కర్ణాటకలో ఓ యువరైతు చేసిన విజ్ఞప్తి ఇప్పుడు సోషల్ మీడియాలో వైరల్‌గా మారింది. గ్రామీణ ప్రాంతాల్లో ఆస్తులు, పొలాలు ఉండి కష్టపడి వ్యవసాయం చేస్తున్న యువకులకు పెళ్లిళ్లు కావడం లేదని ఆయన డిప్యూటీ సీఎం డీకే శివకుమార్‌కు ఫిర్యాదు చేశారు. ఈ సమస్యను ప్రభుత్వం సీరియస్‌గా తీసుకుని పరిష్కరించాలని, కాంగ్రెస్ ప్రభుత్వం అమలు చేస్తున్న ఐదు గ్యారంటీల తరహాలో దీనినీ ‘ఆరో గ్యారంటీ’గా పరిగణించాలని కోరారు.
కొత్త క్రిమినల్ చట్టాలు దేశవ్యాప్తంగా పూర్తిస్థాయిలో అమల్లోకి వచ్చిన తర్వాత ఎఫ్‌ఐఆర్ నమోదు నుంచి సుప్రీంకోర్టు తుది తీర్పు వరకు న్యాయ ప్రక్రియ గరిష్టంగా మూడేళ్లలో పూర్తయ్యేలా వ్యవస్థ మారుతుందని కేంద్ర హోంమంత్రి అమిత్ షా తెలిపారు. మరో ఏడాదిన్నరలో కొత్త చట్టాల పూర్తి అమలు జరుగుతుందని ఆయన పేర్కొన్నారు.
ఉత్తర తెలంగాణ, ఆదిలాబాద్ ప్రాంతాల్లో సాగునీటి కొరతను తీర్చేందుకు దివంగత కాకా వెంకటస్వామి కన్న కలను సాకారం చేయడమే లక్ష్యంగా ప్రాణహిత-చేవెళ్ల ప్రాజెక్టును ముందుకు తీసుకెళ్లేందుకు కట్టుబడి ఉన్నామని పెద్దపల్లి ఎంపీ గడ్డం వంశీకృష్ణ తెలిపారు. మహారాష్ట్రకు సంబంధించిన అంశాలు, అవసరమైన అనుమతులు, సాంకేతిక సమస్యల పరిష్కారంపై ప్రత్యేక దృష్టి సారిస్తున్నట్లు వెల్లడించారు.
చాకలి ఐలమ్మ 131వ జయంతి సందర్భంగా మాజీ సీఎం, బీఆర్ఎస్ అధినేత కల్వకుంట్ల చంద్రశేఖర్ రావు ఆమెకు నివాళులు అర్పించారు. తెలంగాణ ఆత్మగౌరవ ధిక్కార స్వరంగా, రాష్ట్ర తెగువకు ప్రతీకగా ఐలమ్మ నిలిచారని కొనియాడారు. రైతాంగం, సబ్బండ కులాల అభ్యున్నతికి కృషి చేయడమే ఆమెకు నిజమైన నివాళి అని పేర్కొన్నారు.
తెలంగాణలో ప్రజా సమస్యలు పరిష్కారం కాకుండా రాజకీయాలు వ్యక్తిగత విమర్శలు, దూషణలకే పరిమితమవుతున్నాయంటూ తెలంగాణ రక్షణ సేన చీఫ్‌ కల్వకుంట్ల కవిత విమర్శించారు.
ఆంధ్రప్రదేశ్‌లో నిత్యావసర సరుకుల ధరలను నియంత్రించేందుకు ప్రభుత్వం కీలక చర్యలకు సిద్ధమవుతోంది. రైతు బజార్లు, రేషన్ డిపోల ద్వారా దాదాపు 60 రకాల నిత్యావసర సరుకులు అందుబాటులోకి తీసుకురావాలని సీఎం చంద్రబాబు నాయుడు అధికారులను ఆదేశించారు. ఉల్లి, కంది పప్పు, పామాయిల్ వంటి సరుకులను త్వరలో ఈ వ్యవస్థల ద్వారా సరఫరా చేయాలని సూచించారు.
తెలంగాణలో గత ప్రభుత్వం తీసుకొచ్చిన ధరణి పోర్టల్‌ పేదలు, రైతులు, భూయజమానులకు తీవ్ర ఇబ్బందులు తెచ్చిపెట్టిందని రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి ఆరోపించారు. ధరణి సమస్యలను అప్పటి మంత్రులు, ఎమ్మెల్యేలు పలుమార్లు మాజీ సీఎం కేసీఆర్ దృష్టికి తీసుకెళ్లినా పరిష్కారం లభించలేదని విమర్శించారు. ధరణిలోని సాంకేతిక లోపాలు, ‘సీక్రెట్‌ లాక్‌’ల వ్యవస్థ, భూ రికార్డుల సమస్యలపై శాసనసభలో ఆయన తీవ్ర వ్యాఖ్యలు చేశారు.
కర్ణాటకలో కాంగ్రెస్ ప్రభుత్వానికి చెందిన మంత్రి ఎస్‌.ఎస్‌.మల్లికార్జున చేసిన వ్యాఖ్యలు రాజకీయ దుమారం రేపుతున్నాయి. హరిహర బీజేపీ ఎమ్మెల్యే బీపీ హరీశ్‌ను ఉద్దేశించి మంత్రి ‘చెప్పులతో కొట్టాలి’ అంటూ వ్యాఖ్యానించినట్లు సోషల్ మీడియాలో వైరల్ అవుతున్న వీడియోలో కనిపిస్తోంది. ఈ వ్యాఖ్యలపై ఎమ్మెల్యే హరీశ్‌తో పాటు బీజేపీ నేతలు తీవ్రంగా మండిపడ్డారు.
మాజీ రాజ్యసభ సభ్యుడు విజయసాయిరెడ్డి కొత్తగా ఏర్పాటు చేయబోయే ప్రాంతీయ పార్టీ విధివిధానాలను వెల్లడించారు. యువతకు 66 శాతం రాజకీయ ప్రాతినిధ్యం, రైతులు-గృహ వినియోగదారులకు ఉచిత విద్యుత్, పెట్రో ఉత్పత్తులపై పన్నుల తగ్గింపు, నీటి నిల్వ సామర్థ్యాన్ని 3,000 టీఎంసీలకు పెంపు, విద్య-ఉద్యోగాలపై దృష్టి వంటి ఐదు ప్రధాన అంశాలను తమ పార్టీ మేనిఫెస్టోగా పేర్కొన్నారు.
దేవరుప్పుల, కొడకండ్ల మండలాలకు సాగునీరు విడుదల చేయాలని డిమాండ్ చేస్తూ మాజీ మంత్రి ఎర్రబెల్లి దయాకర్‌రావు చేపట్టిన కాలువ బాట ఉద్రిక్తంగా మారింది. సింగరాజుపల్లి గ్రామంలో ధర్నాకు దిగిన ఎర్రబెల్లిని పోలీసులు అరెస్ట్ చేసి దేవరుప్పుల పోలీస్ స్టేషన్‌కు తరలించారు.
వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.
అమరావతి రాజధాని అభివృద్ధిలో కీలకమైన సీడ్ యాక్సెస్ రోడ్ ఈ-3 రెండో దశను సీఎం చంద్రబాబు నాయుడు ప్రారంభించారు. రూ.1,519 కోట్లతో నిర్మించిన ఈ 21.77 కిలోమీటర్ల కారిడార్ రాజధాని రవాణా వ్యవస్థకు వెన్నెముకగా నిలవనుంది. ఈ సందర్భంగా రాజధాని కోసం భూములు ఇచ్చిన రైతుల త్యాగాలను సీఎం కొనియాడుతూ వారికి పాదాభివందనం చేస్తున్నట్లు సీఎం చంద్రబాబు నాయుడు తెలిపారు.
తెలంగాణలో రికార్డు స్థాయిలో వరి దిగుబడికి కాళేశ్వరం ప్రాజెక్టు కారణం కాదని సీఎం రేవంత్‌రెడ్డి పేర్కొన్నారు. మంచి వర్షాలు, కొత్త బోర్లు, రైతు సంక్షేమ పథకాలే సాగు విస్తీర్ణం పెరగడానికి కారణమని తెలిపారు.
2026-27 పత్తి సీజన్‌లో రైతులకు ఎలాంటి ఇబ్బందులు లేకుండా కొనుగోళ్లు నిర్వహించాలని మంత్రి తుమ్మల నాగేశ్వరరావు అధికారులను ఆదేశించారు. 15–30 రోజుల్లో అన్ని జిల్లాల్లో మిల్లులు ప్రారంభించాలని, మానిటరింగ్‌ కమిటీల్లో రైతులకు భాగస్వామ్యం కల్పించాలని సూచించారు.
నల్లగొండలో నవంబర్‌ 15 నుంచి 18 వరకు నిర్వహించనున్న అఖిల భారత కిసాన్ సభ (ఏఐకేఎస్‌) 36వ జాతీయ మహాసభలను విజయవంతం చేయాలని ఆహ్వాన సంఘం అధ్యక్షుడు, మాజీ ఎమ్మెల్యే జూలకంటి రంగారెడ్డి కోరారు. శు
ఎల్‌నినో ప్రభావంతో నాగార్జునసాగర్‌ ప్రాజెక్టులో ప్రస్తుతం ఉన్న నీరు తాగునీటి అవసరాలకే సరిపోతుందని మంత్రి కోమటిరెడ్డి వెంకట్‌రెడ్డి తెలిపారు. సాగర్‌లోకి ఎగువ నుంచి నీరు వచ్చే అవకాశాలు కూడా లేనందున రైతులు ఎట్టి పరిస్థితుల్లోనూ వరి సాగు చేయకుండా ఆరుతడి పంటలు వేసుకునేలా అధికారులు, ప్రజాప్రతినిధులు అవగాహన కల్పించాలని సూచించారు.
తెలంగాణలో సమృద్ధిగా వర్షాలు కురవాలని, కృష్ణా-గోదావరి నదులు జలకళ సంతరించుకోవాలని, రైతాంగం సుభిక్షంగా ఉండాలని తెలంగాణ ప్రభుత్వం వరుణ యాగం నిర్వహించనుంది.
యాసంగి 2025-26 సీజన్‌లో కనీస మద్దతు ధర (ఎంఎస్‌పీ)తో కొనుగోలు చేసిన జొన్నలకు సంబంధించి రూ.994 కోట్లను 1,01,376 మంది రైతుల బ్యాంకు ఖాతాల్లో జమ చేస్తున్నట్లు వ్యవసాయ శాఖ మంత్రి తుమ్మల నాగేశ్వరరావు తెలిపారు.
తెలంగాణలో చేపల పెంపకం, ఆక్వాకల్చర్ రంగ అభివృద్ధికి కేంద్ర ప్రభుత్వం భారీ ప్రోత్సాహం అందిస్తోంది. ప్రధాన మంత్రి మత్స్య సంపద యోజన (PMMSY) కింద రాష్ట్రానికి రూ.353.01 కోట్ల విలువైన ప్రాజెక్టులను ఆమోదించినట్లు కేంద్ర ప్రభుత్వం వెల్లడించింది. ఇందులో కేంద్ర ప్రభుత్వ వాటా రూ.112.68 కోట్లు ఉందని కేంద్ర మత్స్య, పశుసంవర్ధక, పాడి పరిశ్రమల శాఖ మంత్రి రాజీవ్ రంజన్ సింగ్ (లాలన్ సింగ్) రాజ్యసభలో లిఖితపూర్వక సమాధానంలో తెలిపారు. బీజేపీ రాజ్యసభ సభ్యుడు డాక్టర్ కె. లక్ష్మణ్ అడిగిన ప్రశ్నకు ఈ వివరాలు వెల్లడయ్యాయి.
రైతుల ప్రయోజనాల పరిరక్షణతో పాటు ప్రజాధనాన్ని కాపాడటమే ప్రభుత్వ ప్రధాన లక్ష్యమని మంత్రి ఎన్‌. ఉత్తమ్‌కుమార్‌రెడ్డి తెలిపారు. ప్రజాధనంతో కొనుగోలు చేసిన ప్రతి ధాన్యం గింజకు లెక్క తేల్చడం, కస్టమ్ మిల్లింగ్ వ్యవస్థలో పూర్తి పారదర్శకత తీసుకొస్తామని పేర్కొన్నారు.
రాష్ట్రంలో కూరగాయల సాగును ప్రోత్సహించేందుకు వ్యవసాయ శాఖతో కలిసి అవసరమైన చర్యలు తీసుకోవాలని తెలంగాణ ముఖ్యమంత్రి రేవంత్ రెడ్డి అన్నారు. ఇందుకు అవసరమైన విత్తనాలను సబ్సిడీపై అందించేందుకు ప్రభుత్వం సిద్ధంగా ఉందని స్పష్టం చేశారు.
తెలంగాణలో చెరకు సాగు విస్తీర్ణాన్ని పెంచి చక్కెర పరిశ్రమలను పునరుద్ధరించేందుకు సమగ్ర కార్యాచరణ రూపొందించాలని సీఎస్ సంజయ్ జాజు అధికారులను ఆదేశించారు. ఇతర రాష్ట్రాల ప్రోత్సాహక విధానాలపై అధ్యయనం చేసి నివేదిక సమర్పించాలని సూచించారు.
గాంధీ భవన్‌లో 'ముఖాముఖి' కార్యక్రమం అనంతరం మంత్రి తుమ్మల నాగేశ్వరరావు హైడ్రాపై కేటీఆర్ వ్యాఖ్యలను విమర్శించారు. ఎల్‌నినో ప్రభావం, వర్షాభావ పరిస్థితులు, రైతులకు సూచనలు, ప్రజల వినతుల పరిష్కారంపై ప్రభుత్వం తీసుకుంటున్న చర్యలను వివరించారు.
తెలుగుదేశం పార్టీకి కార్యకర్తలే అసలైన బలమని, పార్టీ కోసం అంకితభావంతో పనిచేసే కార్యకర్తలకు తమ కుటుంబం ఎప్పటికీ రుణపడి ఉంటుందని నారా భువనేశ్వరి అన్నారు. ఏపీ ముఖ్యమంత్రి చంద్రబాబు నాయుడు ప్రజలకు ఇచ్చిన హామీలను తప్పకుండా అమలు చేస్తారని పేర్కొన్న ఆమె, కూటమి ప్రభుత్వం అభివృద్ధి, సంక్షేమాన్ని సమాంతరంగా ముందుకు తీసుకెళ్తోందని తెలిపారు.
రైతుల సంక్షేమాన్ని కోరుకోవడం ప్రతి రాజకీయ నాయకుడి ప్రధాన బాధ్యత అని ఆంధ్రప్రదేశ్ వ్యవసాయ శాఖ మంత్రి కింజరాపు అచ్చెన్నాయుడు అన్నారు. రైతులకు మేలు చేసే సూచనలను ప్రభుత్వం స్వాగతిస్తుందని పేర్కొన్న ఆయన, ప్రస్తుతం ప్రభుత్వం రైతులకు అండగా నిలుస్తున్న సమయంలో వారిలో ఆందోళన కలిగించేలా వ్యాఖ్యలు చేయడం సరికాదని మాజీ ముఖ్యమంత్రి వైఎస్ జగన్‌మోహన్ రెడ్డిని ఉద్దేశించి వ్యాఖ్యానించారు.
ఏలేరు ఆయకట్టు పరిధిలోని రైతులకు ఖరీఫ్ సీజన్‌లో సాగునీటి కొరత లేకుండా చర్యలు చేపట్టాలని ఏపీ ఉప ముఖ్యమంత్రి పవన్ కళ్యాణ్ ఆదేశించారు. ఆయన సూచనల మేరకు పిఠాపురం, పెద్దాపురం, జగ్గంపేట నియోజకవర్గాల్లోని సుమారు 53 వేల ఎకరాల ఆయకట్టుకు 1000 క్యూసెక్కుల నీటిని విడుదల చేసేందుకు ప్రత్యేక ప్రణాళిక సిద్ధం చేశారు.
పొగాకు రైతులను ఆదుకునేందుకు కేంద్ర, రాష్ట్ర ప్రభుత్వాలు సంయుక్తంగా కీలక నిర్ణయాలు తీసుకున్నాయి. ధరల లోటు భర్తీ కింద కిలో పొగాకుకు రూ.20 చెల్లించడంతో పాటు, 94 మిలియన్ కేజీల పొగాకు కొనుగోళ్లకు మద్దతు ఇవ్వాలని నిర్ణయించినట్లు ఏపీ ముఖ్యమంత్రి నారా చంద్రబాబు నాయుడు తెలిపారు.
తేనెటీగలు, పుట్టగొడుగుల పెంపకాన్ని వ్యవసాయానికి అనుబంధంగా చేపడితే రైతులు, నిరుద్యోగ యువత పారిశ్రామికవేత్తలుగా ఎదిగే అవకాశాలు మెరుగుపడతాయని మెదక్ జిల్లా కలెక్టర్ ప్రతిమా సింగ్ అన్నారు. తక్కువ పెట్టుబడితో అధిక ఆదాయం పొందే ఈ రంగాలను ప్రభుత్వ పథకాల సాయంతో విస్తరించాలని ఆమె సూచించారు.
