వరంగల్‌-కరీంనగర్‌ మధ్య ప్రయాణికులకు గుడ్‌న్యూస్‌. రూ.1,641 కోట్లతో 68.015 కిలోమీటర్ల మేర నిర్మించిన నాలుగు లేన్ల జాతీయ రహదారి-563 పనులు తుది దశకు చేరుకున్నాయి. ఇప్పటికే ట్రయల్‌ రన్‌ ప్రారంభమైన ఈ హైవేను అక్టోబర్‌ తొలి లేదా రెండో వారంలో అధికారికంగా అందుబాటులోకి తీసుకురావడానికి అధికారులు ఏర్పాట్లు చేస్తున్నారు. కొత్త రహదారితో వరంగల్‌-కరీంనగర్‌ ప్రయాణ సమయం దాదాపు గంటన్నర నుంచి 45 నిమిషాలకు తగ్గే అవకాశం ఉంది.
తెలంగాణ అభివృద్ధి, వారసత్వ పరిరక్షణలో ఆగా ఖాన్ ఫౌండేషన్ మరింత భాగస్వామ్యం కావాలని ముఖ్యమంత్రి రేవంత్ రెడ్డి కోరారు. హైదరాబాద్‌లో ప్రిన్స్ రహీమ్ ఆగా ఖాన్-Vతో భేటీ అయిన సీఎం.. మూసీ పునరుజ్జీవన ప్రాజెక్ట్, ఫ్యూచర్ సిటీ, వారసత్వ భవనాల పునరుద్ధరణ, విద్యా–పర్యాటక–వైద్య రంగాల్లో సహకారంపై చర్చించారు. ఫ్యూచర్ సిటీలో ఆగా ఖాన్ యూనివర్సిటీ ఏర్పాటు చేయాలని కూడా విజ్ఞప్తి చేశారు.
బీఆర్‌ఎస్‌ నాయకులు అధికారం కోల్పోయామన్న అక్కసుతోనే కాంగ్రెస్ ప్రభుత్వంపై పదేపదే విమర్శలు చేస్తున్నారని వరంగల్‌ ఎంపీ డా. కడియం కావ్య మండిపడ్డారు. కాంగ్రెస్ ప్రభుత్వం రెండున్నరేళ్లలోనే అభివృద్ధి, సంక్షేమ రంగాల్లో గణనీయమైన మార్పులు తీసుకొచ్చిందని, 1000 రోజుల పాలనే తమ ప్రోగ్రెస్‌ రిపోర్ట్‌ అని పేర్కొన్నారు.
తెలంగాణలో కాంగ్రెస్ ప్రభుత్వం 1000 రోజుల పాలన పూర్తి చేసుకున్న సందర్భంగా సీఎం రేవంత్ రెడ్డి సోషల్ మీడియా వేదికగా స్పందించారు. ప్రజల ఆకాంక్షలను కేంద్రంగా చేసుకుని సంక్షేమం, అభివృద్ధి, సామాజిక న్యాయం లక్ష్యంగా ప్రభుత్వం ముందుకు సాగుతోందని తెలిపారు. తెలంగాణను విశ్వ వేదికపై విజయపతాకగా నిలిపే వరకు కృషి కొనసాగుతుందని స్పష్టం చేశారు.
సెప్టెంబర్ 7 నుంచి తెలంగాణ అసెంబ్లీ సమావేశాలు ప్రారంభం కానున్నాయని సీఎం రేవంత్ రెడ్డి తెలిపారు. సచివాలయంలో మంత్రులు, ఎమ్మెల్యేలు, ఎమ్మెల్సీలు, ఎంపీలతో నిర్వహించిన సమావేశంలో అసెంబ్లీ సమావేశాలతో పాటు నియోజకవర్గాల అభివృద్ధి, సాగునీటి ప్రాజెక్టుల పెండింగ్ పనులపై సీఎం కీలక సూచనలు చేశారు.
తెలంగాణ 80వ స్వాతంత్య్ర దినోత్సవ వేడుకలు హైదరాబాద్‌లోని గోల్కొండ కోటలో ఘనంగా జరిగాయి. రాష్ట్ర ప్రభుత్వం ఆధ్వర్యంలో నిర్వహించిన వేడుకల్లో సీఎం రేవంత్ రెడ్డి జాతీయ జెండాను ఎగురవేసి పోలీసు దళాల గౌరవవందనం స్వీకరించారు. అనంతరం రాష్ట్ర ప్రజలను ఉద్దేశించి ప్రసంగిస్తూ రైతు సంక్షేమం, జల హక్కులు, మహిళా సంక్షేమం, ప్రజావాణి, ఉద్యోగులు, డిజిటల్‌ కనెక్టివిటీ తదితర అంశాలపై కీలక ప్రకటనలు చేశారు.
బాన్సువాడ ఎమ్మెల్యే పోచారం శ్రీనివాసరెడ్డి మరోసారి కీలక వ్యాఖ్యలు చేశారు. ఇటీవల తాను చేసిన వ్యాఖ్యల వెనుక ఎలాంటి రాజకీయ దురుద్దేశం లేదని స్పష్టం చేశారు. నియోజకవర్గ అభివృద్ధి కోసమే ముఖ్యమంత్రి రేవంత్‌రెడ్డికి మద్దతు ఇచ్చానని తెలిపారు.
అమెరికాలోని మేరీల్యాండ్ రాష్ట్రం బాల్టిమోర్‌లో జరిగిన అమెరికన్ తెలుగు అసోసియేషన్ (ATA) 19వ మహాసభల్లో బీజేపీ తెలంగాణ రాష్ట్ర అధ్యక్షుడు రామచందర్ రావు పాల్గొన్నారు. ఈ సందర్భంగా ప్రవాస తెలుగువారితో సమావేశమై తెలంగాణ అభివృద్ధి, ప్రవాస భారతీయుల పాత్ర, తెలుగు భాషా సంస్కృతి పరిరక్షణపై చర్చించారు.
తెలంగాణ ఆత్మగౌరవానికి సిద్ధాంత బలం అందించిన మహనీయుడు జయశంకర్.
జయశంకర్ ఆశయాలే తెలంగాణ అభివృద్ధికి మార్గదర్శకం: సీఎండీ వరుణ్ రెడ్డి.
మన వనరులు.. మన అభివృద్ధి.. జయశంకర్ చూపిన బాటలోనే ముందుకు.
విద్యుత్ ఉద్యోగులు వినూత్న ఆలోచనలతో ముందుకు రావాలి: టీజీఎన్‌పీడీసీఎల్ సీఎండీ.
జయశంకర్ జయంతి వేడుకలు ఘనంగా నిర్వహించిన టీజీఎన్‌పీడీసీఎల్.
మెదక్‌లోని దూప్‌సింగ్ తండాలో రూ.3 కోట్లతో నిర్మించిన కొత్త వంతెన అందుబాటులోకి వచ్చింది. ఎమ్మెల్యే మైనంపల్లి రోహిత్‌రావు చొరవతో ఏళ్ల సమస్యకు పరిష్కారం లభించింది.
రాజన్న సిరిసిల్ల జిల్లా కేంద్రంలోని రగుడు జంక్షన్‌ను రూ.3.22 కోట్లతో అభివృద్ధి చేసి సుందరీకరించడంతో పాటు బస్ షెల్టర్ల నిర్మాణానికి రాష్ట్ర మంత్రులు తుమ్మల నాగేశ్వరరావు, పొన్నం ప్రభాకర్, అడ్లూరి లక్ష్మణ్ కుమార్ గురువారం శంకుస్థాపన చేశారు.
ఏళ్లుగా ఎదురుచూస్తున్న చిన్నమాడూరు–రంభోజిగుడెం ఉన్నతస్థాయి వంతెన ప్రారంభమైంది. ఎమ్మెల్యే యశస్విని రెడ్డి చేతుల మీదుగా వంతెనను ప్రారంభించడంతో స్థానిక ప్రజలకు రాకపోకలు మరింత సులభం కానున్నాయి.
పెద్దవంగర మండలం బాబోజి తండా గ్రామంలో గ్రామాభివృద్ధి కార్యక్రమాలను వేగవంతం చేస్తూ పాలకుర్తి శాసన సభ్యురాలు శ్రీమతి యశశ్విని రెడ్డి పలు అభివృద్ధి పనులకు శంకుస్థాపన చేశారు.
ఉత్తర తెలంగాణ అభివృద్ధికి తెలంగాణ ప్రభుత్వం మరో కీలక అడుగు వేసింది. ఆదిలాబాద్‌లో జాయింట్ యూజర్ ఎయిర్‌ఫీల్డ్ ఏర్పాటుకు రూ.2,278.14 కోట్ల పరిపాలనా అనుమతులు మంజూరు చేసింది. ఈ ప్రాజెక్టు పూర్తయితే పారిశ్రామికాభివృద్ధి, కార్గో రవాణా, పర్యాటకం, రక్షణ రంగాలతో పాటు వేలాది మంది యువతకు ఉపాధి అవకాశాలు లభించే అవకాశం ఉందని రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి తెలిపారు.
