#Peddapalli

ఉత్తర తెలంగాణ, ఆదిలాబాద్ ప్రాంతాల్లో సాగునీటి కొరతను తీర్చేందుకు దివంగత కాకా వెంకటస్వామి కన్న కలను సాకారం చేయడమే లక్ష్యంగా ప్రాణహిత-చేవెళ్ల ప్రాజెక్టును ముందుకు తీసుకెళ్లేందుకు కట్టుబడి ఉన్నామని పెద్దపల్లి ఎంపీ గడ్డం వంశీకృష్ణ తెలిపారు. మహారాష్ట్రకు సంబంధించిన అంశాలు, అవసరమైన అనుమతులు, సాంకేతిక సమస్యల పరిష్కారంపై ప్రత్యేక దృష్టి సారిస్తున్నట్లు వెల్లడించారు.

పెద్దపల్లి జిల్లా రామగుండంలో NIA నిర్వహించిన తనిఖీలు కలకలం రేపాయి. అయోధ్య నగర్‌లో చేపట్టిన సోదాల్లో ఉగ్రవాద సంస్థలతో సంబంధాలు ఉన్నాయన్న అనుమానంతో ఓ ఇంజినీరింగ్ విద్యార్థిని అధికారులు అదుపులోకి తీసుకున్నట్లు సమాచారం. అతడిని ఎన్‌టీపీసీ పోలీస్‌స్టేషన్‌కు తరలించి విచారిస్తున్నట్లు తెలుస్తోంది.

రామగుండం లక్ష్మీపురంలో స్థలం కబ్జాపై ఫిర్యాదు చేసిన వృద్ధ దంపతుల 20 ఏళ్ల ఇంటిని నోటీసు లేకుండా కూల్చివేశారని ఆరోపణలు. న్యాయం కోసం వాటర్ ట్యాంక్ ఎక్కి నిరసన.

పెద్దపల్లి పార్లమెంట్‌ నియోజకవర్గంలో PM-SETU ITI క్లస్టర్‌ను ఏర్పాటు చేయాలని కేంద్ర భారీ పరిశ్రమల మంత్రి హెచ్‌.డి. కుమారస్వామిని మంత్రి వివేక్‌ వెంకటస్వామి, ఎంపీ గడ్డం వంశీకృష్ణ కోరారు. NMDC ద్వారా క్లస్టర్‌ను ఏర్పాటు చేయాలని విజ్ఞప్తి చేశారు.

రామగుండం ప్రాంత ప్రజల సమస్యలు, స్థానిక యువతకు ఉద్యోగాలు, కార్మికుల సంక్షేమ అంశాలపై ఎన్టీపీసీ చైర్మన్, ఎండీ గురుదీప్ సింగ్‌ను పెద్దపల్లి ఎంపీ గడ్డం వంశీకృష్ణ ఢిల్లీ కలిశారు. రామగుండంలో చేపడుతున్న 800*3 మెగావాట్ల ఎన్టీపీసీ విస్తరణ ప్రాజెక్టులో స్థానికులకే ప్రాధాన్యమిచ్చి ఉద్యోగాలు కల్పించాలని కోరారు.

15 ఏళ్ల బాలికపై సోషల్ మీడియా వేదికగా జరిగిన ఆన్‌లైన్ వేధింపులు ప్రజాస్వామ్యానికి మచ్చ అని పెద్దపల్లి ఎంపీ గడ్డం వంశీకృష్ణ అన్నారు. ఈ ఘటనపై కేంద్ర ప్రభుత్వం పార్లమెంట్‌లో సమాధానం చెప్పాలని ఆయన డిమాండ్ చేశారు.

పార్లమెంట్‌లో విద్యార్థుల సమస్యలు, పేపర్ లీకులు, నిరుద్యోగంపై పూర్తి స్థాయి చర్చ జరగాలని పెద్దపల్లి ఎంపీ గడ్డం వంశీకృష్ణ డిమాండ్ చేశారు. ప్రతిపక్ష స్వరాన్ని అణచివేయడం ప్రజాస్వామ్యానికి విరుద్ధమని పేర్కొన్నారు.

సింగరేణి సంస్థకు కేటాయించిన తాడిచర్ల బ్లాక్-2తో పాటు ఆర్‌కేపీ మైన్స్‌కు పెండింగ్‌లో ఉన్న పర్యావరణ అనుమతులను త్వరితగతిన మంజూరు చేయాలని తెలంగాణ శక్తి (కార్మిక, ఉపాధి, శిక్షణ&ఫ్యాక్టరీస్) మరియు గనుల శాఖ మంత్రి డా. జి. వివేక్ వెంకటస్వామి, పెద్దపల్లి ఎంపీ గడ్డం వంశీకృష్ణ కేంద్ర పర్యావరణ, అటవీ మరియు వాతావరణ మార్పుల శాఖ మంత్రి భూపేంద్ర యాదవ్‌ను కోరారు.

Peddapalli | పెద్దపల్లి పార్లమెంట్ నియోజకవర్గంలో యువతకు నైపుణ్యాభివృద్ధి అవకాశాలు విస్తరించేలా అడ్వాన్స్‌డ్ ట్రైనింగ్ సెంటర్లు (ATCs) ఏర్పాటు చేయాలని కేంద్ర నైపుణ్యాభివృద్ధి& వ్యవస్థాపకత శాఖ స్వతంత్ర హోదా సహాయ మంత్రి, విద్యా శాఖ సహాయ మంత్రి జయంత్ చౌదరిని పెద్దపల్లి ఎంపీ గడ్డం వంశీకృష్ణ, రాష్ట్ర గనులు, కార్మిక శాఖ మంత్రి జి.వివేక్ వెంకటస్వామి కోరారు.

తెలంగాణ గనులు మరియు కార్మిక శాఖ మంత్రి డా. జి. వివేక్ వెంకటస్వామి, పెద్దపల్లి పార్లమెంట్ సభ్యుడు గడ్డం వంశీకృష్ణ, న్యూఢిల్లీలో కేంద్ర బొగ్గు, గనుల శాఖ మంత్రి జి. కిషన్ రెడ్డిని కలిసి తాడిచెర్ల-2 బొగ్గు గని ప్రాజెక్టు పనులను వేగవంతం చేయాలని కోరారు. స్థానిక యువతకు కనీసం 1000 ఉద్యోగాలు కల్పించడంతో పాటు సింగరేణి పదవీ విరమణ పొందిన కార్మికులకు కనీస నెలవారీ పెన్షన్ ₹10,000 అందేలా చర్యలు తీసుకోవాలని విజ్ఞప్తి చేశారు.