#Atc

మహబూబాబాద్ జిల్లా డోర్నకల్ ఎమ్మెల్యే డాక్టర్ జాటోత్ రాంచంద్ర నాయక్‌కు త్రుటిలో ప్రమాదం తప్పింది. చింతపల్లి వద్ద ఎమ్మెల్యే ప్రయాణిస్తున్న కారులో ఒక్కసారిగా మంటలు చెలరేగాయి. పవర్ బ్యాంక్ పేలడంతో కారు కేబిన్‌లో మంటలు వ్యాపించినట్లు సమాచారం.

నేపాల్‌ను కుదిపేసిన ఆకస్మిక వరదలు పెను విషాదాన్ని మిగిల్చాయి. ఇప్పటివరకు సుమారు 734 మృతదేహాలను సహాయక బృందాలు వెలికితీయగా.. గుర్తుతెలియని, ఎవరూ క్లెయిమ్ చేయని మృతదేహాలను ఖననం చేయాలని ప్రభుత్వం నిర్ణయించింది.

పంజాబ్‌లోని ఫిరోజ్‌పూర్ జిల్లాలో ఓ పెళ్లి వేడుకలో అనూహ్య ఘటన చోటుచేసుకుంది. పెళ్లి చూపుల సమయంలో తనకు చూపించిన వరుడి ఫొటోలో ఉన్న వ్యక్తి కాకుండా మరో వ్యక్తి పెళ్లికొడుకుగా రావడంతో వధువు షాక్‌కు గురైంది. తనకు చూపించిన ఫొటో వేరు.. పెళ్లి మండపంలో ఉన్న వ్యక్తి వేరని ఆరోపిస్తూ పెళ్లిని నిరాకరించింది. దీంతో ఘనంగా జరగాల్సిన వివాహం అర్థాంతరంగా ఆగిపోయింది.

ఒకరు స్క్రాప్‌కు కొత్త జీవం పోసి తక్కువ ఖర్చుతో ఎలక్ట్రిక్ వాహనం రూపొందిస్తే.. మరొకరు గిరిజన, గనుల ప్రాంతాల అవసరాలకు అనుగుణంగా ప్రయాణికులు, సరుకులను తరలించే వాహనాన్ని రూపొందించాడు. మణుగూరు ఏటీసీలో వెలుగులోకి వచ్చిన ఈ రెండు ఆవిష్కరణలు తెలంగాణ యువతలోని నైపుణ్యం, సృజనాత్మకతకు నిదర్శనంగా నిలుస్తున్నాయి

తెలంగాణలో వచ్చే ఏడాది నుంచి 119 అడ్వాన్స్‌డ్ టెక్నాలజీ సెంటర్లలో స్కిల్ కాంపిటిషన్స్ నిర్వహించనున్నట్లు మంత్రి వివేక్ వెంకటస్వామి తెలిపారు. టాప్-10 ఇన్నోవేటర్లకు అవార్డులు, ప్రోత్సాహకాలు, ఉద్యోగావకాశాలు కల్పిస్తామని వెల్లడించారు.

బెంగళూరులో ఈరోజు ఉదయం ఓ మహిళపై ఇద్దరు దుండగులు దాడి చేసి 25 గ్రాముల బంగారు మంగళసూత్రాన్ని లాక్కెళ్లారు. దొడ్డబిదరకల్లు ప్రాంతంలో జరిగిన ఈ ఘటన సీసీటీవీలో రికార్డు కాగా, వీడియో సోషల్ మీడియాలో వైరల్ అవుతోంది.

ఉస్మానియా యూనివర్సిటీ పరిధిలోని పాత డిగ్రీ బ్యాచ్‌ల విద్యార్థులకు కీలక అవకాశం లభించింది. బ్యాక్‌లాగ్స్ కారణంగా డిగ్రీ పూర్తి చేయలేకపోయిన విద్యార్థులకు వన్‌టైమ్ ఛాన్స్ పరీక్షలు నిర్వహించనున్నారు. 2000-01 నుంచి 2015-16 విద్యా సంవత్సరాల మధ్య BA, B.Com, B.Sc, BBA, BSW కోర్సుల్లో చేరిన అర్హులైన విద్యార్థులు ఈ అవకాశాన్ని వినియోగించుకోవచ్చు.

ఆంధ్రప్రదేశ్ ను స్వర్ణాంధ్ర ప్రదేశ్ గా తీర్చిదిద్దే లక్ష్యంతో డబుల్ ఇంజన్ స్పీడుతో ముందుకు సాగుతున్నామని ముఖ్యమంత్రి చంద్రబాబు నాయుడు అన్నారు. రాష్ట్రంలో రౌడీయిజం, గంజాయి బ్యాచ్‌లను పూర్తిగా అణిచివేస్తామని హెచ్చరించారు.

గత బీఆర్ఎస్ ప్రభుత్వం ప్రజల ప్రయోజనాల కంటే కమిషన్లకే పెద్దపీట వేసిందని మంత్రి వివేక్ వెంకటస్వామి ఆరోపించారు. ప్రాణహిత-చేవెళ్ల ప్రాజెక్టును మార్చి కాళేశ్వరం ప్రాజెక్టుగా రూపొందించడం వల్ల రాష్ట్ర ఖజానాపై వేల కోట్ల రూపాయల భారం పడిందని విమర్శించారు.

రాష్ట్రంలో నిరుద్యోగ యువతకు ఉపాధి అవకాశాలు కల్పించడమే కాంగ్రెస్ ప్రభుత్వ ప్రధాన లక్ష్యమని మంత్రి జి. వివేక్ వెంకటస్వామి అన్నారు. మారుతున్న సాంకేతిక పరిజ్ఞానానికి అనుగుణంగా యువతను తీర్చిదిద్దేందుకు రూ.4 వేల కోట్లతో రాష్ట్రవ్యాప్తంగా 65 ఏటీసీలను ఏర్పాటు చేస్తున్నామని తెలిపారు.

చాలా కాలం తర్వాత ప్రధాని నరేంద్ర మోదీ ఆంధ్రప్రదేశ్‌లో పర్యటిస్తున్నారు. భోగాపురం అల్లూరి సీతారామరాజు అంతర్జాతీయ విమానాశ్రయాన్ని ఆయన జాతికి అంకితం చేయనున్నారు. ఉత్తరాంధ్ర అభివృద్ధికి కీలకంగా భావిస్తున్న ఈ ప్రాజెక్ట్‌తో పర్యాటకం, పరిశ్రమలు, ఉపాధి అవకాశాలు గణనీయంగా పెరుగుతాయని ప్రభుత్వం చెబుతోంది.

విదేశాల్లో ఉద్యోగాల కోసం వెళ్లే తెలంగాణ యువతకు ఇకపై పాస్‌పోర్టు నుంచి ఉద్యోగం పొందే వరకు అన్ని సేవలను తెలంగాణ ఓవర్సీస్ మ్యాన్‌పవర్ కంపెనీ అందించేలా వ్యవస్థను బలోపేతం చేయాలని ముఖ్యమంత్రి రేవంత్ రెడ్డి ఆదేశించారు. శక్తి శాఖ సమీక్ష సమావేశంలో స్కిల్ డెవలప్‌మెంట్, విదేశీ ఉపాధి, ఆధునిక శిక్షణ, నర్సింగ్ విద్య విస్తరణపై పలు కీలక నిర్ణయాలు తీసుకున్నారు.

తెలంగాణలో యువతకు ఉపాధి, నైపుణ్యాభివృద్ధి అవకాశాలను మరింత విస్తరించే దిశగా ముఖ్యమంత్రి ఎ. రేవంత్ రెడ్డి కీలక ఆదేశాలు జారీ చేశారు. శక్తి శాఖపై నిర్వహించిన సమీక్ష సమావేశంలో యంగ్ ఇండియా స్కిల్ యూనివర్సిటీలో రీసెర్చ్ సెంటర్ ఏర్పాటు నుంచి ప్రభుత్వ ఇంజినీరింగ్ కళాశాల విద్యార్థులకు ఇంటర్న్‌షిప్‌లు, టామ్‌కామ్‌ను బలోపేతం చేయడం వరకు పలు అంశాలపై దిశానిర్దేశం చేశారు.

రైతుల సంక్షేమాన్ని కోరుకోవడం ప్రతి రాజకీయ నాయకుడి ప్రధాన బాధ్యత అని ఆంధ్రప్రదేశ్ వ్యవసాయ శాఖ మంత్రి కింజరాపు అచ్చెన్నాయుడు అన్నారు. రైతులకు మేలు చేసే సూచనలను ప్రభుత్వం స్వాగతిస్తుందని పేర్కొన్న ఆయన, ప్రస్తుతం ప్రభుత్వం రైతులకు అండగా నిలుస్తున్న సమయంలో వారిలో ఆందోళన కలిగించేలా వ్యాఖ్యలు చేయడం సరికాదని మాజీ ముఖ్యమంత్రి వైఎస్ జగన్‌మోహన్ రెడ్డిని ఉద్దేశించి వ్యాఖ్యానించారు.

రాష్ట్రవ్యాప్తంగా ఇప్పటివరకు 1,775 మంది విద్యార్థులకు ఉద్యోగాలు. ఆఫర్ లెటర్లు పంపిణీ చేసిన మంత్రి వివేక్ వెంకటస్వామి గారు. జర్మన్, జపనీస్ తదితర భాషల శిక్షణ కోసం EFLUతో కీలక ఒప్పందం. తెలంగాణను దేశంలోనే నంబర్-1 స్కిల్ స్టేట్‌గా తీర్చిదిద్దుతాం.