగొడుగుల పెంపకాన్ని వ్యవసాయానికి అనుబంధంగా చేపడితే రైతులు, నిరుద్యోగ యువత పారిశ్రామికవేత్తలుగా ఎదిగే అవకాశాలు మెరుగుపడతాయని మెదక్ జిల్లా కలెక్టర్ ప్రతిమా సింగ్ అన్నారు. తక్కువ పెట్టుబడితో అధిక ఆదాయం పొందే ఈ రంగాలను ప్రభుత్వ పథకాల సాయంతో విస్తరించాలని ఆమె సూచించారు.

తెలంగాణకు కేంద్ర ప్రభుత్వం శుభవార్త తెలిపింది. రబీ సీజన్‌కు సంబంధించి అదనంగా 8 లక్షల మెట్రిక్ టన్నుల (బియ్యం రూపంలో) ధాన్యం కొనుగోలుకు కేంద్రం ఆమోదం తెలిపింది.