All latest stories, breaking news, analysis, and multimedia updates tagged with #Nepal Disaster.
భారీ వరదలతో తీవ్రంగా నష్టపోయిన నేపాల్‌కు భారత్‌ అందిస్తున్న సహాయంపై ఆ దేశ ఆరోగ్య శాఖ మంత్రి నిషా మెహతా ప్రశంసలు కురిపించారు. కష్టసుఖాల్లో భారత్‌ ఎప్పుడూ నేపాల్‌కు అండగా నిలుస్తుందని పేర్కొన్నారు. వరదల్లో మృతి చెందిన వారి గుర్తింపునకు డీఎన్‌ఏ పరీక్షల విషయంలో భారత్‌ నిపుణుల బృందం అందిస్తున్న సహకారం ఎంతో కీలకంగా మారిందని తెలిపారు.
హిమాలయ ప్రాంతంలో పెరుగుతున్న ఉష్ణోగ్రతలే నేపాల్‌లో సంభవించిన భారీ ఫ్లాష్‌ ఫ్లడ్స్‌కు ప్రధాన కారణమని ఆ దేశ ప్రధాని బాలేంద్ర షా తెలిపారు. హిమాలయాల్లో ఉష్ణోగ్రతలు 1.8 డిగ్రీల మేర పెరిగాయని వెల్లడించారు.
నేపాల్‌లో గతవారం సంభవించిన ఆకస్మిక వరదలు, కొండచరియల విరిగిపడటంతో భారీ ప్రాణనష్టం చోటుచేసుకుంది. అధికారిక లెక్కల ప్రకారం నేపాల్‌లో 987 మంది, టిబెట్‌లో 16 మంది మృతి చెందగా.. 4,700 మందికిపైగా గల్లంతయ్యారు. ప్రభావిత ప్రాంతాల్లో రెస్క్యూ ఆపరేషన్స్ కొనసాగుతున్నాయి.
నేపాల్‌లో ఆగస్టు 26న సంభవించిన మెరుపు వరదలకు కారణమైన భారీ మంచు గడ్డ విరిగిపడిన దృశ్యాలు తాజాగా వెలుగులోకి వచ్చాయి. చైనాకు చెందిన ఫోటోగ్రాఫర్ డ్రోన్ కెమెరాలో అనుకోకుండా రికార్డైన ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.
నేపాల్ వరదల్లో చిక్కుకుని తృటిలో ప్రాణాపాయం నుంచి బయటపడ్డ 28 మంది కైలాస్ మానస సరోవర్ యాత్రికులు శనివారం స్వస్థలాలకు చేరుకున్నారు. కేవలం పది నిమిషాల ఆలస్యం, టీ తాగేందుకు తీసుకున్న చిన్న విరామం తమ ప్రాణాలను కాపాడాయని వారు తెలిపారు.
నేపాల్‌ను కుదిపేసిన ఆకస్మిక వరదలు పెను విషాదాన్ని మిగిల్చాయి. ఇప్పటివరకు సుమారు 734 మృతదేహాలను సహాయక బృందాలు వెలికితీయగా.. గుర్తుతెలియని, ఎవరూ క్లెయిమ్ చేయని మృతదేహాలను ఖననం చేయాలని ప్రభుత్వం నిర్ణయించింది.
నేపాల్‌లో మరోసారి భారీ వరదలు బీభత్సం సృష్టించాయి. ఆదివారం ఉదయం త్రిశూలీ నది ఉగ్రరూపం దాల్చడంతో ధాదింగ్, గూర్ఖా జిల్లాలను కలిపే కీలక సస్పెన్షన్ బ్రిడ్జి వరద ప్రవాహంలో కొట్టుకుపోయింది. మరోవైపు అప్పర్ త్రిశూలీ-3ఏ ప్రాజెక్టు వద్ద నీటిమట్టం భారీగా పెరగడంతో సహాయక, రికవరీ చర్యలకు అధికారులు హెలికాప్టర్లను రంగంలోకి దించారు.
నేపాల్‌లో ఆకస్మిక వరదలు, కొండచరియలు విరిగిపడటంతో భారీ ప్రాణ, ఆస్తి నష్టం సంభవించింది. చుట్టుపక్కల అనేక ఇళ్లు, నిర్మాణాలు వరద ప్రవాహంలో కొట్టుకుపోయినా.. ఓ భవనం మాత్రం చెక్కుచెదరకుండా నిలిచింది. అందులో ఉన్నవారు సైతం క్షేమంగా బయటపడటంతో, ఈ ఘటనకు సంబంధించిన వీడియోలు సోషల్ మీడియాలో వైరల్‌గా మారాయి.
నేపాల్-టిబెట్ సరిహద్దులో సంభవించిన భారీ వరదలు తీవ్ర విషాదాన్ని మిగిల్చాయి. ఈ ఘటనలో ఇప్పటివరకు 552 మంది మరణించగా.. 1,400 మందికి పైగా గల్లంతయ్యారు. గల్లంతైన వారిలో 178 మంది భారతీయులు ఉన్నట్లు నేపాల్ పోలీసులు వెల్లడించారు. తాజాగా గల్లంతైన వారి జాబితాను విడుదల చేశారు. అయితే, నేపాల్‌లో సుమారు 320 మంది భారతీయుల ఆచూకీ తెలియడం లేదని భారత విదేశాంగ శాఖ తెలిపింది.
నేపాల్‌లో భారీ వరదలు తీవ్ర బీభత్సం సృష్టిస్తున్నాయి. నువాకోట్ జిల్లాలోని త్రిశూలి బజార్‌ను వరద ప్రవాహం ఒక్కసారిగా ముంచెత్తింది. దీంతో ప్రాణాలను అరచేతిలో పెట్టుకున్న స్థానికులు సురక్షిత ప్రాంతాలకు పరుగులు తీశారు. రద్దీగా ఉన్న మార్కెట్ క్షణాల్లోనే బురద, శిథిలాల దిబ్బగా మారిన దృశ్యాలు కలచివేస్తున్నాయి.
నేపాల్‌లో భోటేకోశీ నదికి ఆకస్మికంగా భారీ వరదలు రావడంతో హైదరాబాద్‌ నుంచి పర్యటనకు వెళ్లిన 156 మంది తెలుగు యాత్రికుల బృందంలో 140 మంది ఆచూకీ తెలియకపోవడం తీవ్ర కలకలం రేపుతోంది. మరో 16 మంది అనారోగ్య కారణాలతో హోటల్‌లోనే ఉండిపోవడంతో సురక్షితంగా ఉన్నట్లు సమాచారం. గల్లంతైన వారి కోసం కుటుంబసభ్యులు అధికారులను, టూర్ ఏజెన్సీని సంప్రదిస్తున్నారు.
నేపాల్‌లో ఆకస్మిక వరదలు తీవ్ర విషాదాన్ని మిగిల్చాయి. వరదల తర్వాత కైలాస్ మానస సరోవర్ యాత్రకు వెళ్లిన కోల్‌కతాకు చెందిన 32 మంది సభ్యుల బృందం ఆచూకీ తెలియకపోవడం ఆందోళన కలిగిస్తోంది. ఈ బృందంలో 30 మంది యాత్రికులు, ఇద్దరు టూర్ మేనేజర్లు ఉన్నారు.