#Hyderabad Metro

హైదరాబాద్‌లో ప్రజా రవాణా మరింత సులభతరం కానుంది. మెట్రో, ఆర్టీసీ సేవలను ఒకే పాస్‌తో వినియోగించుకునే మెట్రో–ఆర్టీసీ కామన్ పాస్ అందుబాటులోకి వచ్చింది. ప్రజాభవన్‌లో డిప్యూటీ సీఎం భట్టి విక్రమార్క ఈ కామన్ పాస్‌ను ఆవిష్కరించారు. ఫస్ట్ మైల్, లాస్ట్ మైల్ కనెక్టివిటీని మెరుగుపరచడంతో పాటు నగరంలో ట్రాఫిక్, కాలుష్యాన్ని తగ్గించడమే లక్ష్యంగా ప్రభుత్వం ఈ చర్య చేపట్టింది.

హైదరాబాద్ నగర ప్రజలకు తెలంగాణ ప్రభుత్వం గుడ్‌న్యూస్ అందించింది. ఇక ఆర్టీసీ బస్సు, మెట్రోలో ప్రయాణించేందుకు ప్రతిసారీ టికెట్ తీసుకోవాల్సిన అవసరం ఉండదు. ఒకే కామన్ పాస్‌తో ఆర్టీసీ బస్సులు, మెట్రోలో ప్రయాణించే సౌకర్యాన్ని అక్టోబర్ 2 నుంచి అందుబాటులోకి తీసుకురానున్నారు. డే, వీక్లీ, నెలవారీ పాస్‌లతో పాటు ఆర్టీసీ పాస్‌లను మొబైల్ యాప్ ద్వారా పొందే సదుపాయం కూడా ప్రారంభం కానుంది.

హైదరాబాద్‌లో గణేష్ నిమజ్జన మహోత్సవానికి సర్వం సిద్ధమైంది. భారీగా తరలివచ్చే భక్తులకు ఎలాంటి ఇబ్బందులు కలగకుండా పోలీసులు, మెట్రో, టీజీఎస్‌ఆర్టీసీ అధికారులు విస్తృత ఏర్పాట్లు చేశారు.

తెలంగాణలో కాంగ్రెస్ ప్రభుత్వం ఏర్పాటు చేసిన ఇందిరమ్మ కమిటీలపై మల్కాజ్‌గిరి ఎంపీ ఈటల రాజేందర్ తీవ్ర విమర్శలు చేశారు. కమిటీలను పార్టీ నాయకులకు కేటాయించుకోవడం సరికాదని, తెలంగాణ ఏ ఒక్కరి జాగీరు కాదని మండిపడ్డారు. కేసీఆర్ పాలనలో ఎలా ఉందో.. రేవంత్ రెడ్డి పాలన కూడా అలాగే ఉందని ఆరోపించారు.

తెలంగాణ ప్రయాణికులకు ఆర్టీసీ గుడ్‌న్యూస్ చెప్పింది. ప్రజా రవాణా సేవలను ఒకే డిజిటల్ వేదికపైకి తీసుకురావాలనే లక్ష్యంతో మీసేవ ఆధ్వర్యంలో ‘మీటికెట్ (MeeTicket)’ యాప్‌ను అభివృద్ధి చేస్తోంది. ఇందులో ఆర్టీసీ, మెట్రోతో పాటు ఆటోలు, క్యాబ్‌లను కూడా అనుసంధానించనున్నారు. దీంతో ప్రయాణికులు ఒకే యాప్ ద్వారా టికెట్లు బుక్ చేసుకోవడంతో పాటు, గమ్యస్థానానికి వెళ్లేందుకు ఆటో లేదా క్యాబ్‌ను ముందుగానే బుక్ చేసుకోవచ్చు.

హైదరాబాద్‌ మెట్రోలో రోజువారీ, నెలవారీ పాస్‌లను ప్రవేశపెట్టే అంశంపై మరోసారి ప్రతిష్టంభన నెలకొంది. ప్రస్తుత మెట్రో నెట్‌వర్క్‌లో పాస్‌ల విధానం అమలు సాధ్యం కాదని ఎల్‌అండ్‌టీ హైదరాబాద్‌ మెట్రోరైలు సంస్థ అభిప్రాయపడినట్లు సమాచారం

హైదరాబాద్ మెట్రోలో పెరుగుతున్న ప్రయాణికుల రద్దీకి అనుగుణంగా అదనపు కోచ్‌లు కొనుగోలు చేయాలని సీఎం రేవంత్ రెడ్డి అధికారులను ఆదేశించారు. మెట్రో ఫేజ్-2లోని ఎంజీబీఎస్–చాంద్రాయణగుట్ట 7.5 కి.మీ కారిడార్ పనులను వేగవంతం చేసి, టెండర్లు, భూసేకరణ ప్రక్రియలను త్వరగా పూర్తి చేయాలని సూచించారు.

హైదరాబాద్‌లో రియల్ ఎస్టేట్ రంగం కుదేలైందంటూ జరుగుతున్న ప్రచారంలో ఎలాంటి వాస్తవం లేదని రాష్ట్ర రెవెన్యూ, హౌసింగ్, సమాచార పౌరసంబంధాల శాఖ మంత్రి పొంగులేటి శ్రీనివాసరెడ్డి స్పష్టం చేశారు. స్టాంపులు, రిజిస్ట్రేషన్ల శాఖ గణాంకాలే రియల్ ఎస్టేట్ వృద్ధికి నిదర్శనమని పేర్కొంటూ, త్వరలో మూసీ సుందరీకరణ పనులకు టెండర్లు పిలుస్తామని వెల్లడించారు.

హైదరాబాద్ మెట్రో రైల్ ప్రాజెక్టు భవిష్యత్తుకు సంబంధించి అత్యంత కీలకమైన అడుగు పడింది. ఢిల్లీ పర్యటనలో ఉన్న తెలంగాణ ముఖ్యమంత్రి ఎ. రేవంత్‌రెడ్డి.. కేంద్రమంత్రులతో జరిపిన వరుస సమావేశాలు విజయవంతమయ్యాయి.