Andhra-government

విధులను నిర్లక్ష్యం చేస్తూ సుదీర్ఘకాలంగా అనధికారికంగా గైర్హాజరవుతున్న ప్రభుత్వ వైద్యులపై ఆంధ్రప్రదేశ్ ప్రభుత్వం చర్యలు చేపట్టింది. ఇప్పటికే 70 మంది వైద్యులను విధుల నుంచి తొలగిస్తూ నిర్ణయం తీసుకుంది. ఇదే తరహాలో గైర్హాజరవుతున్న మరో 193 మందిపై చర్యలు వివిధ దశల్లో ఉన్నట్లు అధికారులు వెల్లడించారు.

వినాయక చవితి పండుగ వేళ ఆంధ్రప్రదేశ్ ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా ఏర్పాటు చేసే గణేశ్ మండపాలకు ఉచిత విద్యుత్ అందించాలని నిర్ణయించింది. ఈ విషయాన్ని మంత్రి నారా లోకేశ్ ‘ఎక్స్‌’ వేదికగా వెల్లడించారు.

జనసేన ఎమ్మెల్సీ నాగబాబును ఏపీ-గ్రీన్ ఎగ్జిక్యూటివ్ కమిటీ చైర్‌పర్సన్‌గా ఏపీ ప్రభుత్వం నియమించింది. ఆయనకు కేబినెట్ ర్యాంక్ హోదా కల్పించింది.

అమరావతి రాజధాని అభివృద్ధిలో కీలకమైన సీడ్ యాక్సెస్ రోడ్ ఈ-3 రెండో దశను సీఎం చంద్రబాబు నాయుడు ప్రారంభించారు. రూ.1,519 కోట్లతో నిర్మించిన ఈ 21.77 కిలోమీటర్ల కారిడార్ రాజధాని రవాణా వ్యవస్థకు వెన్నెముకగా నిలవనుంది. ఈ సందర్భంగా రాజధాని కోసం భూములు ఇచ్చిన రైతుల త్యాగాలను సీఎం కొనియాడుతూ వారికి పాదాభివందనం చేస్తున్నట్లు సీఎం చంద్రబాబు నాయుడు తెలిపారు.

ఏపీలో రూ.2,08,406 కోట్ల విలువైన 25 పారిశ్రామిక ప్రాజెక్టులకు ఎస్ఐపీబీ ఆమోదం తెలిపింది. వీటి ద్వారా 21,627 మందికి ఉద్యోగాలు రానున్నాయి. గ్రీన్‌ అమ్మోనియా, లిథియం బ్యాటరీలు, డేటా సెంటర్లు, రోబోటిక్స్‌ రంగాలపై ప్రభుత్వం దృష్టి సారించింది.

ఆంధ్రప్రదేశ్ అసెంబ్లీ వర్షాకాల సమావేశాల నేపథ్యంలో ఎమ్మెల్యేల హాజరుపై స్పీకర్ చింతకాయల అయ్యన్నపాత్రుడు కీలక నిర్ణయం తీసుకున్నారు. ప్రతి సభ్యుడి సీటు వద్ద కెమెరాలు ఏర్పాటు చేసి, సభ్యుడు తన స్థానంలో కూర్చుంటేనే హాజరుగా పరిగణిస్తామని ప్రకటించారు. సభకు రాకుండా కేవలం రిజిస్టర్‌లో సంతకాలు చేసి వెళ్లిపోవడాన్ని అరికట్టడమే ఈ నిర్ణయ లక్ష్యమని స్పష్టం చేశారు.

రాష్ట్రంలోని 158 మారుమూల ఆవాసాలకు తొలిసారి రహదారి సౌకర్యం కల్పించనున్నారు. ప్రధాన్‌ మంత్రి గ్రామ సడక్‌ యోజన కింద రూ.422.10 కోట్లతో 347 కి.మీ. మేర 146 రోడ్లు, 19 వంతెనలు నిర్మించనున్నారు.

8వ కేంద్ర వేతన సంఘం ముందు భారత్‌ పెన్షనర్స్‌ సమాజ్‌ కీలక ప్రతిపాదనలు చేసింది. కనీస వేతనాన్ని రూ.69 వేలకు, కనీస పెన్షన్‌ను రూ.45 వేలకు పెంచాలని కోరింది. అయితే ఇవి ప్రస్తుతం ప్రతిపాదనలు మాత్రమే.. తుది నిర్ణయం కేంద్ర ప్రభుత్వానిదే.

AP EAMCET 2026 ఇంజినీరింగ్‌ అడ్మిషన్ల ఫేజ్‌-1 సీటు అలాట్‌మెంట్‌ ఫలితాలు విడుదలయ్యాయి. cap.apcfss.inలో విద్యార్థులు తమ లాగిన్‌ వివరాలతో సీటు కేటాయింపు వివరాలు చెక్‌ చేసుకోవచ్చు. సీటు పొందిన వారు ఆగస్టు 15లోగా కాలేజీలో రిపోర్ట్‌ చేయాలి.

కళలు కేవలం గోడల మధ్య పరిమితం కాకుండా ప్రజల మధ్యకు రావాలని కేంద్ర గ్రామీణాభివృద్ధి, కమ్యూనికేషన్స్‌ శాఖ సహాయ మంత్రి డా. పెమ్మసాని చంద్రశేఖర్‌ అన్నారు. కళలు ఒక జాతి సంస్కృతికి ప్రతిబింబమని, సమాజ చరిత్రకు సాక్ష్యంగా నిలుస్తాయని పేర్కొన్నారు.

మారుమూల గిరిజన గ్రామాలకు మెరుగైన రహదారి సౌకర్యాలు కల్పించేందుకు చేపట్టిన 'అడవితల్లి బాట' కార్యక్రమం పనులను వేగవంతం చేయాలని ఏపీ ఉప ముఖ్యమంత్రి, పంచాయతీరాజ్‌, గ్రామీణాభివృద్ధి శాఖ మంత్రి పవన్‌ కల్యాణ్‌ అధికారులను ఆదేశించారు.

ఆంధ్రప్రదేశ్ ప్రభుత్వం భారీగా ఐఏఎస్‌ల బదిలీ చేపట్టింది. 22 మంది ఐఏఎస్‌ అధికారులను ట్రాన్స్‌ఫర్ చేసింది. ఈ మేరకు సీఎస్ ఉత్తర్వులు జారీ చేశారు.

ఆంధ్రప్రదేశ్ రాష్ట్రంలోని చేనేత కుటుంబాలకు ఆర్థిక భరోసా కల్పించేందుకు ప్రభుత్వం 'నేతన్న సేవలో' పథకాన్ని ప్రారంభించనుంది. 12వ జాతీయ చేనేత దినోత్సవాన్ని పురస్కరించుకుని శుక్రవారం చీరాల పర్యటనలో సీఎం నారా చంద్రబాబు నాయుడు ఈ పథకాన్ని ప్రారంభించి లబ్ధిదారుల ఖాతాల్లో నిధులు జమ చేయనున్నారు

ఆంధ్రప్రదేశ్‌లో సూపర్ స్పెషాలిటీ వైద్య సేవలను మరింత విస్తరించేందుకు రాష్ట్రానికి మరో రెండు ఎయిమ్స్‌లు మంజూరు చేయాలని జనసేన రాజ్యసభ సభ్యుడు లింగమనేని రమేశ్ కేంద్ర ప్రభుత్వాన్ని కోరారు. ఈ మేరకు కేంద్రమంత్రి జేపీ నడ్డాను కలిసి వినతిపత్రం సమర్పించారు.

పిఠాపురం నియోజకవర్గంలో ఉప ముఖ్యమంత్రి పవన్ కళ్యాణ్ చొరవతో రూ.207 కోట్ల వ్యయంతో 307 కిలోమీటర్ల రహదారుల అభివృద్ధి జరుగుతోంది. ఇప్పటికే 611 రోడ్లు పూర్తవగా, మరో 70 పనులు కొనసాగుతున్నాయి. గ్రామీణ మౌలిక వసతుల బలోపేతానికి ప్రభుత్వం ప్రత్యేక చర్యలు చేపట్టింది.

రాష్ట్ర ఆర్థిక వ్యవస్థను రెండేళ్లలో గాడిలో పెట్టడంతో పాటు అభివృద్ధి, సంక్షేమాన్ని సమన్వయం చేస్తూ ముందుకు సాగుతున్నామని ఏపీ సీఎం చంద్రబాబు తెలిపారు. గత ప్రభుత్వం కారణంగా దెబ్బతిన్న ఆర్థిక వ్యవస్థను పునరుద్ధరించేందుకు తీసుకున్న చర్యల ఫలితాలు ఇప్పుడు కనిపిస్తున్నాయని చెప్పారు

భోగాపురం అంతర్జాతీయ విమానాశ్రయం ప్రారంభోత్సవంలో మంత్రి నారా లోకేశ్ ప్రధాని నరేంద్ర మోదీపై ప్రశంసలు కురిపించారు. ఉత్తరాంధ్ర అభివృద్ధికి మోదీ రెక్కలు ఇచ్చారని, ఏపీ అభివృద్ధికి కేంద్రం పూర్తి సహకారం అందిస్తోందని అన్నారు. విశాఖ ఉక్కును కాపాడింది కూడా మోదీనే అని వ్యాఖ్యానించారు.

చాలా కాలం తర్వాత ప్రధాని నరేంద్ర మోదీ ఆంధ్రప్రదేశ్‌లో పర్యటిస్తున్నారు. భోగాపురం అల్లూరి సీతారామరాజు అంతర్జాతీయ విమానాశ్రయాన్ని ఆయన జాతికి అంకితం చేయనున్నారు. ఉత్తరాంధ్ర అభివృద్ధికి కీలకంగా భావిస్తున్న ఈ ప్రాజెక్ట్‌తో పర్యాటకం, పరిశ్రమలు, ఉపాధి అవకాశాలు గణనీయంగా పెరుగుతాయని ప్రభుత్వం చెబుతోంది.

భోగాపురంలోని అల్లూరి సీతారామరాజు అంతర్జాతీయ విమానాశ్రయం కేవలం విమానాలు దిగే, ఎగిరే కేంద్రం కాదు. ఇది పర్యాటకం, పారిశ్రామికాభివృద్ధి, ఎగుమతులు, ఉపాధి, అంతర్జాతీయ పెట్టుబడులకు కొత్త ద్వారంగా మారబోతోంది. మరి ఈ ఎయిర్‌పోర్టు ఎందుకంత ప్రత్యేకం? దేశంలో దీనికి ఉన్న ప్రత్యేకతలేంటి?

హస్తకళాకారుల చేతుల్లో కళ చిరకాలం నిలవాలంటే వారి కళ్ల ఆరోగ్యం అత్యంత కీలకమనే భావనతో ఏపీ ఉప ముఖ్యమంత్రి పవన్ కళ్యాణ్ ఆదేశాల మేరకు రాష్ట్రవ్యాప్తంగా ఉచిత నేత్ర వైద్య శిబిరాలు నిర్వహిస్తున్నారు. ఈ కార్యక్రమంలో భాగంగా పశ్చిమగోదావరి జిల్లా అత్తిలిలో నిర్వహించిన ఉచిత వైద్య శిబిరంలో 143 మంది లేస్, నేత కళాకారులకు కంటి పరీక్షలు నిర్వహించగా, 15 మందికి క్యాటరాక్ట్ శస్త్రచికిత్స అవసరమని వైద్యులు గుర్తించారు.

వన్యప్రాణుల సంరక్షణ, అటవీ పరిరక్షణలో విశిష్ట సేవలు అందించిన ఆంధ్రప్రదేశ్ అటవీ శాఖకు జాతీయ స్థాయిలో మరో అరుదైన గౌరవం దక్కింది. నేషనల్ టైగర్ కన్జర్వేషన్ అథారిటీ (NTCA) ప్రకటించిన ప్రతిష్ఠాత్మక అవార్డులను ఫారెస్ట్ బీట్ అధికారులు ఎస్. ఇస్మాయిల్, జి. సుధాకరరావు అందుకున్నారు. ఈ సందర్భంగా ఏపీ ఉప ముఖ్యమంత్రి పవన్ కల్యాణ్ ఇద్దరు అధికారులతో పాటు మొత్తం అటవీ శాఖను అభినందించారు.

ఆంధ్రప్రదేశ్ ఇప్పుడు గ్లోబల్ ఇన్వెస్టర్ల తొలి ఎంపికగా మారిందని విద్య, ఐటీ, ఎలక్ట్రానిక్స్ శాఖల మంత్రి నారా లోకేష్ అన్నారు. కర్నూలు జిల్లా పత్తికొండ సమీపంలోని హోసూరులో టాటా పవర్ రెన్యూవబుల్ ఎనర్జీ లిమిటెడ్ ఆధ్వర్యంలో రూ.5,750 కోట్ల వ్యయంతో నిర్మించనున్న 800 మెగావాట్ల హైబ్రిడ్ క్లీన్ ఎనర్జీ ప్రాజెక్టుకు శంకుస్థాపన చేసిన ఆయన, రాష్ట్రాన్ని స్వచ్ఛ ఇంధన రంగంలో ప్రపంచ స్థాయి హబ్‌గా తీర్చిదిద్దడమే ప్రభుత్వ లక్ష్యమని తెలిపారు.

రాయలసీమను దేశంలోనే ప్రముఖ రెన్యూవబుల్ ఎనర్జీ హబ్‌గా తీర్చిదిద్దే దిశగా మరో కీలక అడుగు పడింది. కర్నూలు జిల్లా పత్తికొండలో టాటా పవర్ రెన్యూవబుల్ ఎనర్జీ, సుజ్‌లాన్ సంస్థల ఆధ్వర్యంలో రూ.5,750 కోట్ల పెట్టుబడితో ఏర్పాటు కానున్న 800 మెగావాట్ల సోలార్, విండ్ పవర్ ప్రాజెక్టులకు మంత్రి నారా లోకేష్ శంకుస్థాపన చేశారు.

ఎడతెరిపి లేకుండా కురుస్తున్న వర్షాలతో గోదావరిలో వరద ప్రవాహం ఉద్ధృతంగా మారింది. నదిలో నీటి మట్టం వేగంగా పెరుగుతుండటంతో పర్యాటకుల భద్రత దృష్ట్యా పాపికొండల విహారయాత్రను ఆంధ్రప్రదేశ్ పర్యాటక శాఖ తాత్కాలికంగా నిలిపివేసింది.

తిరుమల శ్రీవారి వీఐపీ బ్రేక్ దర్శనం పేరుతో సోషల్ మీడియాలో ప్రచారం చేస్తున్న ఓ ప్రైవేట్ సంస్థపై తిరుమల తిరుపతి దేవస్థానం తీవ్ర ఆగ్రహం వ్యక్తం చేసింది. "ప్లాట్లు కొనుగోలు చేస్తే జీవితాంతం వీఐపీ బ్రేక్ దర్శనం కల్పిస్తాం" అంటూ ప్రచారం చేస్తున్న ఎస్సీపీ డెవెలపర్స్ సంస్థకు టీటీడీతో ఎలాంటి సంబంధం లేదని అధికారులు స్పష్టం చేశారు.

పౌర సరఫరాల శాఖ ఆధ్వర్యంలో తక్కువ ధరకే బియ్యం విక్రయించాలనే నిర్ణయాన్ని ఆంధ్రప్రదేశ్ ఉప ముఖ్యమంత్రి పవన్ కళ్యాణ్ స్వాగతించారు. బహిరంగ మార్కెట్లో పెరుగుతున్న ధరల నుంచి సామాన్య ప్రజలకు ఉపశమనం కల్పించేలా కూటమి ప్రభుత్వం తీసుకున్న ఈ నిర్ణయం ప్రశంసనీయమని ఆయన పేర్కొన్నారు.

ఏపీలోని కర్నూలు జిల్లా ఆలూరు నియోజకవర్గంలోని ఆస్పరి ప్రాథమిక ఆరోగ్య కేంద్రాన్ని ముఖ్యమంత్రి నారా చంద్రబాబు నాయుడు సందర్శించారు. సంజీవని ప్రాజెక్టు అమలు తీరును పరిశీలించిన ఆయన, డిజిటల్ సాంకేతికతతో ప్రజలకు అందుతున్న ఆరోగ్య సేవలపై వైద్యాధికారులతో సమీక్ష నిర్వహించారు.

ఆంధ్రప్రదేశ్‌లో భూ రికార్డుల నిర్వహణను మరింత పారదర్శకంగా, సురక్షితంగా మార్చేందుకు ప్రభుత్వం 'మీభూమి–బ్లాక్‌చెయిన్' పైలట్ ప్రాజెక్టును ప్రారంభించనుంది. ఈ ప్రాజెక్టును ముఖ్యమంత్రి నారా చంద్రబాబు నాయుడు గురువారం వర్చువల్‌గా ప్రారంభించనున్నారు.