Special-stories విభాగానికి సంబంధించిన తాజా వార్తలు మరియు కథనాలు.
ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.
డిజిటల్ యుగంలో పెన్నుల వినియోగం తగ్గుతున్నా వాటిపై అభిమానం మాత్రం తగ్గలేదు. దీనికి నిదర్శనంగా హైదరాబాద్‌లో జరుగుతున్న ‘హైదరాబాద్ పెన్‌ షో-2026’ నిలుస్తోంది. రెడ్‌హిల్స్‌లోని ఎఫ్‌టీసీసీఐ భవనంలో మూడు రోజుల పాటు జరుగుతున్న ఈ ప్రదర్శనలో దేశవ్యాప్తంగా వచ్చిన తయారీదారులు అరుదైన, ప్రత్యేకమైన పెన్నులను ప్రదర్శిస్తున్నారు. రూ.50 నుంచి ఏకంగా రూ.7.80 లక్షల విలువైన పెన్నులు సందర్శకులను ఆకట్టుకుంటున్నాయి.
ప్రపంచంలో అత్యంత విలువైన కరెన్సీ అనగానే చాలామందికి అమెరికా డాలర్, బ్రిటన్ పౌండ్ లేదా యూరో గుర్తుకొస్తాయి. కానీ యూనిట్ మారకం విలువ పరంగా వీటన్నింటినీ వెనక్కి నెట్టి అగ్రస్థానంలో నిలిచింది కువైట్ దీనార్.
తెలంగాణ సంస్కృతిలో ప్రకృతికి, పూలకు, స్త్రీ జీవితానికి ప్రత్యేక స్థానం ఉంది. ఈ సంప్రదాయానికి ప్రతీకగా నిలిచే పండుగల్లో బొడ్డెమ్మ ఒకటి. ముఖ్యంగా కన్నెపిల్లలు మంచి భర్త రావాలని కోరుకుంటూ బొడ్డెమ్మ పండుగను భక్తిశ్రద్ధలతో నిర్వహిస్తారు. సాధారణంగా 9 రోజుల పాటు జరిగే ఈ వేడుకలు ముగిసిన మరుసటి రోజు నుంచి బతుకమ్మ సంబరాలు ప్రారంభమవుతాయి.
జ్యోతిషశాస్త్రంలో బుధుడిని తెలివితేటలు, నైపుణ్యాలు, వ్యాపారం, సంపాదన, ప్రణాళికలకు కారకుడిగా పరిగణిస్తారు. సెప్టెంబర్ 26 నుంచి డిసెంబర్ 1 వరకు బుధుడు తులా రాశిలో సంచరించనున్నాడు. ఈ ప్రభావంతో మిథునం, కర్కాటకం, కన్య, తుల, ధనుస్సు, మకర రాశుల వారికి ఉద్యోగ, వ్యాపార, ఆర్థిక విషయాల్లో అనుకూల ఫలితాలు కలిగే అవకాశం ఉందని జ్యోతిష్య విశ్లేషణలు చెబుతున్నాయి.
మీ పేరుపై తీసుకున్న సిమ్‌ కార్డును ఇతరులకు ఇవ్వడం, మీ గుర్తింపు పత్రాలను ఉపయోగించి తెలియకుండా మొబైల్‌ కనెక్షన్లు తీసుకోవడం వంటి విషయాల్లో అప్రమత్తంగా ఉండాలని కేంద్ర టెలికమ్యూనికేషన్స్ శాఖ (DoT) హెచ్చరించింది.
స్వేచ్ఛ కోసం సాగిన ఉద్యమాల్లో తెలంగాణ సాయుధ పోరాటానికి ప్రత్యేక స్థానం ఉంది. నిజాం నిరంకుశ పాలన, భూస్వామ్య దోపిడీ, వెట్టిచాకిరీ, అక్రమ పన్నులు, రజాకార్ల దౌర్జన్యాలకు వ్యతిరేకంగా రైతులు, కూలీలు, సామాన్య ప్రజలు తిరుగుబాటు చేశారు. ఈ పోరాటానికి ఉమ్మడి వరంగల్‌ జిల్లా కీలక కేంద్రంగా నిలిచింది. కడవెండిలో దొడ్డి కొమురయ్య అమరత్వం నుంచి వరంగల్‌ కోటపై జాతీయ జెండా ఎగురవేసిన బత్తిని మొగిలయ్య వరకు.. పాలకుర్తి, పరకాల, బైరాన్‌పల్లి వంటి ప్రాంతాల్లో జరిగిన ఘటనలు తెలంగాణ చరిత్రలో చెరగని ముద్ర వేశాయి. సెప్టెంబర్ 17 తెలంగాణ విమోచన దినోత్సవం సందర్భంగా ఉమ్మడి వరంగల్‌ గడ్డపై సాగిన ఆ పోరాట పథాన్ని గుర్తుచేసుకుందాం.
పేదరికం చదువుకు అడ్డంకి కాదని నిరూపించారు నల్లగొండ జిల్లాకు చెందిన వలిగొండ నరసింహ. చిన్నతనంలోనే తల్లిని కోల్పోయి, ఆర్థిక ఇబ్బందులతో కూలీ, మేస్త్రీ పనులు చేస్తూనే చదువును కొనసాగించారు. ప్రభుత్వ పాఠశాలల నుంచి ఉన్నత విద్యను అభ్యసించి ఉస్మానియా యూనివర్సిటీలో పొలిటికల్ సైన్స్‌లో పీహెచ్‌డీ పూర్తి చేసి.. డాక్ట‌రేట్ అందుకున్న స్థానానికి ఎదిగారు.
దానిమ్మ సాగులో వరుస నష్టాలు రావడంతో పంట మార్చాలని నిర్ణయించుకున్న మహారాష్ట్ర యువ రైతు సాగర్ యెల్పలే.. మునగ సాగుతో అద్భుత విజయాన్ని సాధించాడు. తొలుత ఎకరంలో ప్రారంభించిన సాగును 18 ఎకరాలకు విస్తరించి, ప్రస్తుతం ఏడాదికి సుమారు 180-200 టన్నుల మునగ దిగుబడి పొందుతున్నాడు. మునగకాయలు, విత్తనాల విక్రయంతో కలిపి ఏడాదికి రూ.1.15 కోట్ల టర్నోవర్, రూ.80 లక్షలకు పైగా లాభం ఆర్జిస్తున్నాడు.
గూగుల్ సెర్చ్, డిస్కవర్, గూగుల్ న్యూస్‌లో వ్యక్తిగతీకరణకు మరింత ప్రాధాన్యం ఇస్తూ కొత్త ఫీచర్లను అందుబాటులోకి తీసుకొస్తోంది. పబ్లిషర్ల కోసం ‘Preferred Sources’ బటన్‌తో పాటు డిస్కవర్ ఫీడ్‌ను తమ అభిరుచులకు అనుగుణంగా మార్చుకునే కంట్రోల్స్, ఆండ్రాయిడ్ యూజర్ల కోసం వ్యక్తిగతీకరించిన ఆడియో న్యూస్ బ్రీఫింగ్‌లను ప్రవేశపెట్టింది.
హిందూ సంప్రదాయంలో అత్యంత పవిత్రమైన మాసాల్లో శ్రావణ మాసానికి ప్రత్యేక స్థానం ఉంది. శ్రీ మహావిష్ణువు, మహాలక్ష్మి, పరమశివుడిని ఆరాధించేందుకు ఈ మాసం ఎంతో విశిష్టమైనదిగా భావిస్తారు. 2026లో తెలుగు శ్రావణ మాసం ఆగస్టు 13న ప్రారంభం కానుంది.
హైదరాబాద్‌లోని కోకాపేట్ గోల్డెన్ మైల్‌లో ట్రంప్ బ్రాండ్‌తో భారీ లగ్జరీ రెసిడెన్షియల్ ప్రాజెక్ట్ రూపుదిద్దుకోనుంది. రెండు 65 అంతస్తుల టవర్లలో 450 లగ్జరీ అపార్ట్‌మెంట్లు నిర్మించనున్నారు. సుమారు రూ.2,000 కోట్ల పెట్టుబడితో చేపట్టనున్న ఈ ప్రాజెక్ట్ దక్షిణ భారతంలో ట్రంప్ బ్రాండ్‌కు తొలి అడుగుగా నిలవనుంది.
భారత్‌కు చెందిన రేణు ధరియాల్ అరుదైన ఘనత సాధించారు. ప్రపంచంలోనే అత్యంత పొడవైన జుట్టు కలిగిన మహిళగా గిన్నిస్ వరల్డ్ రికార్డులో చోటు సంపాదించారు. ఉత్తరాఖండ్‌లోని హల్ద్వానీలో కొలిచిన ఆమె జుట్టు పొడవు 8 అడుగుల 10 అంగుళాలు గా నమోదైంది.
చాలా మంది పెట్టుబడులు పెట్టాలని భావించినప్పటికీ.. ఎక్కడ పెట్టుబడి పెడితే మంచి లాభాలు వస్తాయి, ఏ పథకం సురక్షితం అనే సందేహాలతో చాలా మంది వెనుకడుగు వేస్తుంటారు. ఇప్పుడు డిజిటల్ పేమెంట్స్ ప్లాట్‌ఫామ్ ఫోన్‌పే వినియోగదారుల కోసం కొత్తగా డైలీ రికరింగ్ డిపాజిట్ (RD), డిజిటల్ ఫిక్స్‌డ్ డిపాజిట్ (FD) సేవలను ప్రారంభించింది.
ఆంధ్రప్రదేశ్‌లోని ఎన్టీఆర్ జిల్లా నందిగామలో ఇటీవల కురిసిన వర్షాల తర్వాత పసుపు రంగు కప్పలు కనిపించి స్థానికులను ఆశ్చర్యానికి గురిచేశాయి. కొందరు ఫోటోలు తీసి సోషల్ మీడియాలో పోస్ట్ చేయడంతో ఈ ఫోటోలు, వీడియోలు ప్రస్తుతం వైరల్ అవుతున్నాయి.
పిల్లలు పుట్టినప్పటి నుండి వారికి 18 ఏళ్లు నిండే వరకు పెంచడానికి ఎంత ఖర్చవుతుందనే ప్రశ్నకు సమాధానమిచ్చేలా సోషల్ మీడియాలో ఒక వీడియో ప్రస్తుతం అందరి దృష్టిని ఆకర్షించింది.
Mysuru Chamundi Jayanti | కొండపై కొలువైన శక్తి స్వరూపిణి చాముండేశ్వరి అమ్మవారి జయంతి వేడుకలకు మైసూరు ముస్తాబైంది. ఈనెల 5న సప్తమి సందర్భంగా జరిగే ఉత్సవాలకు ఆలయాన్ని సర్వాంగ సుందరంగా అలంకరిస్తున్నారు. ప్రత్యేక పూజలు, అభిషేకాలు, అర్చనలకు ఏర్పాట్లు చేస్తున్నారు. దేశం నలుమూలల నుంచి తరలిరానున్న భక్తుల రాకతో చాముండి కొండ ఆధ్యాత్మిక శోభను సంతరించుకోనుంది.
తెలంగాణ ఉద్యమం కోసం ఏకంగా పెళ్లినే త్యాగం చేసిన నాయకుడు... స్వరాష్ట్రం వచ్చేవరకు బ్రహ్మచర్యం పాటిస్తానని శపథం చేసిన వ్యక్తి... ఉద్యమం గెలిచిన తర్వాతే తిరుమలలో వివాహం చేసుకున్న నాయకుడు... అలాంటి బీఆర్ఎస్ సీనియర్ నేత, నర్సంపేట మాజీ ఎమ్మెల్యే పెద్ది సుదర్శన్ రెడ్డి ఇక లేరు. ఆయన మరణంతో తెలంగాణ రాజకీయాల్లో విషాదం నెలకొంది. అసలు పెద్ది సుదర్శన్ రెడ్డి ఎవరు? తెలంగాణ కోసం ఎందుకు అలాంటి శపథం చేశారు? ఆయన రాజకీయ ప్రస్థానం ఎలా సాగింది? ఇప్పుడు పూర్తి వివరాలు తెలుసుకుందాం.
Golden City of India | బంగారు గనులు లేకున్నా ‘గోల్డెన్ సిటీ’గా ప్రపంచవ్యాప్తంగా గుర్తింపు పొందిన జైసల్మేర్ ప్రత్యేకత ఏమిటి? ఎడారి ఒడిలో బంగారంలా మెరిసే కట్టడాల వెనుక ఆసక్తికరమైన కథ ఇదే.
తెలుగు పంచాంగం ప్రకారం, ప్రతి ఏడాది ఆషాఢంలో వచ్చే పౌర్ణమిని గురు పూర్ణిమ లేదా వ్యాస పూర్ణిమ అంటారు. అందుకే ఈరోజు గురువుకు ప్రత్యేక పూజలు చేస్తారు.
హర్యానాకు చెందిన షర్మిల ధన్‌కర్ కామన్‌వెల్త్ క్రీడల్లో స్వర్ణ పతకాన్ని గెలిచి ఎంతోమందికి స్ఫూర్తిదాయకంగా నిలిచింది. జీవితంలో ఎంతటి కష్టాలు వచ్చినా ఆత్మవిశ్వాసం, పట్టుదల ఉంటే అసాధ్యమేమీ లేదని నిరూపించింది.
ఢిల్లీలో జరిగిన సీజేపీ విద్యార్థి నిరసనల మధ్య ఓ ఆర్ఏఎఫ్ అధికారిణి పేరు సోషల్ మీడియాలో ట్రెండింగ్‌గా మారింది. డ్యూటీలో గాయపడిన ఘటన కంటే, ఇన్‌స్టాగ్రామ్‌లో చేసిన ఒక పోస్టు, ఆ తర్వాత జరిగిన పరిణామాలే సోనియా సెహ్రావత్‌ను వార్తల్లో నిలిపాయి.
వర్షం కురుస్తోంది.. పోలీస్ వ్యాన్ ముందుకు దూసుకెళ్తోంది.. అందరూ చూస్తుండగానే ఓ యువతి ఒక్కసారిగా వ్యాన్‌కు అడ్డంగా నిలిచింది. కొద్ది క్షణాల్లోనే ఆ దృశ్యం దేశవ్యాప్తంగా వైరల్ అయింది. NEET-UG 2026 పేపర్ లీక్ నిరసనల్లో కనిపించిన ఆ యువతి ఎవరు? ఎందుకు అలా చేసింది? ఇప్పుడు సోషల్ మీడియాలో అందరూ వెతుకుతున్న పేరు రియా అహిర్.
తెలుగు పంచాంగం ప్రకారం, ఆషాఢ మాసంలో కొత్తగా వివాహం చేసుకున్న జంటలకు ఎడబాటు తప్పనిసరి అని పెద్దలు, పండితులు చెబుతున్నారు. కొన్ని ఆచారాల ప్రకారం అత్తాకోడలు కూడా కలిసి ఉండకూడదట. అయితే దీని వెనుక ఉన్న శాస్త్రీయ కారణాలేంటో ఇప్పుడు తెలుసుకుందాం.
ఒకే గదిలో నలుగురు కలిసి కూర్చున్నా.. దోమలు మాత్రం కొందరినే ఎక్కువగా కుడుతుంటాయి. దీంతో "దోమలు నన్నే ఎందుకు ఎక్కువగా కుడుతున్నాయి?" అనే సందేహం చాలామందికి వస్తుంది. ఇది యాదృచ్ఛికం కాదని, మన శరీరంలో జరిగే కొన్ని సహజ ప్రక్రియలే దీనికి కారణమని ఆరోగ్య నిపుణులు చెబుతున్నారు.
హైదరాబాద్‌కు కేవలం 78 కిలోమీటర్ల దూరంలో ఉన్న అనంతగిరి హిల్స్ వీకెండ్ ట్రిప్‌కు అద్భుతమైన ప్రదేశం. పచ్చని కొండలు, దట్టమైన అడవులు, ట్రెక్కింగ్, ఆలయాలు, సరస్సులతో ప్రకృతి ప్రేమికులను ఆకట్టుకునే ఈ హిల్ స్టేషన్ విశేషాలు తెలుసుకోండి.
"అష్ట" అంటే ఎనిమిది. శరీరంలోని 8 అంగాలతో చేసే నమస్కారం కాబట్టి దీన్ని అష్టాంగ నమస్కారం అంటారు. సాష్టాంగ నమస్కారం అని కూడా అంటారు.
రామప్ప గుడిగా పిలిచే రుద్రేశ్వర స్వామి ఆలయం తెలంగాణలోని ములుగు జిల్లా పాలంపేట గ్రామంలో ఉంది. ఇది హైదరాబాద్‌కి 200 కిలోమీటర్లు, వరంగల్‌కి 70 కిలోమీటర్ల దూరంలో ఉంటుంది. రామప్ప ఆలయ గోపురం తేలికైన ఇటుకలతో రూపొందించారు. ఈ ఇటుకలను ప్రత్యేకమైన మట్టితోపాటు ఏనుగులద్దె, అడవి మొక్కల జిగురు, ఊకపొట్టు, మరికొన్ని పదార్థాలు కలిపి తయారు చేశారు.
Bonalu Festival 2026: తెలంగాణ రాష్ట్ర పండుగ, సాంస్కృతి వైభవానికి ప్రతీక అయిన ఆషాఢ మాసం బోనాలు జాతర సంబరాలు మొదలుకానున్నాయ్. ఈ ఏడాది ఆషాడ మాసం జూలై 15న ప్రారంభమై..ఆగష్టు 12 తో ముగియనుంది.