#Government Jobs

ఉత్తరప్రదేశ్‌కు చెందిన విజయ్ కుమార్ శర్మ పట్టుదలతో అసాధ్యాన్ని సుసాధ్యం చేశారు. 1999 నుంచి ప్రభుత్వ ఉపాధ్యాయ ఉద్యోగం కోసం ప్రయత్నిస్తున్న ఆయన.. 27 ఏళ్ల సుదీర్ఘ నిరీక్షణ అనంతరం 59 ఏళ్ల వయసులో ప్రభుత్వ టీచర్‌గా నియమితులయ్యారు. పలుమార్లు పరీక్షల్లో ఉత్తీర్ణత సాధించినా, ఇంటర్వ్యూల వద్ద ఎదురైన నిరాశలను అధిగమించి చివరకు తన చిరకాల స్వప్నాన్ని సాకారం చేసుకున్నారు.

తెలంగాణలోని ప్రభుత్వ డిగ్రీ కళాశాలల్లో ఖాళీగా ఉన్న 544 అధ్యాపక, లైబ్రేరియన్‌, ఫిజికల్‌ డైరెక్టర్‌ పోస్టుల భర్తీకి టీజీపీఎస్సీ కసరత్తు చేస్తోంది. కొత్త ప్రభుత్వ ఉత్తర్వుల ప్రకారం ఎంపిక విధానంలో మార్పులు చేయనున్నారు. అకడమిక్‌ ప్రతిభకు 50 మార్కులు, రాత పరీక్షకు 40, ఇంటర్వ్యూకు 10 మార్కుల చొప్పున మొత్తం 100 మార్కులతో ఎంపిక చేపట్టే అవకాశం ఉంది.

ప్రభుత్వ ఉద్యోగం కోసం ఎదురుచూస్తున్న అభ్యర్థులకు NCRTC గుడ్‌న్యూస్ చెప్పింది. సూపర్‌వైజర్-I, జూనియర్ మెయింటెయినర్ పోస్టుల భర్తీకి నోటిఫికేషన్ విడుదల చేసింది. మొత్తం 90 ఖాళీలకు సెప్టెంబర్ 10 నుంచి అక్టోబర్ 9, 2026 వరకు ఆన్‌లైన్‌లో దరఖాస్తులు స్వీకరించనుంది. అర్హత, వయోపరిమితి, జీతం, ఎంపిక ప్రక్రియ వివరాలు ఇవే.

ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (APPSC) భారీగా ఉద్యోగ నోటిఫికేషన్లు విడుదల చేసింది. గ్రూప్‌-1లో 163 పోస్టులతో పాటు వివిధ శాఖల్లో మొత్తం 729 పోస్టుల భర్తీకి నోటిఫికేషన్లు జారీ చేసింది. పోస్టుల వారీగా అర్హతలు, ఇతర వివరాలను కమిషన్‌ అధికారిక వెబ్‌సైట్‌లో అందుబాటులో ఉంచింది.

కేంద్ర ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు స్టాఫ్ సెలక్షన్ కమిషన్ (SSC) గుడ్‌న్యూస్ అందించింది. SSC CHSL 2026 నోటిఫికేషన్ విడుదల చేసి వివిధ కేంద్ర ప్రభుత్వ సంస్థలు, మంత్రిత్వ శాఖలు, కార్యాలయాల్లో 2,536 పోస్టుల భర్తీకి దరఖాస్తులు ఆహ్వానించింది. ఇంటర్‌ ఉత్తీర్ణులైన అభ్యర్థులు అక్టోబర్‌ 7, 2026 వరకు ఆన్‌లైన్‌లో అప్లై చేసుకోవచ్చు.

కేంద్ర ప్రభుత్వ ఉద్యోగాల కోసం ఎదురుచూస్తున్న ఇంజినీరింగ్ అభ్యర్థులకు స్టాఫ్ సెలక్షన్ కమిషన్ (SSC) శుభవార్త చెప్పింది. SSC JE Recruitment 2026 కింద మొత్తం 1,748 జూనియర్ ఇంజినీర్ పోస్టుల భర్తీకి నోటిఫికేషన్ విడుదల చేసింది.

తెలంగాణలో పోలీస్ ఉద్యోగాల కోసం సిద్ధమవుతున్న అభ్యర్థులకు పోలీస్ నియామక మండలి కీలక శుభవార్త అందించింది. 7,437 ఎస్సై, కానిస్టేబుల్ తదితర పోస్టుల భర్తీకి దరఖాస్తు గడువును పొడిగించింది. ముందుగా సెప్టెంబర్ 9తో ముగియాల్సిన గడువును సెప్టెంబర్ 16 సాయంత్రం 5 గంటల వరకు పొడిగిస్తూ నిర్ణయం తీసుకుంది.

కరీంనగర్‌లో నిర్వహించిన బీఆర్ఎస్ యువభేరి సభలో పార్టీ వర్కింగ్ ప్రెసిడెంట్, మాజీ మంత్రి కేటీఆర్ సీఎం రేవంత్ రెడ్డిపై తీవ్ర విమర్శలు చేశారు. యువతకు ఉద్యోగాలు, నోటిఫికేషన్లు లేవని ఆరోపించిన ఆయన.. కాంగ్రెస్ ఇచ్చిన హామీలపై నిలదీశారు. ఉద్యోగాల కల్పనపై కాంగ్రెస్‌తో బహిరంగ చర్చకు సిద్ధమని సవాల్ విసిరారు.

రంగారెడ్డి జిల్లాలో అంగన్‌వాడీ ఉద్యోగాల కోసం ఎదురుచూస్తున్న మహిళా అభ్యర్థులకు శుభవార్త. జిల్లాలోని 7 ఐసీడీఎస్‌ ప్రాజెక్టుల పరిధిలో ఖాళీగా ఉన్న 125 అంగన్‌వాడీ టీచర్‌, ఆయా పోస్టుల భర్తీకి నోటిఫికేషన్‌ విడుదలైంది. పూర్తి వివరాలు...

10వ తరగతి పాసైన వారికి పోస్టల్ శాఖ గుడ్‌న్యూస్ చెప్పింది. దేశవ్యాప్తంగా గ్రామీణ డాక్ సేవక్ (GDS) పోస్టుల భర్తీకి 23,757 ఖాళీలతో నోటిఫికేషన్ విడుదల చేసింది. ఇందులో తెలంగాణ సర్కిల్‌లో 419, ఆంధ్రప్రదేశ్‌లో 918 పోస్టులు ఉన్నాయి. రాత పరీక్ష లేకుండా పదో తరగతిలో సాధించిన మార్కుల ఆధారంగా అభ్యర్థులను ఎంపిక చేయనున్నారు.

పోస్టల్ శాఖలో గ్రామీణ డాక్ సేవక్ (GDS) ఉద్యోగాల భర్తీకి నోటిఫికేషన్ విడుదలైంది. దేశవ్యాప్తంగా పోస్టల్ సర్కిళ్లలో బ్రాంచ్ పోస్ట్ మాస్టర్ (BPM), అసిస్టెంట్ బ్రాంచ్ పోస్ట్ మాస్టర్ (ABPM), డాక్ సేవక్ పోస్టులను భర్తీ చేయనున్నారు. ఈ ఉద్యోగాలకు రాత పరీక్ష ఉండదు. 10వ తరగతిలో సాధించిన మార్కుల ఆధారంగా అభ్యర్థులను ఎంపిక చేస్తారు. ఏపీలో 918, తెలంగాణలో 419 పోస్టులు ఉన్నాయి.

బ్యాంకు ఉద్యోగాల కోసం ఎదురుచూస్తున్న అభ్యర్థులకు బ్యాంక్ ఆఫ్ బరోడా గుడ్‌న్యూస్ చెప్పింది. దేశవ్యాప్తంగా 2,482 లోకల్ బ్యాంక్ ఆఫీసర్ (LBO) పోస్టుల భర్తీకి నోటిఫికేషన్ విడుదల చేసింది. అర్హత ఉన్న అభ్యర్థులు సెప్టెంబర్ 7, 2026 వరకు ఆన్‌లైన్‌లో దరఖాస్తు చేసుకోవచ్చు.

ప్రభుత్వ రంగ సంస్థ ఇండియన్ ఆయిల్ కార్పొరేషన్ లిమిటెడ్ (IOCL) భారీ ఉద్యోగ నోటిఫికేషన్ విడుదల చేసింది. బీటెక్, డిప్లొమా, ఎంబీఏ, ఎల్‌ఎల్‌బీ, పీజీ వంటి అర్హతలు ఉన్న అభ్యర్థులు ఈ పోస్టులకు దరఖాస్తు చేసుకోవచ్చు. ఆన్‌లైన్ దరఖాస్తులకు 2026 సెప్టెంబర్ 3 చివరి తేదీ.

JSSC-CGL పరీక్ష రద్దు నిర్ణయాన్ని వ్యతిరేకిస్తూ రాంచీలో నియమిత ప్రభుత్వ ఉద్యోగులు నిరసన చేపట్టారు. తమ వాదన వినలేదని ఆవేదన వ్యక్తం చేశారు.

మొదటి భార్యకు చట్టపరంగా విడాకులు ఇవ్వకుండా రెండో పెళ్లి చేసుకునే ప్రభుత్వ ఉద్యోగులపై కఠిన చర్యలు తీసుకుంటామని అస్సాం సీఎం హిమంత బిశ్వ శర్మ హెచ్చరించారు. అలాంటి ఉద్యోగుల జీతంలో 20 శాతం కోత విధించి, ఆ మొత్తాన్ని మొదటి భార్య బ్యాంక్ ఖాతాలో జమ చేస్తామని ప్రకటించారు.

తెలంగాణలో ఉద్యోగాల కోసం ఎదురుచూస్తున్న నిరుద్యోగులకు సీఎం రేవంత్ రెడ్డి కీలక హామీ ఇచ్చారు. ఇకపై ప్రతి ఆరు నెలలకు ఒకసారి ఉద్యోగ నోటిఫికేషన్లు జారీ చేసి పోటీ పరీక్షలు నిర్వహిస్తామని ప్రకటించారు. ఏ ఉద్యోగ ఖాళీని కూడా నిర్లక్ష్యం చేయబోమని స్పష్టం చేశారు.

తెలంగాణ పోలీస్ ఉద్యోగాల కోసం ఎదురుచూస్తున్న అభ్యర్థులకు ప్రభుత్వం శుభవార్త అందించింది. పోలీస్ శాఖలోని పలు ఉద్యోగాలకు గరిష్ట వయోపరిమితిని మరో రెండేళ్లు సడలిస్తూ ప్రభుత్వం ఉత్తర్వులు జారీ చేసింది. దీంతో ఇప్పటికే ఉన్న ఐదేళ్ల సడలింపుతో కలిపి మొత్తం ఏడేళ్ల వరకు వయోపరిమితి రిలాక్సేషన్ లభించనుంది.

జార్ఖండ్‌లో పరీక్షల అక్రమాల ఆరోపణలపై జార్ఖండ్ పబ్లిక్ సర్వీస్ కమిషన్ (JPSC) మాజీ చైర్‌పర్సన్ ఎల్. ఖియాంగ్తేను రాష్ట్ర సీఐడీ సోమవారం అరెస్ట్ చేసింది.

హైడ్రాలో డ్రైవర్ ఉద్యోగాల భర్తీ కోసం నిర్వహిస్తున్న రిక్రూట్‌మెంట్ ప్రక్రియకు నిరుద్యోగులు భారీగా తరలిరావడంతో హైదరాబాద్‌లోని సరూర్‌నగర్ స్టేడియం వద్ద తీవ్ర గందరగోళం నెలకొంది. వేలాది మంది అభ్యర్థులు తెల్లవారుజామున నుంచే స్టేడియానికి చేరుకోవడంతో తోపులాట జరిగింది.

కేంద్ర గణాంకాలు & కార్యక్రమ అమలు మంత్రిత్వ శాఖ (MoSPI) 2026-27 నేషనల్ ఇంటర్న్‌షిప్ ఇన్ అఫీషియల్ స్టాటిస్టిక్స్ (NIOS) ఫేజ్-2 కింద 240 ఇంటర్న్‌షిప్‌లకు దరఖాస్తులు ఆహ్వానించింది.

కాక్రోచ్ జనతా పార్టీ స్ఫూర్తితో తెలంగాణలో నిరుద్యోగ యువత 'తెలంగాణ ఎండ్రిన్ పార్టీ' పేరుతో కొత్త రాజకీయ వేదికను ప్రకటించింది. 2 లక్షల ప్రభుత్వ ఉద్యోగాల భర్తీ, జాబ్ క్యాలెండర్, 20 వేల పోలీస్ పోస్టుల నోటిఫికేషన్, మెగా డీఎస్సీ నిర్వహణ వంటి ప్రధాన డిమాండ్లతో ఉద్యమం చేపట్టనున్నట్లు తెలిపింది.

దేశ సేవ చేయాలనే లక్ష్యంతో ఉన్న మహిళా అభ్యర్థులకు ఇండియన్ ఆర్మీ గుడ్ న్యూస్ చెప్పింది. ఎన్‌సీసీ స్పెషల్ ఎంట్రీ స్కీమ్–125వ కోర్సు కోసం నోటిఫికేషన్ విడుదల చేసింది. అర్హత కలిగిన అవివాహిత మహిళలు ఈ అవకాశాన్ని సద్వినియోగం చేసుకుని భారత సైన్యంలో అధికారులుగా చేరే అవకాశం పొందనున్నారు.

ప్రభుత్వ ఉద్యోగం కోసం సిద్ధమవుతున్న అభ్యర్థులకు శుభవార్త. తక్కువ పోటీతో పాటు నెలకు లక్ష రూపాయలకు పైగా వేతనం అందించే RBI, NABARD, SEBI, IRDAI, PFRDA వంటి కేంద్ర ప్రభుత్వ ఉద్యోగాల వివరాలు తెలుసుకోండి.