#Kavitha

తెలంగాణ రక్షణ సేన అధ్యక్షురాలు కల్వకుంట్ల కవిత వేములవాడలో పర్యటించారు. జనజీవన స్రవంతిలోకి వచ్చిన మాజీ మావోయిస్టులు ప్రజాసేవలోకి రావాలని, తమ పార్టీలో చేరి ప్రజల కోసం పనిచేయాలని ఆమె ఆహ్వానించారు. మరోవైపు వేములవాడ రాజన్న ఆలయ అభివృద్ధి పనులను పరిశీలించిన కవిత ఆలయ పునర్నిర్మాణంలో కాంక్రీట్‌ వినియోగాన్ని వ్యతిరేకించారు.

తెలంగాణలో రెండు గ్రాడ్యుయేట్ ఎమ్మెల్సీ స్థానాలకు ఎన్నికల ప్రక్రియ వేగం పుంజుకుంది. మహబూబ్‌నగర్-రంగారెడ్డి-హైదరాబాద్‌, నల్గొండ-ఖమ్మం-వరంగల్‌ పట్టభద్రుల నియోజకవర్గాలకు కాంగ్రెస్ పార్టీ తమ అభ్యర్థులను ప్రకటించింది. అయితే రెండు స్థానాలకూ రెడ్డి సామాజిక వర్గానికి చెందిన నేతలనే ఎంపిక చేయడంపై తెలంగాణ రక్షణ సేన అధ్యక్షురాలు కవిత తీవ్రంగా స్పందించారు.

బీఆర్‌ఎస్‌ అధినేత కేసీఆర్‌ తీరుతోనే పార్టీ నష్టపోయిందన్న కేటీఆర్‌ వ్యాఖ్యలపై టీఆర్‌ఎస్‌ చీఫ్‌ కవిత తీవ్రంగా స్పందించారు. పార్టీ వైఫల్యాలను కేసీఆర్‌పై నెట్టడం మీ చేతగానితనానికి నిదర్శనమంటూ విమర్శించారు. గుంటనక్క మైండ్‌గేమ్‌లో పడి పెద్దాయననే తప్పుపడుతున్నారని కేటీఆర్‌పై మండిపడ్డారు. ఈ మేరకు మంగళవారం ఎక్స్‌ వేదికగా వరుస వ్యాఖ్యలు చేశారు.

ఖైరతాబాద్ అసెంబ్లీ ఉప ఎన్నికలో తెలంగాణ రక్షణ సేన తరఫున అభ్యర్థిని బరిలోకి దింపుతామని ఆ పార్టీ అధ్యక్షురాలు కల్వకుంట్ల కవిత ప్రకటించారు. దానం నాగేందర్ పార్టీ మార్పుపై అభ్యంతరం వ్యక్తం చేసిన ఆమె ఆదిలాబాద్ రిమ్స్‌లో చిన్నారుల మరణాలు, ప్రభుత్వ వైద్య సేవలు, ఓటర్ల జాబితా సవరణ, తన ఫామ్‌హౌస్‌పై వస్తున్న ఆరోపణలపైనా స్పందించారు.

తెలంగాణలో ప్రజా సమస్యలు పరిష్కారం కాకుండా రాజకీయాలు వ్యక్తిగత విమర్శలు, దూషణలకే పరిమితమవుతున్నాయంటూ తెలంగాణ రక్షణ సేన చీఫ్‌ కల్వకుంట్ల కవిత విమర్శించారు.

తెలంగాణ అసెంబ్లీలో కల్వకుంట్ల కుటుంబానికి చెందిన భూములపై సీఎం రేవంత్ రెడ్డి చేసిన వ్యాఖ్యలకు టీఆర్ఎస్ అధ్యక్షురాలు కల్వకుంట్ల కవిత స్పందించారు. తన ఎన్నికల అఫిడవిట్‌లో పేర్కొన్న ఆస్తుల కంటే ఒక్క గజం భూమి ఎక్కువగా ఉన్నా ప్రభుత్వానికి సరెండర్ చేస్తానని స్పష్టం చేశారు.

ప్రభుత్వ ఉద్యోగులు, ఉపాధ్యాయుల సమస్యల పరిష్కారంపై తెలంగాణ రక్షణ సేన అధ్యక్షురాలు కల్వకుంట్ల కవిత సీఎం రేవంత్ రెడ్డికి అల్టిమేటం జారీ చేశారు. సెప్టెంబర్ 18లోగా ఉద్యోగులకు ఇచ్చిన హామీలను నెరవేర్చాలని, లేదంటే హైదరాబాద్ దిగ్బంధానికి ఉద్యోగ సంఘాలు సిద్ధం కావాలని పిలుపునిచ్చారు.

తాను కూడా సీఎం కావాలని కోరుకుంటున్నానని, అయితే ఆ పదవికి గౌరవం ఉండాలని టీఆర్ఎస్ చీఫ్ కల్వకుంట్ల కవిత అన్నారు.

తెలంగాణ భవన్‌లో నిర్వహించిన ప్రెస్‌మీట్‌లో బీఆర్ఎస్ ఎమ్మెల్సీ డాక్టర్ దాసోజు శ్రవణ్ కాంగ్రెస్ ప్రభుత్వంపై తీవ్రస్థాయిలో విరుచుకుపడ్డారు. మంత్రి పొంగులేటి శ్రీనివాస్ రెడ్డిని ‘వైట్ కాలర్ క్రిమినల్’, రియల్ ఎస్టేట్ మాఫియా నడుపుతున్న వ్యక్తిగా ఆరోపించిన ఆయన.. సీఎం రేవంత్ రెడ్డిపైనా సంచలన వ్యాఖ్యలు చేశారు. కాంగ్రెస్ ప్రభుత్వం ‘సర్కస్ కంపెనీ’లా మారిపోయిందని విమర్శించారు.

కాంగ్రెస్‌తో తాను ఎలాంటి మంతనాలు చేయలేదని మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి స్పష్టం చేశారు. లక్ష్మీనరసింహస్వామి ఆలయంలో ఉండి ఈ మాట చెబుతున్నానని పేర్కొన్న ఆయన.. ఇదే విషయాన్ని కవిత చెప్పగలరా? అని ప్రశ్నించారు. కష్టకాలంలో కేసీఆర్ వెంట ఉన్నది తానేనని, కవిత కాదని వ్యాఖ్యానిస్తూ ఆమె విమర్శలకు ఘాటుగా కౌంటర్ ఇచ్చారు.

తెలంగాణ రక్షణ సేన (టీఆర్ఎస్) అధికారంలోకి వస్తే భూమి లేని నిరుపేద కుటుంబాలకు ఒక్కో కుటుంబానికి ఎకరం చొప్పున భూమి పంపిణీ చేస్తామని పార్టీ అధినేత్రి కల్వకుంట్ల కవిత ప్రకటించారు. ‘భూ లక్ష్మి పథకం’ పేరుతో ఈ కార్యక్రమాన్ని అమలు చేస్తామని తెలిపారు.

నేరెళ్ల ఘటన బాధిత కుటుంబాలను తెలంగాణ రక్షణ సేన పార్టీ అధ్యక్షురాలు కల్వకుంట్ల కవిత పరామర్శించారు. ఈ సందర్భంగా భావోద్వేగానికి గురైన ఆమె, "నాడు అధికారంలో ఉన్న కుటుంబంలో నేను కూడా సభ్యురాలిని.. ప్రజలందరూ నన్ను క్షమించండి" అని వ్యాఖ్యానించారు. బాధితులకు న్యాయం చేయాలని ప్రభుత్వాన్ని డిమాండ్ చేశారు.

తెలంగాణ జాగృతి రాష్ట్ర అధ్యక్షురాలిగా మారిపల్లి మాధవిని సంస్థ వ్యవస్థాపక చైర్‌పర్సన్ కల్వకుంట్ల కవిత నియమించారు. ఈ మేరకు ప్రకటన విడుదల చేశారు. మాధవి నియామకం తక్షణమే అమల్లోకి వస్తుందని ప్రకటించారు.

తెలంగాణ రక్షణ సేన సంస్థాగత విస్తరణలో భాగంగా పార్టీ చీఫ్ కల్వకుంట్ల కవిత మరో 19 అసెంబ్లీ నియోజకవర్గాలకు ఇన్‌ఛార్జీలను నియమించారు. అలాగే 9 లోక్‌సభ నియోజకవర్గాలకు ఇన్‌ఛార్జీలతో పాటు పార్టీ అనుబంధ విభాగాల అధ్యక్షులు, ఇతర కీలక పదవులను కూడా భర్తీ చేశారు. రెండో విడత జాబితాలోనూ బీసీ వర్గాలకు అధిక ప్రాధాన్యం కల్పించారు.

విద్యార్థుల ఉద్యమ ఫలితాన్ని తమ విజయంగా కాంగ్రెస్ ప్రభుత్వం ప్రచారం చేసుకోవడం సరికాదని తెలంగాణ రక్షణ సేన చీఫ్ కల్వకుంట్ల కవిత విమర్శించారు. యువతకు ఇచ్చిన హామీలను అమలు చేయకుండా విజయోత్సవాలు నిర్వహించడం సిగ్గుచేటని ఆమె వ్యాఖ్యానించారు.

గిగ్‌ వర్కర్లు, యాప్‌ ఆధారిత డ్రైవర్ల సమస్యలను రాష్ట్ర ప్రభుత్వం వెంటనే పరిష్కరించాలని తెలంగాణ రక్షణ సేన చీఫ్‌ కల్వకుంట్ల కవిత డిమాండ్ చేశారు.

“సింగరేణిలో శాశ్వత, కాంట్రాక్ట్ కార్మికులు ఎదుర్కొంటున్న సమస్యలపై యాజమాన్యం ప్రత్యేక దృష్టి సారించి తక్షణ చర్యలు తీసుకోవాలని టీఆర్‌ఎస్ అధ్యక్షురాలు కవిత కోరారు. ప్రభుత్వ విధానాలు, పెండింగ్ బకాయిల వల్ల సింగరేణిపై భారీ ఆర్థిక భారం పడుతోందని ఆమె పేర్కొన్నారు.”

టీఆర్ఎస్ (తెలంగాణ రక్షణ సేన) పార్టీ పేరు కేటాయింపు వివాదంలో కల్వకుంట్ల కవితకు ఢిల్లీ హైకోర్టు తాత్కాలిక ఊరట కల్పించింది. ఎన్నికల సంఘం నోటీసులకు వారం రోజుల్లో సమాధానం ఇచ్చే అవకాశం కల్పిస్తూ కీలక ఆదేశాలు జారీ చేసింది.