Bakti-stories

పితృ పక్షంలో పూర్వీకులను స్మరించుకుంటూ శ్రాద్ధం, తర్పణం, పిండదానం చేయడం హిందూ సంప్రదాయంలో ముఖ్యమైన ఆచారంగా భావిస్తారు. ముఖ్యంగా బీహార్‌లోని గయ క్షేత్రంలో పిండదానానికి ప్రత్యేక ప్రాధాన్యత ఉంది. గయలో భక్తిశ్రద్ధలతో పిండదానం చేస్తే ఏడు తరాల పితృదేవతలకు మోక్షం లభిస్తుందని మత విశ్వాసం. విష్ణుపాద ఆలయం, ఫల్గు నది, రామాయణంతో ముడిపడిన కథనాలు గయను పితృ తీర్థంగా ప్రత్యేకంగా నిలబెట్టాయి. ఎంతో ప్రాధాన్యత ఉన్న విష్ణుపాద క్షేత్రం ప్రాముఖ్యత ఏమిటో ఇప్పుడు తెలుసుకుందాం.

తెలంగాణ సంస్కృతిలో ప్రకృతికి, పూలకు, స్త్రీ జీవితానికి ప్రత్యేక స్థానం ఉంది. ఈ సంప్రదాయానికి ప్రతీకగా నిలిచే పండుగల్లో బొడ్డెమ్మ ఒకటి. ముఖ్యంగా కన్నెపిల్లలు మంచి భర్త రావాలని కోరుకుంటూ బొడ్డెమ్మ పండుగను భక్తిశ్రద్ధలతో నిర్వహిస్తారు. సాధారణంగా 9 రోజుల పాటు జరిగే ఈ వేడుకలు ముగిసిన మరుసటి రోజు నుంచి బతుకమ్మ సంబరాలు ప్రారంభమవుతాయి.

Mahalayam | ఏడాదిలో వచ్చే పన్నెండు అమావాస్యల్లో మహాలయ అమావాస్యకు ప్రత్యేక ప్రాధాన్యం ఉందని పురాణాలు, ధర్మశాస్త్రాలు పేర్కొంటున్నాయి. భాద్రపద బహుళ పాడ్యమి నుంచి అమావాస్య వరకు ఉండే పదిహేను రోజుల కాలాన్ని మహాలయ పక్షంగా వ్యవహరిస్తారు.

బాలాపూర్ గణేష్ లడ్డూ వేలం మరోసారి రికార్డు సృష్టించింది. ఏటా పెరుగుతూ వస్తున్న లడ్డూ ధర ఈసారి ఏకంగా రూ.39 లక్షలకు చేరింది. సాహెబ్‌నగర్‌కు చెందిన అర్బన్ గ్రూప్ అధినేత సామ ప్రణీత్ రెడ్డి ఈ ఏడాది లడ్డూను దక్కించుకున్నారు. గతేడాది రూ.35 లక్షలుగా ఉన్న ధరతో పోలిస్తే ఈసారి మరో రూ.4 లక్షలు పెరిగింది.

వరంగల్ శివనగర్ వాసవికాలనీలోని వినాయక ట్రస్టు భవన్‌లో వినాయక చవితి వేడుకలు ఘనంగా జరుగుతున్నాయి. ఈసారి గణపతిని ఏకంగా రూ.1.93 కోట్ల విలువైన వివిధ రంగుల కరెన్సీ నోట్లతో అలంకరించడం ప్రత్యేక ఆకర్షణగా నిలిచింది. గతేడాది రూ.1.51 కోట్ల కరెన్సీతో అలంకరించగా.. ఈసారి మరో రూ.42 లక్షల విలువైన నోట్లను అదనంగా వినియోగించారు.

హైదరాబాద్‌లో ఖైరతాబాద్ బడా గణేశ్ తర్వాత ప్రత్యేక గుర్తింపు తెచ్చుకున్న గణనాథుడు బాలాపూర్ గణేశుడు. ప్రతి ఏటా వినూత్నంగా ఏర్పాటు చేసే మండపంతో పాటు భారీ డిమాండ్ ఉండే లడ్డూ వేలం ఈ గణేశ్ ఉత్సవాలకు ప్రత్యేక ఆకర్షణగా నిలుస్తాయి. ఈసారి పూరీ జగన్నాథ ఆలయాన్ని తలపించేలా బాలాపూర్ గణేశ్ మండపాన్ని తీర్చిదిద్దారు.

కృష్ణాష్టమి రోజున ఇంటి గుమ్మం నుంచి పూజ గది వరకు బాలకృష్ణుడి చిన్న పాదముద్రలను వేయడం అనేక కుటుంబాల్లో ఆనవాయితీగా వస్తోంది. బాలకృష్ణుడు తమ ఇంట్లోకి అడుగుపెట్టి ఆశీర్వదిస్తాడనే నమ్మకంతో ఈ పాదాలను వేస్తారు.

కరీంనగర్ జిల్లా చిగురుమామిడి మండలం ముదిమాణిక్యం గ్రామ శివారులో పురాతన విగ్రహాలు వరుసగా వెలుగులోకి వస్తున్నాయి. గత ఆరు నెలల్లోనే 12 విగ్రహాలు బయటపడగా, వాటిలో ఎక్కువగా అమ్మవారి విగ్రహాలే ఉన్నాయని స్థానికులు చెబుతున్నారు. విగ్రహాలు చెక్కుచెదరకుండా ఉండటంతో వాటికి స్థానికులు ప్రత్యేక పూజలు నిర్వహిస్తున్నారు. ఈ ప్రాంతంలో గతంలో కాకతీయుల కాలం నాటి ఆలయాలు ఉన్నట్లు చారిత్రక ఆనవాళ్లు ఉన్నాయని స్థానికులు పేర్కొంటున్నారు.

హిందూ సంప్రదాయంలో అత్యంత పవిత్రమైన మాసాల్లో శ్రావణ మాసానికి ప్రత్యేక స్థానం ఉంది. శ్రీ మహావిష్ణువు, మహాలక్ష్మి, పరమశివుడిని ఆరాధించేందుకు ఈ మాసం ఎంతో విశిష్టమైనదిగా భావిస్తారు. 2026లో తెలుగు శ్రావణ మాసం ఆగస్టు 13న ప్రారంభం కానుంది.

Annavaram | అన్నవరం అంటేనే సత్యనారాయణ స్వామి.. రత్నగిరి అంటేనే భక్తుల కొంగుబంగారం. ప్రకృతి రమణీయతల మధ్య కొలువైన ఈ పుణ్యక్షేత్రంలో ఏటా శ్రావణ శుద్ధ విదియను పురస్కరించుకుని జరిగే సత్యదేవుని ఆవిర్భావోత్సవానికి ప్రత్యేకత ఉన్నది. స్వామివారు వెలసిన పవిత్ర ఘట్టాన్ని స్మరించుకుంటూ నిర్వహించే ఈ వేడుకల్లో రత్నగిరి భక్తిసంద్రంగా మారుతుంది. వేదఘోషలు.. మంగళవాయిద్యాలు.. ప్రత్యేక అభిషేకాలు, పూజలు.. సత్యదేవుని నామస్మరణతో కొండంతా ఆధ్యాత్మిక శోభను సంతరించుకుంటుంది.

తెలుగు పంచాంగం ప్రకారం, ప్రతి ఏడాది ఆషాఢంలో వచ్చే పౌర్ణమిని గురు పూర్ణిమ లేదా వ్యాస పూర్ణిమ అంటారు. అందుకే ఈరోజు గురువుకు ప్రత్యేక పూజలు చేస్తారు.

బొడుప్పల్‌లోని శ్రీ మాతా నిమిషాంబ దేవి ఆలయంలో ఆషాఢ మాస వేడుకలు భక్తిశ్రద్ధల మధ్య వైభవంగా కొనసాగుతున్నాయి. ఈ సందర్భంగా అమ్మవారు శ్రీ శాకాంబరీ దేవి అవతారంలో విశేష పుష్ప, కూరగాయల అలంకరణతో భక్తులకు దివ్య దర్శనం ఇచ్చారు.