#Cyberabad Police

జీహెచ్‌ఎంసీ పునర్వ్యవస్థీకరణకు అనుగుణంగా తెలంగాణ ప్రభుత్వం పోలీసింగ్‌ వ్యవస్థలో కీలక మార్పులు చేసింది. హైదరాబాద్‌, సైబరాబాద్‌, మల్కాజిగిరి, ఫ్యూచర్‌సిటీ పోలీస్‌ కమిషనరేట్ల పరిధుల్లో కొత్త జోన్లు, డివిజన్లు ఏర్పాటు చేయడంతో పాటు పలు పోలీస్‌ స్టేషన్ల పరిధులను మార్చింది. కొన్ని స్టేషన్ల పేర్లను సవరించగా, మరికొన్ని ప్రాంతాలను ఇతర పోలీస్‌ స్టేషన్లలో విలీనం చేసింది.

హైదరాబాద్‌ ఐటీ కారిడార్‌లోని సర్వీస్‌ అపార్ట్‌మెంట్లపై సైబరాబాద్‌ పోలీసులు నిఘా పెంచారు. పేకాట, వ్యభిచారం వంటి చట్టవిరుద్ధ కార్యకలాపాలకు అపార్ట్‌మెంట్లను ఉపయోగిస్తే కఠిన చర్యలు తప్పవని హెచ్చరించారు. అద్దెదారుల వివరాలు, గుర్తింపు పత్రాలు, బస ఉద్దేశం వంటి సమాచారాన్ని తప్పనిసరిగా నమోదు చేసుకోవాలని ప్రాపర్టీ ఓనర్లకు సూచించారు. నిబంధనలు పాటించకపోతే కేసులతో పాటు ఆస్తుల సీజ్‌కు కూడా అవకాశం ఉంటుందని స్పష్టం చేశారు.

వీఆర్కే హెల్త్ కేర్ సెంటర్ వ్యవస్థాపకుడు వీరమాచినేని రామకృష్ణపై సైబరాబాద్ పోలీసులు కేసు నమోదు చేశారు. టైప్-1 డయాబెటిస్‌తో బాధపడుతున్న తనకు ఇన్సులిన్ ఆపేయాలని సూచించారని, ఆ తర్వాత డయాబెటిక్ కీటోయాసిడోసిస్, తీవ్ర డీహైడ్రేషన్‌కు గురై ఆస్పత్రిలో చేరాల్సి వచ్చిందని నిర్మల్ జిల్లాకు చెందిన 30 ఏళ్ల యువకుడు పోలీసులకు ఫిర్యాదు చేశాడు. ఈ ఫిర్యాదు ఆధారంగా పోలీసులు దర్యాప్తు చేపట్టారు.

గణేశ్ నిమజ్జనం నేపథ్యంలో సైబరాబాద్ పోలీస్ కమిషనరేట్ పరిధిలో మద్యం, కల్లు దుకాణాలతో పాటు బార్లు, రెస్టారెంట్లను మూసివేయనున్నారు.

హైదరాబాద్‌ హఫీజ్‌పేట రైల్వే స్టేషన్‌ వద్ద మహిళను జుట్టు పట్టుకుని ఈడ్చుకెళ్లిన ఘటనపై దక్షిణ మధ్య రైల్వే కీలక వివరణ ఇచ్చింది. మహిళపై దాడి చేసింది రైల్వే పోలీసు కాదని, తెలంగాణ పోలీస్‌ శాఖకు చెందిన హోంగార్డు అని స్పష్టం చేసింది. ఘటనపై సీరియస్‌ అయిన డీజీపీ సీవీ ఆనంద్‌ ఆదేశాలతో హోంగార్డును సర్వీసు నుంచి తొలగించగా, మియాపూర్ పోలీసులు కేసు నమోదు చేసి అదుపులోకి తీసుకున్నారు.

వీకెండ్ సందర్భంగా మద్యం సేవించి వాహనాలు నడుపుతున్న మందుబాబులకు సైబరాబాద్ ట్రాఫిక్ పోలీసులు షాకిచ్చారు. ప్రత్యేకంగా నిర్వహించిన డ్రంకెన్ డ్రైవ్ తనిఖీల్లో 292 మంది పట్టుబడ్డారు.

హైదరాబాద్‌లో చికెన్‌ వ్యర్థాల అక్రమ రవాణా ముఠా గుట్టురట్టయింది. కోళ్ల దుకాణాలు, మాంసం ప్రాసెసింగ్‌ యూనిట్ల నుంచి సేకరించిన వ్యర్థాలను రాత్రివేళల్లో లారీల ద్వారా ఆంధ్రప్రదేశ్‌కు తరలించి చేపల చెరువులకు మేతగా విక్రయిస్తున్నట్లు అధికారులు గుర్తించారు. సైబరాబాద్‌ పోలీసులు, పశువైద్య శాఖ అధికారులు సంయుక్తంగా నిర్వహించిన తనిఖీల్లో దాదాపు 100 టన్నుల చికెన్‌ వ్యర్థాలను సీజ్‌ చేశారు.

సైబరాబాద్‌లో వీకెండ్‌ స్పెషల్‌ డ్రంక్‌ అండ్‌ డ్రైవ్‌లో 311 మందిపై కేసులు నమోదయ్యాయి. వీరిలో 238 మంది ద్విచక్ర వాహనదారులు, 56 మంది కార్ల డ్రైవర్లు ఉన్నారు.

హైదరాబాద్‌లో బోనాల ఉత్సవాల నేపథ్యంలో శాంతిభద్రతల దృష్ట్యా సైబరాబాద్ పోలీస్ కమిషనరేట్ కీలక ఆదేశాలు జారీ చేసింది. ఆగస్టు 9న ఉదయం 10 గంటల నుంచి రాత్రి 10 గంటల వరకు ఆరు పోలీస్ స్టేషన్ల పరిధిలోని వైన్ షాపులు, కల్లు దుకాణాలు, బార్లను మూసివేయాలని ఆదేశించింది.