Tirupati విభాగానికి సంబంధించిన తాజా వార్తలు మరియు కథనాలు.
తిరుపతి జిల్లా సత్యవేడు మండలం శ్రీసిటీ పారిశ్రామికవాడలోని టిల్‌ హెల్త్‌కేర్‌ పరిశ్రమలో శనివారం ఉదయం భారీ పేలుడు సంభవించింది. బాయిలర్‌ పేలిన ఘటనలో ఐదుగురు కార్మికులు మృతి చెందినట్లు తాజా సమాచారం. మరో పది మందికి పైగా తీవ్రంగా గాయపడినట్లు అధికారులు వెల్లడించారు. రెస్క్యూ, పోలీసు, అగ్నిమాపక బృందాలు సహాయక చర్యలు కొనసాగిస్తున్నాయి.
తిరుమల తిరుపతి దేవస్థానం పాలకమండలి భక్తులు, ఉద్యోగుల సంక్షేమంపై కీలక నిర్ణయాలు తీసుకుంది. తిరుమలకు వచ్చే భక్తులకు తొలిసారిగా ఎల్‌ఐసీ ద్వారా గ్రూప్‌ ఇన్సూరెన్స్‌ సదుపాయం కల్పించేందుకు ఆమోదం తెలిపింది. అలాగే ప్రమాదవశాత్తు మరణించే ఉద్యోగుల కుటుంబాలకు అందించే బీమాను రూ.3 లక్షల నుంచి రూ.10 లక్షలకు పెంచింది. సెప్టెంబర్‌ 15 నుంచి 23 వరకు జరగనున్న శ్రీవారి సాలకట్ల బ్రహ్మోత్సవాల ఏర్పాట్లపైనా పాలకమండలి చర్చించింది.
భారత అంతరిక్ష పరిశోధన సంస్థ (ISRO) మరో కీలక విజయాన్ని నమోదు చేసింది. శ్రీహరికోటలోని సతీష్ ధావన్ అంతరిక్ష కేంద్రం నుంచి జీఎస్‌ఎల్‌వీ-ఎఫ్‌17 ద్వారా 2,367 కిలోల ఈఓఎస్‌-05 (జీశాట్‌-1ఏ) ఉపగ్రహాన్ని విజయవంతంగా కక్ష్యలోకి ప్రవేశపెట్టింది. రక్షణ, విపత్తు నిర్వహణతో పాటు వ్యవసాయం, అటవీ, నీటి వనరుల పర్యవేక్షణలో ఈ ఉపగ్రహం కీలకంగా మారనుంది.
తిరుమల తిరుపతి దేవస్థానం (TTD) డిప్యూటీ ఎగ్జిక్యూటివ్ ఆఫీసర్ లోకనాథంను అవినీతి నిరోధక శాఖ (ACB) అరెస్ట్ చేసింది. అక్రమ ఆస్తుల కేసులో రెండు రోజుల పాటు నిర్వహించిన సోదాల్లో భారీగా ఆస్తులు, బంగారం, వెండి, నగదు గుర్తించిన అధికారులు.. విచారణ కోసం ఆయనను ఏసీబీ కార్యాలయానికి తరలించారు.
తిరుమల శ్రీవారిని దర్శించుకున్న మాజీ ఎంపీ విజయసాయి రెడ్డి కీలక వ్యాఖ్యలు చేశారు. ప్రజల సమస్యలను చట్టసభల్లో బలంగా వినిపించేందుకు కొత్త రాజకీయ పార్టీని ఏర్పాటు చేయాలని నిర్ణయించుకున్నట్లు వెల్లడించారు. ఈ నెలలోనే విజయవాడ వేదికగా తన రాజకీయ ప్రణాళికను ప్రకటించనున్నట్లు తెలిపారు.
తిరుపతిలో నిర్వహించిన స్వాతంత్య్ర వేడుకల్లో రాష్ట్ర దేవాదాయ శాఖ మంత్రి ఆనం రామనారాయణ రెడ్డి అస్వస్థతకు గురయ్యారు. జాతీయ పతాకాన్ని ఆవిష్కరించిన అనంతరం ప్రసంగిస్తుండగా బీపీ డౌన్ కావడంతో ఒక్కసారిగా స్పృహ కోల్పోయారు.
శ్రీకాళహస్తిలో కానిస్టేబుల్‌పై కత్తితో దాడికి యత్నించిన కేసులో ఇద్దరిని పోలీసులు అదుపులోకి తీసుకున్నారు. నిందితుడిని కోర్టులో హాజరు పరిచారు.
తిరుమల రెండో ఘాట్ రోడ్డులో శుక్రవారం కారు అదుపుతప్పి బోల్తా పడిన ఘటనలో పలువురు భక్తులు గాయపడ్డారు. గాయపడిన వారిలో ఒకరి పరిస్థితి విషమంగా ఉండటంతో స్విమ్స్ ఆస్పత్రికి తరలించగా, ఇద్దరు చిన్నారులు స్వల్ప గాయాలతో బయటపడ్డారు.
తిరుమల శ్రీవారి 2026 వార్షిక పుష్పయాగం సేవ టికెట్లను ఆగస్టు 21న ఉదయం 10 గంటలకు టీటీడీ ఆన్‌లైన్‌లో విడుదల చేయనుంది. ఈ టికెట్ల ద్వారా భక్తులకు ఒకే రోజు రెండుసార్లు శ్రీవారి దర్శనం చేసుకునే అరుదైన అవకాశం లభించనుంది.
తెలుగుదేశం పార్టీకి కార్యకర్తలే అసలైన బలమని, పార్టీ కోసం అంకితభావంతో పనిచేసే కార్యకర్తలకు తమ కుటుంబం ఎప్పటికీ రుణపడి ఉంటుందని నారా భువనేశ్వరి అన్నారు. ఏపీ ముఖ్యమంత్రి చంద్రబాబు నాయుడు ప్రజలకు ఇచ్చిన హామీలను తప్పకుండా అమలు చేస్తారని పేర్కొన్న ఆమె, కూటమి ప్రభుత్వం అభివృద్ధి, సంక్షేమాన్ని సమాంతరంగా ముందుకు తీసుకెళ్తోందని తెలిపారు.
తిరుమల శ్రీవారి దర్శనానికి భక్తుల రద్దీ స్వల్పంగా తగ్గింది. సోమవారం ఉదయం సర్వదర్శనం కోసం 23 కంపార్ట్‌మెంట్లలో భక్తులు వేచి ఉన్నారు. సర్వదర్శనానికి సుమారు 8 గంటలు, రూ.300 ప్రత్యేక ప్రవేశ దర్శనానికి 2 నుంచి 4 గంటల సమయం పడుతున్నట్లు తిరుమల తిరుపతి దేవస్థానం (టీటీడీ) వెల్లడించింది.