#Breakingnews

ముఖ్యమంత్రి రేవంత్ రెడ్డి విదేశీ పర్యటనపై బీఆర్ఎస్ ప్రధాన కార్యదర్శి ఆర్ఎస్ ప్రవీణ్ కుమార్ తీవ్ర ఆరోపణలు చేశారు. ఫ్యూచర్ సిటీ ప్రమోషన్ కోసమే ఈ పర్యటన చేపట్టారని, సీఎం కుటుంబ సభ్యులకు అక్కడ వేల ఎకరాల భూములు ఉన్నాయని ఆరోపించారు.

రాకింగ్ స్టార్ యశ్ నటించిన ‘టాక్సిక్’ సినిమా ప్రీ-రిలీజ్ ఈవెంట్‌లో ప్రమాదం చోటుచేసుకుంది. మైసమ్మగూడలోని మల్లారెడ్డి యూనివర్సిటీలో జరిగిన కార్యక్రమంలో భారీ ఫ్లడ్‌లైట్ స్థంభం కూలడంతో ఇద్దరు యువకులు తీవ్రంగా గాయపడ్డారు. ఈ ఘటనపై మల్లారెడ్డి కాలేజీతో పాటు ‘టాక్సిక్’ మూవీ యూనిట్‌పై పోలీసులు కేసు నమోదు చేసి దర్యాప్తు చేపట్టారు.

హైదరాబాద్‌ గచ్చిబౌలిలోని అంజయ్యనగర్‌లో నిర్మాణంలో ఉన్న ఏడంతస్తుల భవనం ఒక్కసారిగా కుప్పకూలింది. ఈ ఘటనలో శిథిలాల కింద చిక్కుకుని ఇద్దరు మృతి చెందారు. సమాచారం అందుకున్న సహాయక బృందాలు ఘటనా స్థలానికి చేరుకుని రెస్క్యూ ఆపరేషన్ కొనసాగిస్తున్నాయి.

మయన్మార్‌లోని సగాయింగ్ ప్రాంతంలో బౌద్ధ మఠంపై జరిగిన వైమానిక దాడిలో 14 మంది మృతి చెందారు. మృతుల్లో ముగ్గురు మహిళలు ఉన్నారు. మరో 20 మంది గాయపడ్డారు. వారం రోజుల పాటు నిర్వహిస్తున్న ధ్యాన శిబిరంలో 100 మందికి పైగా పాల్గొంటున్న సమయంలో ఈ ఘటన చోటుచేసుకున్నట్లు స్థానిక వర్గాలు

ఉత్తరాఖండ్‌లోని చమోలీ జిల్లాలో ఘోర ప్రమాదం జరిగింది. పీపల్‌కోటి సమీపంలోని మాయాపూర్‌లో నిర్మాణంలో ఉన్న THDC టన్నెల్‌లోకి ఒక్కసారిగా నీరు, బురద ప్రవేశించడంతో టన్నెల్‌ కుంగిపోయింది. ఈ ఘటనలో ఏడుగురు కార్మికులు మృతి చెందగా, 13 మంది గాయపడ్డారు. మరో ముగ్గురి కోసం ఎన్డీఆర్‌ఎఫ్, ఎస్‌డీఆర్‌ఎఫ్ బృందాలు సహాయక చర్యలు కొనసాగిస్తున్నాయి.

సూర్యాపేట జిల్లా జాజిరెడ్డిగూడెం మండలం తిమ్మాపురంలో బోనాల ఊరేగింపు సందర్భంగా ఘర్షణ చోటుచేసుకుంది. బీఆర్‌ఎస్‌ యువజన కార్యకర్తపై కొందరు కత్తులతో దాడి చేసినట్లు సమాచారం. ఈ ఘటనలో పలువురికి గాయాలయ్యాయి.

కేంద్ర మంత్రి పదవికి ధర్మేంద్ర ప్రధాన్ రాజీనామా చేసిన నేపథ్యంలో సీజేపీ (కాక్రోచ్ జనతా పార్టీ) వ్యవస్థాపకుడు అభిజీత్ దీప్కే స్పందించారు. జంతర్ మంతర్ వద్ద జరిగిన కార్యక్రమంలో మాట్లాడిన ఆయన, "బొద్దింకల శక్తి ఏంటో ఇప్పుడు దేశానికి అర్థమైంది" అంటూ వ్యంగ్యంగా వ్యాఖ్యానించారు. నీట్ పేపర్ లీక్ వ్యవహారంలో విద్యార్థుల పోరాటానికి ఇది తొలి విజయమని పేర్కొంటూ, ప్రజల ఒత్తిడిని ఏ ప్రభుత్వం కూడా నిర్లక్ష్యం చేయలేదని అన్నారు.

కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి శనివారం రాజీనామా చేశారు. నీట్ పోటీ పరీక్షలో పేపర్ లీక్‌, పరీక్షల నిర్వహణపై తలెత్తిన వివాదాలు, విద్యార్థుల ఆందోళనల నేపథ్యంలో ఈ పరిణామం చోటుచేసుకుంది. ప్రధానంగా మూడు డిమాండ్లను కేంద్రం ముందు ఉంచింది. అందులో ప్రదానమైంది విద్యా శాఖ మంత్రి రాజీనామా.