#Irrigation

ఉత్తర తెలంగాణ, ఆదిలాబాద్ ప్రాంతాల్లో సాగునీటి కొరతను తీర్చేందుకు దివంగత కాకా వెంకటస్వామి కన్న కలను సాకారం చేయడమే లక్ష్యంగా ప్రాణహిత-చేవెళ్ల ప్రాజెక్టును ముందుకు తీసుకెళ్లేందుకు కట్టుబడి ఉన్నామని పెద్దపల్లి ఎంపీ గడ్డం వంశీకృష్ణ తెలిపారు. మహారాష్ట్రకు సంబంధించిన అంశాలు, అవసరమైన అనుమతులు, సాంకేతిక సమస్యల పరిష్కారంపై ప్రత్యేక దృష్టి సారిస్తున్నట్లు వెల్లడించారు.

మాజీ రాజ్యసభ సభ్యుడు విజయసాయిరెడ్డి కొత్తగా ఏర్పాటు చేయబోయే ప్రాంతీయ పార్టీ విధివిధానాలను వెల్లడించారు. యువతకు 66 శాతం రాజకీయ ప్రాతినిధ్యం, రైతులు-గృహ వినియోగదారులకు ఉచిత విద్యుత్, పెట్రో ఉత్పత్తులపై పన్నుల తగ్గింపు, నీటి నిల్వ సామర్థ్యాన్ని 3,000 టీఎంసీలకు పెంపు, విద్య-ఉద్యోగాలపై దృష్టి వంటి ఐదు ప్రధాన అంశాలను తమ పార్టీ మేనిఫెస్టోగా పేర్కొన్నారు.

మూడు దశాబ్దాలుగా ఎదురుచూస్తున్న వెలిగొండ ప్రాజెక్టు కల సాకారమైంది. ముఖ్యమంత్రి చంద్రబాబు నాయుడు సోమవారం వెలిగొండ ప్రాజెక్టు తొలి దశను జాతికి అంకితం చేశారు. నల్లమల కొండల్లోని జంట సొరంగాల నుంచి వెలువడిన కృష్ణా జలాలకు జలహారతి ఇచ్చి స్వాగతించిన సీఎం.. అనంతరం నల్లమల సాగర్‌కు నీటిని విడుదల చేశారు. తొలి దశలో 10.70 టీఎంసీల కృష్ణా జలాలను తరలించి 1.19 లక్షల ఎకరాలకు సాగునీరు, 4 లక్షల మందికి తాగునీరు అందించనున్నట్లు తెలిపారు.

సెప్టెంబర్ 7 నుంచి తెలంగాణ అసెంబ్లీ సమావేశాలు ప్రారంభం కానున్నాయని సీఎం రేవంత్ రెడ్డి తెలిపారు. సచివాలయంలో మంత్రులు, ఎమ్మెల్యేలు, ఎమ్మెల్సీలు, ఎంపీలతో నిర్వహించిన సమావేశంలో అసెంబ్లీ సమావేశాలతో పాటు నియోజకవర్గాల అభివృద్ధి, సాగునీటి ప్రాజెక్టుల పెండింగ్ పనులపై సీఎం కీలక సూచనలు చేశారు.

దేవరుప్పుల, కొడకండ్ల మండలాలకు సాగునీరు విడుదల చేయాలని డిమాండ్ చేస్తూ మాజీ మంత్రి ఎర్రబెల్లి దయాకర్‌రావు చేపట్టిన కాలువ బాట ఉద్రిక్తంగా మారింది. సింగరాజుపల్లి గ్రామంలో ధర్నాకు దిగిన ఎర్రబెల్లిని పోలీసులు అరెస్ట్ చేసి దేవరుప్పుల పోలీస్ స్టేషన్‌కు తరలించారు.

వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.

ఎల్లంపల్లి, దేవాదుల, సీతారామ ప్రాజెక్టుల నుంచి సాధ్యమైనంత మేర నీటిని ఎత్తిపోసేలా చర్యలు చేపట్టాలని సీఎం రేవంత్‌రెడ్డి ఆదేశించారు. ముంపు గ్రామాలకు తక్షణ పరిహారం చెల్లించి బస్వాపూర్‌, గౌరవెల్లి ప్రాజెక్టుల్లో నీరు నింపేలా చూడాలన్నారు.

తెలంగాణ నీటి హక్కుల విషయంలో రాష్ట్ర ప్రభుత్వం ఎలాంటి రాజీ పడబోదని నీటిపారుదల శాఖ మంత్రి ఎన్. ఉత్తమ్ కుమార్ రెడ్డి స్పష్టం చేశారు. బీఆర్‌ఎస్ హయాంలో రాష్ట్ర ప్రయోజనాలను పట్టించుకోకుండా ఇప్పుడు అసత్య ప్రచారాలు చేస్తున్నారని మాజీ మంత్రి హరీశ్ రావుపై తీవ్ర స్థాయిలో విమర్శలు గుప్పించారు. ముందుగా కాళేశ్వరం ప్రాజెక్టులో ముడుపుల ఆరోపణలపై సమాధానం చెప్పాలని డిమాండ్ చేశారు.

తుమ్మిడిహెట్టి ప్రాజెక్టు ఎత్తును 150 మీటర్లకు పెంచేందుకు మహారాష్ట్రతో చర్చలు జరపాలని సీఎం రేవంత్ రెడ్డి కేంద్ర జల్ శక్తి మంత్రి సీఆర్ పాటిల్‌ను కోరారు. గ్రావిటీ ద్వారా నీటి సరఫరా, ముంపు ప్రభావం, ప్రాజెక్టు ప్రయోజనాలపై కీలకంగా చర్చించారు.

ఆగస్టు 18 GRMB భేటీకి ముందు హరీశ్ రావు కీలక ఆరోపణలు చేశారు. తెలంగాణ ప్రాజెక్టులు, సమ్మక్క సాగర్, 968 టీఎంసీల జల హక్కులపై ప్రభుత్వాన్ని ప్రశ్నించారు.

తెలంగాణలో చెరకు సాగు విస్తీర్ణాన్ని పెంచి చక్కెర పరిశ్రమలను పునరుద్ధరించేందుకు సమగ్ర కార్యాచరణ రూపొందించాలని సీఎస్ సంజయ్ జాజు అధికారులను ఆదేశించారు. ఇతర రాష్ట్రాల ప్రోత్సాహక విధానాలపై అధ్యయనం చేసి నివేదిక సమర్పించాలని సూచించారు.

పాలమూరు-రంగారెడ్డి, సీతమ్మసాగర్, గౌరవెల్లి ప్రాజెక్టుల పర్యావరణ అనుమతులపై సుప్రీంకోర్టు తీర్పును మంత్రి తుమ్మల నాగేశ్వరరావు స్వాగతించారు. సీతమ్మసాగర్ ప్రాజెక్టు ద్వారా సాగునీరు, జలవిద్యుత్, భూగర్భ జలాల పెంపు, వరద నియంత్రణ వంటి ప్రయోజనాలను వివరించారు.

ఏలేరు ఆయకట్టు పరిధిలోని రైతులకు ఖరీఫ్ సీజన్‌లో సాగునీటి కొరత లేకుండా చర్యలు చేపట్టాలని ఏపీ ఉప ముఖ్యమంత్రి పవన్ కళ్యాణ్ ఆదేశించారు. ఆయన సూచనల మేరకు పిఠాపురం, పెద్దాపురం, జగ్గంపేట నియోజకవర్గాల్లోని సుమారు 53 వేల ఎకరాల ఆయకట్టుకు 1000 క్యూసెక్కుల నీటిని విడుదల చేసేందుకు ప్రత్యేక ప్రణాళిక సిద్ధం చేశారు.

కృష్ణా జలాల అంశంపై బీఆర్ఎస్ నేతలు చేస్తున్న విమర్శలను తెలంగాణ పశుసంవర్ధక, పాడి పారిశ్రామికాభివృద్ధి, మత్స్య, యువజన సర్వీసులు & క్రీడల శాఖ మంత్రి వాకిటి శ్రీహరి తీవ్రంగా ఖండించారు. పాలమూరు ప్రజలను మరోసారి తప్పుదోవ పట్టించే రాజకీయాలు మానుకోవాలని సూచించిన ఆయన, గత ప్రభుత్వ హయాంలో కర్ణాటకలో ఆనకట్టలు నిర్మించినప్పుడు ఒక్కసారి కూడా ప్రశ్నించని వారు ఇప్పుడు ప్లకార్డులు పట్టుకుని డ్రామాలు చేస్తున్నారని విమర్శించారు.

గోదావరి, కృష్ణా నదుల్లో నీళ్లు ఉన్నా రైతులకు అందించడం లేదని మాజీ మంత్రి హరీశ్‌రావు ప్రభుత్వంపై తీవ్ర విమర్శలు చేశారు. మూడు నెలలు ఇరిగేషన్ శాఖ తనకు అప్పగిస్తే పరిస్థితి మార్చి చూపిస్తానని సీఎం రేవంత్ రెడ్డికి సవాల్ విసిరారు.