#Dsc

విజయవాడలో నిర్వహించిన ఉపాధ్యాయ దినోత్సవ వేడుకల్లో ఏపీ సీఎం చంద్రబాబు నాయుడు కీలక వ్యాఖ్యలు చేశారు. తన చిన్ననాటి రోజుల్లో ఉపాధ్యాయుడి చేతిలో దెబ్బలు తిన్న విషయాన్ని గుర్తుచేసుకున్న ఆయన.. మారుతున్న కాలానికి అనుగుణంగా టీచర్లు కూడా తమ బోధనా విధానాలను మార్చుకోవాలని సూచించారు.

బీఆర్‌ఎస్‌ నాయకులు అధికారం కోల్పోయామన్న అక్కసుతోనే కాంగ్రెస్‌ ప్రభుత్వంపై పదేపదే విమర్శలు చేస్తున్నారని వరంగల్‌ ఎంపీ డా. కడియం కావ్య మండిపడ్డారు. కాంగ్రెస్‌ ప్రభుత్వం రెండున్నరేళ్లలోనే అభివృద్ధి, సంక్షేమ రంగాల్లో గణనీయమైన మార్పులు తీసుకొచ్చిందని, 1000 రోజుల పాలనే తమ ప్రోగ్రెస్‌ రిపోర్ట్‌ అని పేర్కొన్నారు.

ఏపీ డీఎస్సీ నియామకాల్లో చోటుచేసుకున్నాయని ఆరోపిస్తున్న అవకతవకలు, లీకేజీపై వెంటనే సీబీఐ దర్యాప్తు చేపట్టాలని వైఎస్సార్‌సీపీ అధ్యక్షుడు, మాజీ సీఎం వైఎస్ జగన్‌మోహన్ రెడ్డి డిమాండ్ చేశారు. ప్రశ్నపత్రాల తయారీ, పరీక్ష నిర్వహణ బాధ్యతలను ఒకే అధికారి చేతిలో పెట్టడంపై సమగ్ర విచారణ జరగాలని కోరారు. డీఎస్సీ అంశంపై శాసన మండలిలో చర్చకు ప్రభుత్వం ఎందుకు వెనుకడుగు వేస్తోందని ప్రశ్నించారు.

ఆంధ్రప్రదేశ్‌లో ఏపీపీఎస్సీ గ్రూప్-1 పరీక్షల మూల్యాంకనంలో చోటుచేసుకున్నట్లు ఆరోపణలు వచ్చిన అవకతవకలపై సీఎం చంద్రబాబు నాయుడు తీవ్రంగా స్పందించారు. తన 50 ఏళ్ల రాజకీయ జీవితంలో ఇలాంటి స్కామ్ చూడలేదని వ్యాఖ్యానించారు.

అసెంబ్లీ, మండలి వర్షాకాల సమావేశాల నేపథ్యంలో వైఎస్సార్‌సీపీ ఎమ్మెల్యేలు, ఎమ్మెల్సీలతో వైఎస్‌ జగన్‌ సమావేశమయ్యారు. డీఎస్సీ అక్రమాలు, ఫీజు రీయింబర్స్‌మెంట్‌, రైతులు, పీపీపీ విధానం తదితర అంశాలపై గట్టిగా పోరాడాలని సూచించారు.

ఆంధ్రప్రదేశ్ అసెంబ్లీ వర్షాకాల సమావేశాలు ఆగస్టు 17 నుంచి ప్రారంభం కానున్న నేపథ్యంలో వైసీపీ అధినేత, మాజీ సీఎం వైఎస్ జగన్ కీలక నిర్ణయం ప్రకటించారు.

నెల్లూరులో వైసీపీ నిర్వహించిన రిలే నిరాహార దీక్షలో శ్రీవారి గోవింద నామాలను పేరడీ చేయడంపై ఏపీ డిప్యూటీ సీఎం పవన్ కళ్యాణ్ తీవ్రంగా స్పందించారు. రాజకీయ ప్రయోజనాల కోసం పవిత్రమైన దైవ నామాలు, భక్తి గీతాలను అపహాస్యం చేసి భక్తుల మనోభావాలను దెబ్బతీయొద్దని సూచించారు.

డీఎస్సీ నియామకాల్లో అక్రమాలపై సీబీఐ దర్యాప్తు జరపాలని వైఎస్సార్‌సీపీ ఎమ్మెల్సీ పర్వతరెడ్డి చంద్రశేఖర్‌రెడ్డి డిమాండ్‌ చేశారు. ముందుగా లోకేష్‌ రాజీనామా చేయాలని కోరారు.

వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్ రెడ్డి శ్రీకాకుళం పర్యటనపై రాష్ట్ర ప్రభుత్వం విధించిన ఆంక్షలు ప్రజాస్వామ్య విరుద్ధమని శాసనమండలి విపక్ష నేత బొత్స సత్యనారాయణ ఆరోపించారు. తనను కూడా పోలీసులు నిబంధనలకు విరుద్ధంగా అడ్డుకున్నారని, ఈ ఘటనపై గవర్నర్‌కు ఫిర్యాదు చేయనున్నట్లు ప్రకటించారు.

డీఎస్సీ వ్యవహారం, నిరుద్యోగ యువత సమస్యలు, ఫీజు బకాయిల చెల్లింపు వంటి అంశాలపై చేపట్టిన ఆందోళనలను ఆంధ్రప్రదేశ్ వ్యాప్తంగా మరింత విస్తరించాలని వైఎస్సార్ కాంగ్రెస్ పార్టీ స్టేట్ కో-ఆర్డినేటర్ సజ్జల రామకృష్ణారెడ్డి పార్టీ శ్రేణులకు పిలుపునిచ్చారు. పార్టీ అధ్యక్షుడు వైఎస్ జగన్‌మోహన్‌రెడ్డి ఆదేశాల మేరకు నిర్వహించిన టెలీ కాన్ఫరెన్స్‌లో భవిష్యత్ కార్యాచరణపై దిశానిర్దేశం చేశారు.

తెలంగాణ ఇంజినీరింగ్ గ్రాడ్యుయేట్లు, ఉపాధ్యాయులు, విద్యా వ్యవస్థను అవమానించేలా ముఖ్యమంత్రి ఎ. రేవంత్ రెడ్డి వ్యాఖ్యలు చేశారని బీఆర్ఎస్ ఎమ్మెల్సీ డాక్టర్ దాసోజు శ్రవణ్ తీవ్ర విమర్శలు చేశారు. సీఎం బేషరతుగా క్షమాపణ చెప్పాలని, లేదంటే ఉద్యమాన్ని ఉధృతం చేస్తామని హెచ్చరించారు.

కాక్రోచ్ జనతా పార్టీ స్ఫూర్తితో తెలంగాణలో నిరుద్యోగ యువత 'తెలంగాణ ఎండ్రిన్ పార్టీ' పేరుతో కొత్త రాజకీయ వేదికను ప్రకటించింది. 2 లక్షల ప్రభుత్వ ఉద్యోగాల భర్తీ, జాబ్ క్యాలెండర్, 20 వేల పోలీస్ పోస్టుల నోటిఫికేషన్, మెగా డీఎస్సీ నిర్వహణ వంటి ప్రధాన డిమాండ్లతో ఉద్యమం చేపట్టనున్నట్లు తెలిపింది.

ఆంధ్రప్రదేశ్‌లో డీఎస్సీ పరీక్షల నిర్వహణ నుంచి ఫీజు రీయింబర్స్‌మెంట్ బకాయిల వరకు పలు అంశాలపై కూటమి ప్రభుత్వాన్ని వైఎస్సార్ కాంగ్రెస్ పార్టీ సీనియర్ నేత, శాసనమండలి ప్రతిపక్ష నేత బొత్స సత్యనారాయణ తీవ్రంగా విమర్శించారు. డీఎస్సీ వ్యవహారంపై సీబీఐతో విచారణ జరిపించాలని ఆయన డిమాండ్ చేశారు.

ఆంధ్రప్రదేశ్‌లో నిర్వహించిన మెగా డీఎస్సీ–2025 నియామక ప్రక్రియలో తీవ్ర అక్రమాలు జరిగాయని ఆరోపిస్తూ, ఈ అంశంపై పార్లమెంట్ ఉభయ సభల్లో చర్చ జరపాలని వైఎస్సార్ కాంగ్రెస్ పార్టీ డిమాండ్ చేసింది. ఈ మేరకు లోక్‌సభ, రాజ్యసభల్లో వాయిదా తీర్మానాలు ప్రవేశపెట్టింది.