#Madhya Pradesh

కొత్త క్రిమినల్ చట్టాలు దేశవ్యాప్తంగా పూర్తిస్థాయిలో అమల్లోకి వచ్చిన తర్వాత ఎఫ్‌ఐఆర్ నమోదు నుంచి సుప్రీంకోర్టు తుది తీర్పు వరకు న్యాయ ప్రక్రియ గరిష్టంగా మూడేళ్లలో పూర్తయ్యేలా వ్యవస్థ మారుతుందని కేంద్ర హోంమంత్రి అమిత్ షా తెలిపారు. మరో ఏడాదిన్నరలో కొత్త చట్టాల పూర్తి అమలు జరుగుతుందని ఆయన పేర్కొన్నారు.

మధ్యప్రదేశ్‌లోని ఉజ్జయినిలో షాహి మసీదులోని కొంత భాగాన్ని తొలగించే చర్య ఉద్రిక్తతకు దారితీసింది. సింహస్థ 2028 ఏర్పాట్లలో భాగంగా రోడ్డు విస్తరణ కోసం అధికారులు చర్యలు చేపట్టగా వాటిని వ్యతిరేకిస్తూ స్థానికులు పెద్ద ఎత్తున ఆందోళనకు దిగారు. ఈ క్రమంలో పోలీసులపై రాళ్లు రువ్వడంతో భద్రతా సిబ్బంది టియర్ గ్యాస్ ప్రయోగించి, లాఠీఛార్జ్ చేశారు.

బెంగళూరుకు చెందిన A1 స్పోర్ట్స్ వరల్డ్ స్టార్టప్ తీసుకున్న ఓ నియామక నిర్ణయం తీవ్ర చర్చకు దారితీసింది. ఉత్తరప్రదేశ్, రాజస్థాన్, బీహార్, మధ్యప్రదేశ్ రాష్ట్రాలకు చెందిన పురుష అభ్యర్థులను ఇకపై ఉద్యోగాల్లోకి తీసుకోబోమని సంస్థ వ్యవస్థాపకుడు కార్తీక్ ఎస్‌జీ ప్రకటించారు.

మధ్యప్రదేశ్‌లో నవరాత్రి గర్భా వేడుకల సందర్భంగా రాజకీయ వివాదం చెలరేగింది. భోపాల్‌లోని హుజూర్ నియోజకవర్గ బీజేపీ ఎమ్మెల్యే రమేశ్వర్ శర్మ గర్భా కార్యక్రమాలకు ముస్లిం యువకులు రావాలనుకుంటే తమ అక్కాచెల్లెళ్లు, కుమార్తెలను కూడా వెంట తీసుకురావాలని వ్యాఖ్యానించారు. అంతేకాకుండా ముస్లింలు శాశ్వతంగా తమతో కలవాలనుకుంటే తిలకం ధరించి, ‘జై శ్రీరామ్’ నినాదాలు చేయాలని అన్నారు. ఈ వ్యాఖ్యలపై కాంగ్రెస్, ఏఐఎంఐఎం నేతలు తీవ్రంగా స్పందించారు.

శ్రీశైలం భ్రమరాంబ మల్లికార్జున స్వామివారి దర్శనం చేసుకుని తిరిగి హైదరాబాద్‌ వెళ్తున్న కుటుంబం ఘోర ప్రమాదానికి గురైంది. నాగర్‌కర్నూలు జిల్లా అమ్రాబాద్‌ మండలంలోని శ్రీశైలం-హైదరాబాద్‌ ఘాట్‌రోడ్డుపై క్లూజర్‌ వాహనం అదుపుతప్పి చెట్టును ఢీకొంది. ఈ ఘటనలో ఇద్దరు అక్కడికక్కడే మృతి చెందగా.. పలువురికి తీవ్ర గాయాలైనట్లు తెలుస్తోంది.

ప్రధాన మంత్రి నరేంద్ర మోదీ 76వ పుట్టినరోజు సందర్భంగా మధ్యప్రదేశ్‌లోని ఉజ్జయినిలో గురువారం (సెప్టెంబర్ 17) భారీ దీపోత్సవం నిర్వహించనున్నారు. క్షిప్రా నది ఘాట్లతో పాటు మహాకాల్ లోక్ ప్రాంతంలో 25 లక్షలకు పైగా మట్టి ప్రమిదలను వెలిగించనున్నారు. ఈ కార్యక్రమానికి వేలాది మంది వాలంటీర్లు పాల్గొననుండగా, దేశవ్యాప్తంగా ‘సేవా సంకల్ప్ అభియాన్’లో భాగంగా పలు ప్రజా సేవా కార్యక్రమాలు చేపడుతున్నారు.

మధ్యప్రదేశ్‌లోని ఉజ్జయినిలో రోడ్డు విస్తరణ పనుల కోసం దాదాపు 170 ఏళ్ల చరిత్ర కలిగిన ‘ఖడే హనుమాన్’ ఆలయాన్ని తొలగించారు. అయితే ఆలయంలోని హనుమంతుడి విగ్రహాన్ని తరలించేందుకు అధికారులు చేసిన ప్రయత్నాలు ఫలించలేదు. నాలుగు రోజుల పాటు భారీ యంత్రాలతో ప్రయత్నించినా విగ్రహం ఒక్క అంగుళం కూడా కదలకపోవడం స్థానికంగా ఆసక్తికర చర్చకు దారితీసింది.

మధ్యప్రదేశ్‌లో సీనియర్ ఐఏఎస్ అధికారిణి నేహా మార్వ్య వరుస బదిలీలపై తీవ్ర ఆవేదన వ్యక్తం చేశారు. ఏడాదిలో నాలుగోసారి బదిలీ కావడం, కొత్త పోస్టింగ్‌లో 50 రోజులు కూడా పూర్తికాకముందే మరోసారి ట్రాన్స్‌ఫర్ జాబితాలో తన పేరు రావడంపై ఆమె తీవ్రంగా స్పందించారు. తనపై బెదిరింపులకు పాల్పడిన ఉద్యోగులపై ఫిర్యాదు చేసినా చర్యలు తీసుకోకుండా, తననే బదిలీలతో వేధిస్తున్నారని ఆరోపించారు.

ఉత్తరప్రదేశ్–మధ్యప్రదేశ్ సరిహద్దులోని చిత్రకూట్, సత్నా జిల్లాలను భారీ వరదలు ముంచెత్తాయి. మందాకిని నది ఉగ్రరూపం దాల్చడంతో చిత్రకూట్‌లో హై అలర్ట్ ప్రకటించారు. వరద బాధితులను రక్షించేందుకు ఐఏఎఫ్ హెలికాప్టర్లు, ఎన్డీఆర్‌ఎఫ్, ఎస్‌డీఆర్‌ఎఫ్ బృందాలను రంగంలోకి దించారు.

మృత్యువు కళ్లముందే కనిపించినా.. అదృష్టం అతడిని కాపాడింది. రోడ్డుపై ఓ వ్యక్తి నడుచుకుంటూ వెళ్తుండగా.. అతడు కొద్ది అడుగులు ముందుకు వెళ్లిన వెంటనే పక్కనే ఉన్న భారీ ప్రహరీ గోడ ఒక్కసారిగా కుప్పకూలింది. క్షణం ఆలస్యమైనా అతడు శిథిలాల కింద చిక్కుకునే ప్రమాదం ఉండేది. మధ్యప్రదేశ్‌లోని దతియాలో జరిగిన ఈ ఘటనకు సంబంధించిన వీడియో ప్రస్తుతం వైరల్‌గా మారింది.

నాగుల పంచమి వేళ ఉజ్జయిని మహాకాళేశ్వర ఆలయంలో తొక్కిసలాట జరిగింది. బారికేడ్ల కు కరెంట్ షాక్ వచ్చిందన్న తప్పుడు సమాచారంతో భక్తులు ఆందోళన తొక్కిసలాటకు దారి తీసింది