#Telangana High Court

ఖైరతాబాద్ అసెంబ్లీ ఉపఎన్నికపై కీలక పరిణామం చోటుచేసుకుంది. కాంగ్రెస్ నేత పి. విజయారెడ్డి దాఖలు చేసిన ఎన్నికల పిటిషన్‌పై తెలంగాణ హైకోర్టు తుది తీర్పు వెలువడే వరకు ఉపఎన్నిక నోటిఫికేషన్ జారీ చేయబోమని కేంద్ర ఎన్నికల సంఘం స్పష్టం చేసింది. దీంతో ఖైరతాబాద్ బైఎలక్షన్‌పై కొనసాగుతున్న ఉత్కంఠ మరింత పెరిగింది.

ఖైరతాబాద్‌ ఉప ఎన్నిక నేపథ్యంలో కాంగ్రెస్‌లో టికెట్‌ కోసం పోటీ తీవ్రంగా మారింది. మాజీ ఎమ్మెల్యే దానం నాగేందర్‌, రోహిన్‌ రెడ్డి, విజయారెడ్డి టికెట్‌ కోసం ప్రయత్నాలు చేస్తున్నారు. ఈ క్రమంలో పీజేఆర్‌ కుమార్తె, కాంగ్రెస్‌ నేత విజయారెడ్డి ఉప ఎన్నిక నోటిఫికేషన్‌ జారీ చేయకుండా ఆదేశించాలని కోరుతూ తెలంగాణ హైకోర్టును ఆశ్రయించారు. ఇదే సమయంలో ఖైరతాబాద్‌ ఎమ్మెల్యే అభ్యర్థిని తానేనంటూ ఆమె చేసిన వ్యాఖ్యలు రాజకీయంగా చర్చనీయాంశంగా మారాయి.

ఖైరతాబాద్ ఎమ్మెల్యే దానం నాగేందర్‌కు సంబంధించిన అనర్హత కేసు మరో కీలక మలుపు తిరిగింది. తెలంగాణ హైకోర్టు తనను ఎమ్మెల్యేగా అనర్హుడిగా ప్రకటిస్తూ ఇచ్చిన తీర్పును సవాలు చేస్తూ దానం నాగేందర్ దాఖలు చేసిన పిటిషన్‌పై విచారణకు సుప్రీం కోర్టు అంగీకరించింది. ఈ పిటిషన్‌ను బుధవారం విచారణ జాబితాలో చేర్చేందుకు ప్రధాన న్యాయమూర్తి జస్టిస్ సూర్యకాంత్ అంగీకరించారు.

ఖైరతాబాద్‌ ఎమ్మెల్యే దానం నాగేందర్‌పై అనర్హత వేటు వేస్తూ తెలంగాణ హైకోర్టు ఇచ్చిన తీర్పుపై ఆయన స్పందించారు. తీర్పును స్వాగతిస్తున్నానని, సుప్రీంకోర్టును ఆశ్రయించే ఆలోచన లేదని స్పష్టం చేశారు. ఖైరతాబాద్‌ ఉపఎన్నికలో పోటీ చేసేందుకు సిద్ధంగా ఉన్నానని, మళ్లీ విజయం సాధిస్తానని ధీమా వ్యక్తం చేశారు.

తెలంగాణ రాజకీయాల్లో కీలక పరిణామం చోటుచేసుకుంది. ఖైరతాబాద్ ఎమ్మెల్యే దానం నాగేందర్‌పై తెలంగాణ హైకోర్టు అనర్హత వేటు వేసింది. బీఆర్‌ఎస్‌ తరఫున ఎమ్మెల్యేగా గెలిచి కాంగ్రెస్‌లో చేరడంతో పాటు 2024 లోక్‌సభ ఎన్నికల్లో కాంగ్రెస్ అభ్యర్థిగా పోటీ చేసిన అంశాన్ని పరిగణనలోకి తీసుకున్న న్యాయస్థానం.. స్పీకర్‌ నిర్ణయాన్ని కొట్టివేసింది.

ఖైరతాబాద్ ఎమ్మెల్యే దానం నాగేందర్‌కు తెలంగాణ హైకోర్టులో ఎదురుదెబ్బ తగిలింది. పార్టీ ఫిరాయింపుల వ్యవహారంలో ఆయనపై అనర్హత వేటు వేస్తూ హైకోర్టు కీలక తీర్పు వెలువరించింది. అనర్హత పిటిషన్లను కొట్టివేస్తూ అసెంబ్లీ స్పీకర్ గడ్డం ప్రసాద్ తీసుకున్న నిర్ణయాన్ని హైకోర్టు రద్దు చేసింది.

హైదరాబాద్‌లో గణేష్ నిమజ్జనోత్సవానికి ఈసారి కీలక మార్పులు చోటుచేసుకున్నాయి. తెలంగాణ హైకోర్టు ఆదేశాలు, పర్యావరణ పరిరక్షణ నిబంధనల నేపథ్యంలో ట్యాంక్ బండ్‌పై గణేష్ విగ్రహాల నిమజ్జనాన్ని అధికారులు నిషేధించారు. భక్తుల కోసం నగరవ్యాప్తంగా ప్రత్యామ్నాయ నిమజ్జన ప్రాంతాలు, కృత్రిమ చెరువులు, ప్రత్యేక ఘాట్లను సిద్ధం చేస్తున్నారు.

హత్య కేసులో జీవిత ఖైదు అనుభవిస్తున్న ఖైదీ పెరోల్‌పై బయటకు వచ్చి తిరిగి జైలుకు వెళ్లకుండా ఏకంగా 40 ఏళ్లకు పైగా తప్పించుకుని తిరిగాడు. ఈ కాలంలో ప్రభుత్వ ఉపాధ్యాయుడిగా దాదాపు 30 ఏళ్లు పనిచేసి ఉత్తమ ఉపాధ్యాయ అవార్డు పొందడమే కాకుండా, పదవీ విరమణ అనంతరం పెన్షన్ కూడా తీసుకున్నాడు. చివరకు వరంగల్‌ సెంట్రల్‌ ప్రిజన్‌ ప్రత్యేక టాస్క్‌ఫోర్స్‌కు చిక్కాడు.

కళ్యాణలక్ష్మి, షాదీ ముబారక్ పథకాలకు చట్టబద్ధత లేదంటూ దాఖలైన పిటిషన్‌పై తెలంగాణ ప్రభుత్వం ఉద్దేశపూర్వకంగానే కౌంటర్ దాఖలు చేయకుండా జాప్యం చేస్తోందని బీఆర్ఎస్ నేత ఆర్ఎస్ ప్రవీణ్ కుమార్ ఆరోపించారు. కౌంటర్ సిద్ధమైన తర్వాత దాన్ని ఆపమని ఎవరు ఆదేశించారని ఆయన ప్రశ్నించారు.

హైడ్రా వ్యవహారంపై తెలంగాణ హైకోర్టు చేసినట్లు ప్రచారంలో ఉన్న వ్యాఖ్యలు, తీర్పు రాష్ట్ర ప్రభుత్వానికి గట్టి హెచ్చరికగా నిలిచాయని బీజేపీ ఎంపీ ఈటల రాజేందర్ వ్యాఖ్యానించారు. ఢిల్లీలో మీడియాతో మాట్లాడిన ఆయన, కోర్టు నిర్ణయాన్ని వెంటనే అమలు చేయాలని, అధికారులు చట్టప్రకారం విధులు నిర్వర్తించాలని సూచించారు.

హైడ్రా వ్యవహారంపై తెలంగాణ హైకోర్టు చేసినట్లు ప్రచారంలో ఉన్న వ్యాఖ్యలను స్వాగతిస్తున్నామని బీఆర్ఎస్ ప్రధాన కార్యదర్శి ఆర్.ఎస్. ప్రవీణ్ కుమార్ అన్నారు. తెలంగాణ భవన్‌లో మీడియాతో మాట్లాడిన ఆయన, హైడ్రా పేరుతో పేదల ఇళ్లపై అన్యాయం జరిగిందని ఆరోపిస్తూ, బీఆర్ఎస్ అధికారంలోకి వచ్చిన తొలి రోజే హైడ్రాను రద్దు చేస్తామని ప్రకటించారు.

హైడ్రా (HYDRAA) పనితీరుపై తెలంగాణ హైకోర్టు తీవ్ర అసంతృప్తి వ్యక్తం చేసి, హైడ్రా కమిషనర్‌ రంగనాథ్‌ను తొలగించాలని రాష్ట్ర ప్రధాన కార్యదర్శికి ఆదేశాలు జారీ చేసింది.