Nri విభాగానికి సంబంధించిన తాజా వార్తలు మరియు కథనాలు.
అంతర్జాతీయ నగదు బదిలీలను మరింత వేగవంతం చేసేందుకు బ్యాంక్ ఆఫ్ అమెరికా కీలక ప్రయత్నం చేస్తోంది. అమెరికాలోని Zelle, భారత్‌లోని UPI మధ్య అనుసంధానం సాధ్యాసాధ్యాలను బ్యాంక్ ప్రయోగాత్మకంగా పరిశీలిస్తోంది. ఇది అమల్లోకి వస్తే భారత్–అమెరికా మధ్య డబ్బు పంపడం, చెల్లింపులు చేయడం మరింత సులభంగా మారే అవకాశం ఉంది.
షార్జాలో జరిగిన రోడ్డు ప్రమాదంలో తీవ్రంగా గాయపడిన మంచిర్యాల జిల్లా వాసి నరెడ్ల సతీశ్‌కు బీఆర్ఎస్ వర్కింగ్‌ ప్రెసిడెంట్‌ కేటీఆర్ అండగా నిలిచారు. ఆస్పత్రి బిల్లులు చెల్లించడంతో పాటు, ఆయనను స్వదేశానికి తీసుకురావడానికి విమాన టికెట్లు కూడా ఏర్పాటు చేసినట్లు పార్టీ వర్గాలు తెలిపాయి.
బహ్రెయిన్‌లో ఇబ్బందులు ఎదుర్కొంటున్న తెలంగాణ ప్రవాసులకు అండగా నిలుస్తూ సేవలు అందిస్తున్న సామాజిక సేవకుడు కోటగిరి నవీన్‌కుమార్‌ను సీఎం ప్రజావాణి ఇన్‌చార్జి, రాష్ట్ర ప్రణాళికా సంఘం వైస్‌ చైర్మన్‌ డాక్టర్‌ జి. చిన్నారెడ్డి, స్టేట్‌ నోడల్‌ అధికారి కే. విద్యాసాగర్‌ ఘనంగా సన్మానించారు.
అమెరికాలోని మేరీల్యాండ్ రాష్ట్రం బాల్టిమోర్‌లో జరిగిన అమెరికన్ తెలుగు అసోసియేషన్ (ATA) 19వ మహాసభల్లో బీజేపీ తెలంగాణ రాష్ట్ర అధ్యక్షుడు రామచందర్ రావు పాల్గొన్నారు. ఈ సందర్భంగా ప్రవాస తెలుగువారితో సమావేశమై తెలంగాణ అభివృద్ధి, ప్రవాస భారతీయుల పాత్ర, తెలుగు భాషా సంస్కృతి పరిరక్షణపై చర్చించారు.
తెలంగాణ ముఖ్యమంత్రి రేవంత్ రెడ్డి అమెరికా రాయబారి సెర్జియో గోర్‌తో భేటీ అయ్యారు. H-1B వీసా ప్రాసెసింగ్, రెన్యువల్‌, స్టాంపింగ్‌ను మరింత సరళతరం చేయాలని కోరడంతో పాటు, తెలంగాణ విద్యార్థులకు వీసా అపాయింట్‌మెంట్లు త్వరగా లభించేలా చర్యలు తీసుకోవాలని విజ్ఞప్తి చేశారు.
అమెరికా పర్యటనలో ఉన్న తెలంగాణ డిప్యూటీ సీఎం మల్లు భట్టి విక్రమార్కకు డల్లాస్‌లో ప్రవాస భారతీయులు ఘన స్వాగతం పలికారు. బాల్టిమోర్‌లో మూడు రోజులపాటు జరిగిన 'ఆట' మహాసభల్లో పాల్గొన్న అనంతరం ఆయన మంగళవారం డల్లాస్‌కు చేరుకున్నారు.
అమెరికాలో జరుగుతున్న అమెరికన్ తెలుగు అసోసియేషన్ (ATA) మహాసభల్లో తెలంగాణ ఉద్యమకారుడు, మాజీ ఎమ్మెల్యే స్వర్గీయ పెద్ది సుదర్శన్‌రెడ్డికి బీఆర్ఎస్ ఎన్‌ఆర్‌ఐ యూఎస్‌ఏ ఆధ్వర్యంలో ఘనంగా నివాళులర్పించారు
అమెరికా కాలిఫోర్నియాలోని ఓక్లాండ్ ఎరీనా వేదికగా సిలికానాంధ్ర రజతోత్సవాలు రెండో రోజు కూడా అంగరంగ వైభవంగా కొనసాగుతున్నాయి. ప్రపంచ నలుమూలల నుంచి వేలాదిమంది ప్రవాస తెలుగువారు హాజరై తెలుగు సంస్కృతి, సంప్రదాయాల వైభవాన్ని ఆస్వాదిస్తున్నారు.
అమెరికాలో జరిగిన రోడ్డు ప్రమాదంలో తెలంగాణ బిడ్డ మృతిచెందింది. న్యూజెర్సీలో సిగ్నల్ వద్ద ఆగిన ఓ కారును వేగంగా వచ్చిన వాహనం ఢీకొట్టడంతో రంగారెడ్డి జిల్లా ఆమనగల్లు మండలం ఆకుతోటపల్లి గ్రామానికి చెందిన శ్రీపాతి దీపారెడ్డి (44) అక్కడికక్కడే ప్రాణాలు కోల్పోయింది
బీఆర్ఎస్ గ్లోబల్ ఎన్‌ఆర్‌ఐ కోఆర్డినేటర్ మహేష్ బిగాలా నెదర్లాండ్స్‌లోని ఆమ్‌స్టర్‌డామ్‌లో బీఆర్ఎస్ కార్యకర్తలు, సభ్యులతో సమావేశమయ్యారు. ఈ సందర్భంగా తెలంగాణ రాజకీయ పరిణామాలు, పార్టీ భవిష్యత్ కార్యాచరణ, ప్రవాస తెలంగాణవాసుల పాత్రతో పాటు నెదర్లాండ్స్‌లో పార్టీ విస్తరణపై చర్చించారు.