#Venkatesh

విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం’ సినిమా విడుదల వాయిదా పడింది. ముందుగా ప్రకటించిన ప్రకారం అక్టోబర్ 9న థియేటర్లలోకి రావాల్సిన ఈ చిత్రాన్ని తుది దశ పనులు పూర్తి కాకపోవడంతో వాయిదా వేసినట్లు నిర్మాత నాగవంశీ వెల్లడించారు. నాణ్యత విషయంలో రాజీ పడకూడదనే ఈ నిర్ణయం తీసుకున్నట్లు ఆయన తెలిపారు.

రాజమౌళి సమర్పణలో ఫహాద్‌ ఫాజిల్‌ ప్రధాన పాత్రలో తెరకెక్కిన ‘డోంట్‌ ట్రబుల్‌ ద ట్రబుల్‌’ భారీ అంచనాల మధ్య ప్రేక్షకుల ముందుకొచ్చింది. డబ్బు కోసం ఓ చిన్నారిని కిడ్నాప్‌ చేసిన హీరో ఆమె దెయ్యమని తెలుసుకున్న తర్వాత ఎదుర్కొన్న పరిణామాల చుట్టూ కథ సాగుతుంది. ఆసక్తికరమైన పాయింట్‌ ఉన్నప్పటికీ, కథనం నెమ్మదించడం, భావోద్వేగాలు బలంగా పండకపోవడం సినిమాకు ప్రతికూలంగా మారాయి.

విక్టరీ వెంకటేష్, త్రివిక్రమ్ కాంబినేషన్‌లో తెరకెక్కుతున్న ‘ఆదర్శ కుటుంబం’ సినిమాపై ఆసక్తి పెరుగుతోంది. ఈ మూవీ నుంచి తొలి పాట ‘నారాయణమ్మ’ను సెప్టెంబర్ 22న విడుదల చేయనున్నట్లు మేకర్స్ ప్రకటించారు. ఫోక్ టచ్‌తో సాగే ఈ మాస్ సాంగ్‌లో వెంకటేష్‌తో కలిసి శ్రీనిధి శెట్టి, డింపుల్ హయతి, నివేదా పేతురాజ్ సందడి చేయనున్నారు.

హీరో వెంకటేష్‌తో గతంలో చోటుచేసుకున్న విభేదాలపై సీనియర్ హీరోయిన్‌, మాజీ మంత్రి రోజా ఆసక్తికర వ్యాఖ్యలు చేశారు. తన భర్త, దర్శకుడు సెల్వమణితో సినిమా చేస్తానని చెప్పిన వెంకటేష్ ఆ తర్వాత మరో సినిమా కోసం డేట్స్ ఇవ్వడంతో ప్రాజెక్ట్ ఆగిపోయిందని తెలిపారు. అలాగే ‘పోకిరి రాజా’ సినిమా సాంగ్ రీషూట్ సమయంలో తనకు ఎదురైన అనుభవాన్ని కూడా రోజా వెల్లడించారు.

విక్టరీ వెంకటేశ్, త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం హౌస్ నెం.47’ సినిమాపై ఆసక్తికర వార్తలు వైరల్ అవుతున్నాయి. తాజాగా విడుదలైన టీజర్ ఫ్యామిలీ ఎంటర్‌టైనర్‌గా సినిమాపై అంచనాలను పెంచగా.. యంగ్ టైగర్ ఎన్టీఆర్ ఈ చిత్రానికి వాయిస్ ఓవర్ అందించనున్నాడనే వార్త ఇప్పుడు హాట్ టాపిక్‌గా మారింది. మరోవైపు సినిమా విడుదల తేదీపై కూడా కొత్త ప్రచారం జరుగుతోంది.

విక్టరీ వెంకటేశ్, నందమూరి కళ్యాణ్‌రామ్ కాంబినేషన్‌లో దర్శకుడు అనిల్ రావిపూడి తెరకెక్కిస్తున్న మల్టీస్టారర్ మూవీకి టైటిల్ ఫిక్స్ అయింది. ‘జనవరి 12 విడుదల’ అనే ఆసక్తికరమైన టైటిల్‌ను ప్రకటించిన చిత్రబృందం.. 2027 జనవరి 12న సంక్రాంతి కానుకగా సినిమాను విడుదల చేయనున్నట్లు వెల్లడించింది. ‘బావ బామ్మర్ది సౌజన్యంతో’ అనే క్యాప్షన్ కూడా ఇప్పుడు ఆసక్తిని పెంచుతోంది.

బండ్ల గణేష్ కుమార్తె జనని, సూర్యతేజ వివాహం హైదరాబాద్‌లో ఘనంగా జరిగింది. తెలంగాణ సీఎం రేవంత్ రెడ్డి, ఆంధ్ర ప్రదేశ్ సీఎం చంద్రబాబుతో పాటు టాలీవుడ్ ప్రముఖులు హాజరయ్యారు.